កីឡា

វិសាខា ប៉ះ ពីភ្នំពេញក្រោន លើកទី៣ រដូវកាលនេះ

បានផុស

១០ នាទីutes មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ក្លិបបាល់ទាត់ វិសាខា បើកទ្វារផ្ទះរបស់ខ្លួន ទទួលក្រុមខ្លាំង ភ្នំពេញក្រោន វេលាម៉ោង៦ល្ងាចថ្ងៃសៅរ៍ ទី២២ ខែកុម្ភៈ ឆ្នាំ២០២៥ ជើងទី១ វគ្គ៦ក្រុមចុងក្រោយ ពានរង្វាន់ខេមបូឌានព្រីមៀរលីគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វានឹងក្លាយជាការប្រកួតមួយដ៏ជក់ចិត្តប្រចាំសប្តាហ៍នេះ បន្ទាប់ពីក្រុមទាំងពីរបានជួបគ្នា២លើកក្នុងរដូវកាលនេះពិតជាគួរឲ្យចាប់អារម្មណ៍ខ្លាំង។ ជួបគ្នាជើងទី១ ភ្នំពេញក្រោន បានយកឈ្នះ វិសាខា ដោយលទ្ធផល ៤-២ ប៉ុន្តែពេលនោះ វិសាខា មានគ្នា១០នាក់ ដោយសារកីឡាករ អ៊ុក សុវណ្ណ បានកាតក្រហម បន្ទាប់ពីរងពិន័យកាតលឿងពីរដង។ យ៉ាងណា នៅជើងទី២នៅទឹកដី វិសាខា ក្រុមទាំងពីរបញ្ចប់ដោយលទ្ធផលស្មើគ្នា ៣-៣។

៥ប្រកួតចុងក្រោយរបស់ វិសាខា ទទួលបានជ័យជម្នះ៤លើក និងចាញ់១លើក ខណៈភ្នំពេញក្រោន ទទួលបានជ័យជម្នះ៣លើក ស្មើ១លើក និងចាញ់១លើក។ វិសាខា មានទម្រង់លេងគួរឲ្យកត់សំគាល់នាប៉ុន្មានប្រកួតចុងក្រោយ។ ជាពិសេស ពួកគេបានយកឈ្នះ បឹងកេត ដោយលទ្ធផល ២-០។

ចំណែកភ្នំពេញក្រោន ហាក់មិនសូវបានគ្រាប់បាល់ច្រើននាប៉ុន្មានប្រកួតចុងក្រោយ។ ពួកគេបានត្រឹមស្មើ អង្គរថាយហ្គឺរ ១-១ និងចុងក្រោយបំផុតឈ្នះ ISI ដង្កោសែនជ័យ ២-១។ តាមរយៈទម្រង់នេះ ម្ចាស់ផ្ទះ វិសាខា បានដាក់គោលដៅស្វែងរកឲ្យបានពិន្ទុពីក្រុមភ្ញៀវ។

កម្មវិធីប្រកួតជុំទី៣ វគ្គ៦ក្រុមចុងក្រោយ

វិសាខា vs ភ្នំពេញក្រោន ថ្ងៃសៅរ៍ ទី២២ កុម្ភៈ (ជើងទី១ ភ្នំពេញក្រោន ឈ្នះ ៤-២ និងជើងទី២ ស្មើគ្នា ៣-៣)
ណាហ្គាវើលដ៍ vs អង្គរថាយហ្គឺរ ថ្ងៃអាទិត្យ ទី២៣ កុម្ភៈ (ជើងទី១ ណាហ្គាវើលន៍ ចាញ់ ០-១ និងជើងទី២ ស្មើគ្នា ១-១)
ព្រះខ័នរាជស្វាយរៀង vs បឹងកេត ថ្ងៃអាទិត្យ ទី២៣ កុម្ភៈ (ជើងទី១ បឹងកេត ចាញ់ ១-២ និងជើងទី២ ចាញ់ ២-០)

តារាងពិន្ទុបណ្តោះអាសន្ន