កីឡា
កត្តាសំខាន់៣ជំរុញឲ្យក្រុមហ៊ុន វឌ្ឍនៈប៊្រូវើរី ឧបត្ថម្ភការប្រកួតថ្នាលគុនខ្មែរថ្នាក់ជាតិ
សហព័ន្ធប្រដាល់គុនខ្មែរ និងក្រសួងអប់រំ យុវជន និងកីឡាបានរៀបចំការប្រកួតកីឡាប្រដាល់យុវជនគុនខ្មែរអាយុក្រោម១៨ឆ្នាំ ជ្រើសរើសជើងឯកថ្នាក់ជាតិ ឆ្នាំ២០២៤ ដោយមានការឧបត្ថម្ភផ្តាច់មុខពីក្រុមហ៊ុន «វឌ្ឍនៈប៊្រូវើរី»កាលពីល្ងាច ថ្ងៃចន្ទ ទី១៧ ខែកុម្ភៈ ឆ្នាំ២០២៥ នៅទីតាំងដីឡូត៍ ជិតច្រមុះជ្រូក រង្វង់ម៉ូលរូបសំណាកព្រះគោព្រះកែវ ភូមិអន្លង់ត្នោត ឃុំលង្វែក ស្រុកកំពង់ត្រឡាច់ ខេត្តកំពង់ឆ្នាំង។
ពិធីបើកការប្រកួតជាផ្លូវការក្រោមវត្តមានគណៈអធិបតី លោក ប៉ុន សុខ អគ្គនាយកនៃអគ្គនាយកដ្ឋានកីឡា ក្រសួងអប់រំ យុវជន និងកីឡា រួមជាមួយលោក ខូវ ឆាយ ប្រធានសហព័ន្ធប្រដាល់គុនខ្មែរ និងអ្នកឧកញ៉ា សំអាង វឌ្ឍនៈ អគ្គនាយកក្រុម ហ៊ុន «វឌ្ឍនៈប្រ៊ូវើរី» ព្រមទាំងភ្ញៀវកិត្តិយស សមាជិកប្រតិបត្តិសហព័ន្ធ តំណាងប្រតិភូកីឡាប្រដាល់គុនខ្មែរក្រសួង-រាជធានី ខេត្ត និងអាជ្ញាធរដែនដីនៃខេត្តកំពង់ឆ្នាំង កណ្តាល និងកំពង់ស្ពឺ។
តាមការឲ្យដឹងពីលោក ខូវ ឆាយ ថា ការប្រកួតប្រដាល់ថ្នាលយុវជនគុនខ្មែរអាយុក្រោម១៨ឆ្នាំនេះដែលនាំមកជូនជាពិសេសដោយ ភេសជ្ជៈប៉ូវកម្លាំងគ្រុឌ (Krud Energy), គ្រុឌអាយស៍ (Krud ICE, គ្រុឌកូឡា (Krud Cola) និង ភេសជ្ជៈកីឡា វី-អាកទីវ (V-Active Sports) ប្រព្រឹត្តទៅចាប់ពីថ្ងៃទី១៧ ដល់ទី២០ ខែកុម្ភៈ ឆ្នាំ២០២៥។
ប្រធានសហព័ន្ធប្រដាល់គុនខ្មែរបានសង្កត់ធ្ងន់ថា ការប្រកួតប្រដាល់ថ្នាលយុវជនគុនខ្មែរអាយុក្រោម១៨ឆ្នាំនេះមានគោលដៅសំខាន់ចំនួន៣។ ទី១. ផ្តល់ឱកាសឲ្យយុវជន សិស្សានុសិស្សបានចូលរួមប្រកួតប្រជែងដើម្បីជ្រើសរើសកីឡាករ កីឡាការិនីថ្នាលគុនខ្មែរដែលមានទេពកោសល្យដើម្បីតំណាងជាតិ និងបង្កើនធនធានអត្តពលិកគុនខ្មែរ។ ទី២. ផ្តល់ឱកាសឲ្យមន្ត្រីសហព័ន្ធប្រដាល់គុនខ្មែរបានអនុវត្តការងារជាក់ស្តែង ទទួលបានចំណេះដឹង និងបទពិសោធបច្ចេកទេសកាន់តែល្អប្រសើរ និងទី៣. លើកកម្ពស់គុណភាពនៃការរៀបចំការប្រកួតថ្នាក់ជាតិឆ្ពោះទៅរកការប្រកួតលក្ខណៈអន្តរជាតិនានា។
ការប្រកួតប្រដាល់ថ្នាលយុវជនគុនខ្មែរអាយុក្រោម១៨ឆ្នាំនេះ មានក្លិប សមាគមមកពីក្រសួង រាជធានី ខេត្តចំនួន១៥ ដែលមានកីឡាករ កីឡាការិនីសរុប១៣៩នាក់ ក្នុងនោះកីឡាករ១០៦នាក់ និងកីឡាការិនី៣៣នាក់។ ការប្រកួតមាន១៩វិញ្ញាសា ដែលផ្នែកបុរសចាប់ពីវិញ្ញាសាទម្ងន់៣៥គីឡូក្រាម ដល់៦៣.៥គីឡូក្រាម និងផ្នែកនារីចាប់ពីវិញ្ញាសាទម្ងន់៣៥គីឡូក្រាម ដល់៥៤គីឡូក្រាម។
លោក ខូវ ឆាយ បានបន្ថែមថា ក្នុងនាមសហព័ន្ធប្រដាល់គុនខ្មែរ សូមអរគុណដល់អ្នកឧកញ៉ា សំអាង វឌ្ឍនៈ ដែលបានឧបត្ថម្ភទាំងស្រុងដល់ព្រឹត្តិការណ៍ប្រកួត ហើយចំណាយពេលវេលាដ៏មានតម្លៃចូលរួមក្នុងពិធីបើកការប្រកួត និងក្រសួងអប់រំ យុវជន និងកីឡា ព្រមទាំងអាជ្ញាធរ ប្រតិភូក្រសួង-រាជធានី-ខេត្ត និងអ្នកគាំទ្រទាំងអស់៕
អត្ថបទ៖ វីរបុត្រ
កត្តាសំខាន់៣ជំរុញឲ្យក្រុមហ៊ុន វឌ្ឍនៈប៊្រូវើរី ឧបត្ថម្ភការប្រកួតថ្នាលគុនខ្មែរថ្នាក់ជាតិ
យោធាណាតូ១ម៉ឺននាក់ធ្វើសមយុទ្ធនៅតំបន់បាល់កង់
វៀតណាមកែច្បាប់ដើម្បីឱ្យ Starlink ផ្តល់អ៊ិនធឺណិតតាមផ្កាយរណប
ហាងឆេងមាសក្នុងស្រុកជួញដូរក្នុងតម្លៃជាង ៣ ៥០០ ដុល្លារក្នុងមួយតម្លឹង
វីតាល់ និងកាកបាទក្រហមកម្ពុជា សហការរៀបចំទិវាជាតិសុខភាពមាតា ទារក និងកុមារ ឆ្នាំ២០២៥ នៅមន្ទីរពេទ្យជាតិតេជោសន្តិភាព
គ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
នគរបាលច្រានចោលការលើកឡើងរបស់បណ្ឌិត សុខ ទូច
យន្តហោះផ្ទុកមនុស្ស៨០នាក់ ធ្លាក់ក្រឡាប់ផ្ងារជើង ឆេះនៅអាកាសយានដ្ឋាន Toronto
លោក ជួន ណារិន្ទ ណែនាំឲ្យស្នងការរងទទួលផែនចរាចរណ៍អញ្ជើញលោក សុខ ទូច មកដោះស្រាយបញ្ចប់បញ្ហា
បណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ព័ត៌មានជាតិ៧ ម៉ោង agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា៥ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៣ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ជីវិតកម្សាន្ដ៥ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ១ សប្តាហ៍ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
សន្តិសុខសង្គម១ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៥ ម៉ោង agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoអាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត