កីឡាករ​បាល់ទះ៤​រូប​រកចំណូលបានច្រើនជាង​គេ​​បំផុតបច្ចុប្បន្ន

កីឡាបាល់ទះ បច្ចុប្បន្នកំពុងមានប្រជាប្រិយភាពខ្លាំង​នៅទូទាំងពិភពលោក។ ងាកមកកាន់ប្រទេសកម្ពុជា​​ក៏ពេញនិយមលេងកីឡាប្រភេទនេះផងដែរ។ បើនិយាយអំពីកីឡាករ និងក្លិបអាជីពក៏​កាន់តែច្រើនឡើងៗ បន្ទាប់ពីមានការយកចិត្តទុកដាក់ខ្លាំងពីថ្នាក់ដឹកនាំ ដោយបានបង្កើតឱ្យមានព្រឹត្តិការណ៍​ប្រកួត​ច្រើន ទាំង​ថ្នាក់ជាតិ និងអន្តរជាតិ។ ជាក់ស្តែង ថ្មីៗនេះទើបតែបញ្ចប់ការប្រកួត តេជោលីគលើកទី២ ដែលក្លិបបញ្ជាការដ្ឋានអង្គរក្ស បានក្លាយជាម្ចាស់ជើងឯក។

តាមរយៈការប្រកួតប្រជែងច្រើនបែបនេះ វាបានធ្វើឱ្យបណ្តាប្រទេសផ្សេងៗចាប់អារម្មណ៍មកកាន់កីឡាករកម្ពុជា រហូតធ្វើឱ្យកីឡាករមួយចំនួនទទួលបានឱកាសទៅបង្ហាញសមត្ថភាពនៅលើឆាកអន្តរជាតិ។ ពួកគេក៏អាចរកចំណូលបានច្រើនតាមហ្នឹងផងដែរ តួយ៉ាងដូចជា វឿន វាសនា ដែលកំពុងលេង​នៅ​​ក្លិប​ Win Streak របស់​តៃវ៉ាន់ជាដើម ទទួលបានប្រាក់ពលកម្មជិត២០​ម៉ឺនដុល្លារក្នុងមួយឆ្នាំ។

ទោះបីជាយ៉ាងណាក៏ដោយ ចំនួននេះ​មិនទាន់ច្រើនខ្លាំងនៅឡើយទេ បើធៀបនឹងកីឡាករ កីឡាការិនីលំដាប់ពិភពលោកដទៃ​ទៀត ដោយមានកីឡាករខ្លះបានដល់ខ្ទង់លានដុល្លារឯណោះ។

ថ្ងៃនេះខាងសារព័ត៌មាន«កម្ពុជាថ្មី» សូម​លើក​យក​កីឡាករលំដាប់ពិភព​លោក​ ៤ នាក់ដែលរកចំណូលបានច្រើនបំផុតគិតត្រឹមដើមឆ្នាំ​២០២៥៖

៥. កីឡាករសញ្ជាតិ រុស្ស៊ី Dmitriy Muserskiy៖ តារាបាល់ទះវ័យ ២៨ ឆ្នាំរូបនេះកំពុងលេងនៅក្លិប Suntory Sunbirds របស់ជប៉ុន។ ក្នុងមួយឆ្នាំ រូប​គេ​រកបាន ៩៥០, ០០០ ដុល្លារអាមេរិក។

៤. កីឡាករសញ្ជាតិ គុយបា Robertlandy Simon៖ បច្ចុប្បន្នគាត់មានវ័យ ៣០ ឆ្នាំ និងកំពុងលេងនៅក្លិប Gas Sales Piacenza ដោយ​រកបាន ៩៦៧, ០០០ ដុល្លារអាមេរិក​ក្នុង​មួយ​ឆ្នាំ។

៣. កីឡាករសញ្ជាតិ ប៉ូឡូញ Bartosz Kurek៖ តារាវ័យ ២៨ ឆ្នាំរូបនេះ បច្ចុប្បន្នកំពុងលេងនៅក្លិប ZAKSA Kędzierzyn-Koźle។ ក្នុងមួយឆ្នាំ រូប​គេ​រកបាន ១, ១០០, ០០០ ដុល្លារអាមេរិក។

២. កីឡាករសញ្ជាតិ បារាំង Earvin N’Gapeth៖ តារាបាល់ទះវ័យ ២៦ ឆ្នាំ ដែលកំពុងលេងនៅក្លិប Halkbank រូបនេះ បានជាប់ជាកីឡាករទី ២ ដែលរកចំណូលបានច្រើនជាងគេ ដោយមួយឆ្នាំរកបាន ១, ៣៥០, ០០០ ដុល្លារអាមេរិក។

១. កីឡាករកូនកាត់ប៉ូឡូញ-គុយបា Wilfredo León៖ កីឡាករជម្រើសជាតិ ប៉ូឡូញ ដែលកើតនៅឆ្នាំ ១៩៩៣ រូបនេះ បានជាប់ឈ្មោះជាកីឡាករបាល់ទះដែលរកប្រាក់ចំណូលបានច្រើនជាងគេបំផុតជាមួយក្លិប LUK Lublin ដោយមួយឆ្នាំរកបាន ១, ៤០០, ០០០ ដុល្លារអាមេរិក៕

អត្ថបទ៖ សេម កុសល
ប្រភព៖ Volleyball.com