កីឡា

ព្រះខ័នរាជស្វាយរៀង បង្កើនទំនុកចិត្តក្នុងការនាំមុខ ភ្នំពេញក្រោន

បានផុស

១ ខែ មុន

នៅ

ថ្ងៃចន្ទ ២៤ កុម្ភៈ ២០២៥

ដោយ

ព្រះខ័នរាជស្វាយរៀង រកបាន៣ពិន្ទុបន្ថែមទៀតដើម្បីបង្កើនទំនុកចិត្តក្នុងការនាំមុខពិន្ទុលើក្រុមខ្លាំង ភ្នំពេញក្រោន ក្នុងវគ្គ៦ក្រុមចុងក្រោយ ពានរង្វាន់ខេមបូឌានព្រីមៀរលីគរដូវកាល២០២៤-២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសប្តាហ៍ទី១ វគ្គ៦ក្រុមចុងក្រោយ ម្ចាស់ផ្ទះព្រះខ័នរាជស្វាយរៀង បានដាក់សម្ពាធយ៉ាងខ្លាំងលើក្រុម បឹងកេត ដែលព្យាយាយមលេងការពារ និងវាយបក។ បឹងកេតពិតជាការពារបានល្អខ្លាំងមែនទែនដោយអាចរក្សាសំណាញ់រហូតដល់ចុងម៉ោងទើបធ្លាយតាមរយៈការស៊ុតបញ្ចូលទីពីចម្ងាយដ៏អស្ចារ្យរបស់ខ្សែប្រយុទ្ធសញ្ជាតិប្រេស៊ីល Christian នៅនាទី៩០+២។

គ្រាប់បាល់តែ១គត់របស់ Christian គ្រប់គ្រាន់ជួយឲ្យ ព្រះខ័នរាជស្វាយរៀង រកបាន៣ពិន្ទុពេញដើម្បីមាន៥៥ពិន្ទុ នាំមុខ៤ពិន្ទុលើ ភ្នំពេញក្រោន ដែលមាន៥១ពិន្ទុ។ ភ្នំពេញក្រោន បានចាញ់ម្ចាស់ផ្ទះ វិសាខា ដោយលទ្ធផល ២-១ នៅកីឡដ្ឋានព្រីនស៍ កាលពីថ្ងៃសៅរ៍ ទី២២២ ខែកុម្ភៈ ឆ្នាំ២០២៥។

ការនាំមុខ៤ពិន្ទុនេះកាន់តែធ្វើឲ្យ ព្រះខ័នរាជស្វាយរៀង មានទំនុកចិត្តក្នុងការក្តោបក្តាប់ឱកាសកាន់តែរឹងមាំឆ្ពោះទៅរកការគ្រងជើងឯកខេមបូឌានព្រីមៀរលីគរដូវកាល២០២៤-២៥។ ស្របពេលនេះ ក្រុមដែលមានមូលដ្ឋាននៅខេត្តស្វាយរៀង កំពុងមានទម្រង់លេងល្អប្រសើរឡើងវិញ បន្ទាប់ពីកីឡាករបានជាសះស្បើយពីរបួសមួយចំនួន ហើយក៏ជាពេលវេលាមិនសូវមមាញឹកខ្លាំងក្នុងការប្រកួតទាំងពានរង្វាន់ក្រៅប្រទេសដូចមុន។

៥ប្រកួតចុងក្រោយរបស់ ភ្នំពេញក្រោន គឺឈ្នះ២ប្រកួត ស្មើ១ប្រកួត និងចាញ់២ប្រកួត ហើយខ្សត់គ្រាប់បាល់ដែលជាហេតុធ្វើឲ្យពួកគេនៅពីក្រោមក្រុមកំពូលតារាងរហូតដល់៤ពិន្ទុ។

តារាងពិន្ទុ៦ក្រុមចុងក្រោយ