កីឡា

បឹងកេត ប៉ះ ព្រះខ័នរាជស្វាយរៀង លើកទី៣ ក្រោយចាញ់២លើករដូវកាលនេះ

បានផុស

១ ខែ មុន

នៅ

ថ្ងៃព្រហស្បតិ៍ ២០ កុម្ភៈ ២០២៥

ដោយ

ក្រុមខ្លាំងកំពូលតារាង ព្រះខ័នរាជស្វាយរៀង នឹងបើកទ្វារផ្ទះរបស់ខ្លួនទទួលក្រុម បឹងកេត វេលាម៉ោង៦ល្ងាចថ្ងៃអាទិត្យ ទី២៣ ខែកុម្ភៈ ឆ្នាំ២០២៥ ជើងទី១ វគ្គ៦ក្រុមចុងក្រោយ ពានរង្វាន់ខេមបូឌានព្រីមៀរលីគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វានឹងក្លាយជាជំនួបដ៏លំបាកសម្រាប់ក្រុមភ្ញៀវដែលលេងតទល់នឹងក្រុមខ្លាំង។ ជួបគ្នា២លើកក្នុងរដូវកាលនេះ បឹងកេត មិនអាចរកបានពិន្ទុពីក្រុមព្រះខ័នរាជស្វាយរៀងឡើយ។ ជើងទី១ ពួកគេ បានចាញ់ ដោយលទ្ធផល ១-២ នៅទឹកដីពហុកីឡដ្ឋានជាតិអូឡាំពិក និងជើងទី២ បានបន្តចាញ់ ២-០ នៅទឹកដីកីឡដ្ឋានខេត្តស្វាយរៀង។

កាលពីជើងទី២ បឹងកេត បានដោះដូរកីឡាករជាច្រើននាក់ និងតែងតាំងគ្រូបង្វឹកថ្មីដើម្បីពង្រឹងក្រុមឲ្យប្រសើរឡើង ប៉ុន្តែលទ្ធផលនៅតែមិនអាចតាមផែនការ។ ស្របពេលជាមួយគ្នានេះ ព្រះខ័នរាជស្វាយរៀង កាន់តែមានល្អប្រសើរ និងបានពង្រឹងក្រុមកាន់តែខ្លាំង បើទោះបីជាកីឡាករសំខាន់ខ្លះរបួសក៏ដោយ។

ទោះបីជាយ៉ាងណា ខ្សែប្រយុទ្ធសញ្ជាតិប្រេស៊ីលថ្មី Matheus Moresche ប្រហែលជាមិនទាន់អាចចូលលេងភ្លាមៗឲ្យព្រះខ័នរាជស្វាយរៀងទេ ពីព្រោះរូបគេបានខកខានលេងតាំងពីខែវិច្ឆិកា ឆ្នាំ២០២៤ នៅប្រទេសចិន។ ចំណែកខ្សែបម្រើស្លាបសញ្ជាតិប្រេស៊ីលថ្មី Breno Caetano ចុះឈ្មោះលេងក្នុងពានរង្វាន់អាស៊ីប៉ុណ្ណោះ។

កម្មវិធីប្រកួតជុំទី៣ វគ្គ៦ក្រុមចុងក្រោយ

វិសាខា vs ភ្នំពេញក្រោន ថ្ងៃសៅរ៍ ទី២២ កុម្ភៈ (ជើងទី១ ភ្នំពេញក្រោន ឈ្នះ ៤-២ និងជើងទី២ ស្មើគ្នា ៣-៣)
ណាហ្គាវើលដ៍ vs អង្គរថាយហ្គឺរ ថ្ងៃអាទិត្យ ទី២៣ កុម្ភៈ (ជើងទី១ ណាហ្គាវើលន៍ ចាញ់ ០-១ និងជើងទី២ ស្មើគ្នា ១-១)
ព្រះខ័នរាជស្វាយរៀង vs បឹងកេត ថ្ងៃអាទិត្យ ទី២៣ កុម្ភៈ (ជើងទី១ បឹងកេត ចាញ់ ១-២ និងជើងទី២ ចាញ់ ២-០)