អ្នកគាំទ្រ Man UTD គ្រោងធ្វើបាតុកម្មប្រឆាំងត្រកូល Glazer

អ្នកគាំទ្របស់ក្លិប​បិសាច​ក្រហម​ Manchester United គ្រោងធ្វើបាតុកម្មទ្រង់ទ្រាយធំនៅទឹកដី Old Trafford មុនការប្រកួតរវាងក្រុមបិសាចក្រហម ទល់នឹងកាំ​ភ្លើង​ធំ​ Arsenal នៅថ្ងៃអាទិត្យ សប្តាហ៍នេះ។

Man UTD នឹងបើកទ្វាកីឡដ្ឋាន Old Trafford ទទួលស្វាគមន៍ក្រុមកាំភ្លើងធំ Arsenal នៅចុងសប្តាហ៍នេះ ដែលជាការប្រកួតសប្តាហ៍ ២៨ នៃក្របខណ្ឌ Premier League។ អ្វីដែលកំពុងភ្ញាក់ផ្អើលពេលនេះ គឺអ្នកគាំទ្រកាន់ឆ្នាំរបស់បិសាចក្រហមបានប្រកាសពីផែនការធ្វើបាតុកម្មនៅមុនការប្រកួត ដើម្បីជាការព្រមានដល់ត្រកូល Glazer ដែលគ្រប់គ្រងក្រុមម្ចាស់ជើងឯកលីគកំពូល អង់គ្លេស ២០ សម័យមិនបានល្អ រហូតធ្វើឱ្យក្លិបដុនដាបខ្លាំងឡើងៗទាំងនៅលើសមរភូមិវាលស្មៅ និងស្ថានភាពហិរញ្ញវត្ថុក្លិប។

យោងតាមការប្រកាសរបស់អ្នកនាំពាក្យក្រុមអ្នកគាំទ្រតាំងពីឆ្នាំ ១៩៥៨ លោក Steve Crompton បានឱ្យដឹងថា៖ «ក្លិបកំពុងស្លាប់ៗម្តងបន្តិចនៅចំពោះភ្នែករបស់ពួកយើង ទាំងនៅក្នុង និងក្រៅទីលាន ហើយកំហុសគ្រប់យ៉ាង គឺស្ថិតនៅក្នុងគំរូនៃភាពដឹកនាំរបស់ម្ចាស់ក្លិបបច្ចុប្បន្ន»៕

អត្ថបទ៖ សេម កុសល
ប្រភព៖ Fabrizio Romano