កីឡា

ការប្រកួតបាល់ទាត់ដើម្បីបរិច្ចាគឈាម ជោគជ័យលើសពីការរំពឹងទុក

បានផុស

១ ខែ មុន

នៅ

ថ្ងៃពុធ ១៩ កុម្ភៈ ២០២៥

ដោយ

ការប្រកួតបាល់ទាត់មិត្តភាពមនុស្សធម៌ក្រោមមូលបទ«យើងរួមគ្នាបរិច្ចគឈាម១០០០សាក់ ដើម្បីសង្គ្រោះជីវិត»ទទួលបានលទ្ធផលលើសពីការរំពឹងទុកដែលបានប្រព្រឹត្តទៅកាលពីថ្ងៃទី១៨ ខែកុម្ភៈ ឆ្នាំ២០២៥ នៅស្តាតចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតរវាងក្រុមបាល់ទាត់កីឡាករគុនខ្មែរ និងក្រុមបាល់ទាត់ពិធីករកម្ពុជា ក្រោមវត្តមានឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានកិត្តិយសក្រុមបាល់ទាត់ពិធីករកីឡាកម្ពុជា និងលោក ខូវ ឆាយ ប្រធានសហព័ន្ធប្រដាល់គុនខ្មែរ ដោយមានការចូលរួមពីកីឡាករគុនខ្មែរ និងពិធីករយ៉ាងច្រើននៅមជ្ឈមណ្ឌលកីឡាកងយោធពលខេមរភូមិន្ទ។

ព្រឹត្តិការណ៍នេះដាក់គោលដៅស្វែងរកឲ្យបានអ្នកចូលរួមបរិច្ចាគឈាមចំនួន១០០០សាក់ដែលត្រូវបានរៀបចំឡើងក្រោមការចង្អុលបង្ហាញណែនាំ និងគាំទ្រដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងគោលបំណងចែករំលែកក្ដីស្រលាញ់ ជំរុញ និងបង្កើតទម្លាប់ល្អ សម្រាប់អត្តពលិក និងប្រជាជនទូទាំងប្រទេស ក្នុងការចូលរួមបរិច្ចាគឈាម។

ជាលទ្ធផលក្រោយចប់ព្រឹត្តិការណ៍ មានអ្នកចូលរួមបរិច្ចាគឈាមលើសពីការរំពឹងទុកគឺចំនួន ១២៥៧ សាក់ ដែលបានក្លាយជាចំណែកដ៏សំខាន់ក្នុងកិច្ចការមនុស្សធម៌ និងជួយសង្គ្រោះអាយុជីវិតមនុស្ស៕