កីឡា
ម្ចាស់ខ្សែក្រវាត់ K-1 ៥ខ្សែ Masaaki ប៉ះ Tawanchai ដណ្តើមខ្សែក្រវាត់ពិភពលោក
កីឡាករប្រដាល់ជប៉ុន Masaaki Noiri ត្រូវទទួលជើងខ្លាំងថៃ Tawanchai នៅថ្ងៃទី២៣ ខែមីនា ឆ្នាំ២០២៥ នៅប្រទេសជប៉ុនដើម្បីដណ្តើមខ្សែក្រវាត់ឃីកបុកស៊ីងពិភពលោកដែលនៅទំនេររៀបចំដោយស្ថាប័ន ONE Championship។

ជើងខ្លាំង Masaaki ជាកីឡាករប្រដាល់ជប៉ុនដែលមានបទពិសោធច្រើនក្នុងអាជីពឃីកបុកស៊ីង នៅស្ថាប័នប្រដាល់ K-1។ កីឡាករបានចាប់អាជីពតាំងពីឆ្នាំ២០០៧ ដែលរហូតដល់ពេលនេះបានឡើងសង្វៀនចំនួន៦២ដង ក្នុងនោះឈ្នះ៥០ដង និងចាញ់១២ដង។
រូបគេជាកីឡាករប្រដាល់ជប៉ុនមួយរូបដែលទទួលបានជោគជ័យខ្លាំងក្នុងអាជីពដោយបានឆ្លងកាត់ស្ថាប័នប្រដាល់ធំៗជាច្រើនមានដូចជា សង្វៀន Glory, សង្វៀន Krush, សង្វៀន K-1 និងចុងក្រោយចូលសង្វៀនធំប្រចាំតំបន់អាស៊ី ONE។

ស្ថិតក្នុងវ័យ៣១ឆ្នាំ កីឡាករ Masaaki Noiri បានឈ្នះខ្សែក្រវាត់ការ៉ាតេថ្នាក់ជាតិជប៉ុន២ដង ឈ្នះជើងឯកថ្នាក់ជាតិជប៉ុនក្នុងដំណើរឆ្ពោះទៅកាន់ស្ថាប័ន Glory ម្តង ឈ្នះខ្សែក្រវាត់ឃីកបុកស៊ីង K-1 រហូតដល់៥ដង និងឈ្នះខ្សែក្រវាត់នៅសង្វៀន Krush ពីរដង។
កាលពីឆ្នាំ២០២១កន្លងទៅ Masaaki បានក្លាយជាកីឡាករឆ្នើមបំផុតប្រចាំឆ្នាំរបស់ស្ថាប័នឃីកបុកស៊ីងពិភពលោក K-1។
ឥឡូវនេះ រូបគេបានបោះជំហានចូលសង្វៀន ONE Championship ជាថ្មីដោយត្រូវ តទល់ជាមួយជើងខ្លាំងលំដាប់លេខ១នៅប្រទេសថៃ Tawanchai ដើម្បីដណ្តើមខ្សែក្រវាត់ឃីកបុកស៊ីងពិភពលោក នៅប្រទេសកំណើតរបស់ខ្លួន។ ការប្រកួត៣លើកកន្លងមកនៅសង្វៀន ONE រូបគេឈ្នះ១ និងចាញ់២។

Masaaki Noiri អាយុ៣១ឆ្នាំ កម្ពស់ ១.៧៥ម៉ែត្រ ប្រកួតចំនួន៦២ដង ឈ្នះ៥០ដង (ផ្តួលដៃគូឲ្យសន្លប់២៦ដង) និងចាញ់១២ដង (ចាញ់សន្លប់២ដង)។
សមិទ្ធផល
- ជើងឯកការ៉ាតេយុវជនថ្នាក់ជាតិជប៉ុន ឆ្នាំ២០០៧
- ជើងឯកការ៉ាតេ Shin Karate ជប៉ុន ឆ្នាំ២០០៩
- ជើងឯកឃីកបុកស៊ីងជប៉ុន ដំណើរឆ្ពោះទៅ Glory ឆ្នាំ២០១៣
- ចំណាត់ថ្នាក់លេខ២ Glory Slam ទម្ងន់៦៥គីឡូក្រាម ឆ្នាំ២០១៣
- ជើងឯក K-1 Koshien King ក្រោមអាយុ១៨ឆ្នាំ ឆ្នាំ២០០៩
- ជើងឯក K-1 World GP ជប៉ុន ទម្ងន់៦៥គីឡូក្រាម ឆ្នាំ២០១៦
- ជើងឯក K-1 World GP ទម្ងន់៦៥គីឡូក្រាម ឆ្នាំ២០១៧
- ជើងឯក K-1 World GP ទម្ងន់៦៧.៥គីឡូក្រាម ឆ្នាំ២០២១
- ជើងឯក K-1 World GP ទម្ងន់ ៦៧.៥គីឡូក្រាម ឆ្នាំ២០២១
- ជើងឯក Krush Under-22 ទម្ងន់៦៣គីឡូក្រាម ឆ្នាំ២០១១
- ជើងឯក Krush Welterweight ឆ្នាំ២០១៣
- ជើងឯក La Nuit des ទម្ងន់៦៦គីឡូក្រាម ឆ្នាំ២០១៦
- ជើងជើងមួយថៃ WBC ទម្ងន់៦៣.៥គីឡូក្រាម
- ជាកីឡាករប្រដាល់ឆ្នើមប្រចាំឆ្នាំ២០២១ របស់ស្ថាប័ន K-1
អត្ថបទ៖ វីរបុត្រ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ