កីឡា
យប់នេះ លោក Josep Muñoz ផ្តោតការគ្រប់គ្រងបាល់មិនឲ្យដៃគូវាយបក
លោក Josep Muñoz គ្រូបង្វឹកព្រះខ័នរាជស្វាយរៀងបានផ្តោតលើការគ្រប់គ្រងដោយមិនបណ្តោយឲ្យដៃគូមានឱកាសវាយបក សម្រាប់ការប្រកួតជាមួយ Shan United ជើងទី១ វគ្គ៨ក្រុមចុងក្រោយ ពានរង្វាន់ AFC Challenge League វេលាម៉ោង៧យប់ ថ្ងៃទី៦ ខែមីនា ឆ្នាំ២០២៥ នៅពហុកីឡដ្ឋានជាតិមរតកតេជោ។
ក្នុងសន្និសីទសារព័ត៌មាន លោក Josep Muñoz បានលើកឡើងថា សម្រាប់ការត្រៀមខ្លួនលើកនេះ ចំណុចដែលសំខាន់គឺត្រូវគ្រប់គ្រងបាល់ឲ្យបានច្រើន។ អ្វីដែលសំខាន់ធ្វើយ៉ាងណាមិនឲ្យដៃគូមានឱកាសក្នុងការវាយបក ហើយក៏មិនបណ្តោយឲ្យលេងបាល់លើបានច្រើនដែរ ពីព្រោះ Shan United មានខ្សែប្រយុទ្ធពីរនាក់ដែលជាកីឡាករបរទេស។
លោកមានប្រសាសន៍ថា ៖«គោលដៅរបស់យើងសម្រាប់ការប្រកួតគឺត្រូវតែឈ្នះ។ សម្រាប់ការប្រកួតបន្ទាប់ទៀតគឺនៅក្រៅដី យើងត្រូវត្រៀមខ្លួនក្នុងការហ្វឹកហាត់ឲ្យបានល្អដើម្បីស្វែងរកជ័យជម្នះបន្តទៀត ប៉ុន្តែយើងគិតពីមួយប្រកួតទៅមួយប្រកួតទៀត»។
ជាមួយគ្នានេះ សឿយ វិសាល ប្រធានក្រុមព្រះខ័នរាជស្វាយរៀង បានលើកឡើងថា ការប្រកួតលើកនេះមិនដូចលើកមុនទេ។ ក្រុមគេនឹងដាក់កីឡាករពេញជើង មិនដូចលើកមុន ការប្រកួតបង្គ្រប់កិច្ច ហើយកីឡាករទាំងសងខាងមានរបួសដូចគ្នា ដូច្នេះការប្រកួតថ្ងៃខុសពីការប្រកួតមុនទាំងស្រុង។
ដោយឡែក លោក Ono Hiroki គ្រូបង្វឹក Shan United បានលើកឡើងថា លោកបានដឹងពីក្រុមព្រះខ័នរាជស្វាយរៀងដែលបាននាំចូលកីឡាករថ្មីដែរដូចជាកីឡាករលេខ៩៨ Moresche។ គាត់បានលេងជាមួយក្រុមអង្គរថាយហ្គឺរ ឃើញបង្ហាញគុណភាពល្អ ជាកីឡាករម្នាក់ដែលមានកម្រិតកំពូលនៅក្នុងតំបន់អាស៊ីអាគ្នេយ៍។ លោកបានប្រាប់ក្រុមឲ្យប្រុងប្រយ័ត្នទាំងកីឡាករបរទេស និងកីឡាករកម្ពុជា ពីព្រោះកីឡាករក្នុងស្រុកក៏ល្អដូចជាកីឡាករលេខ៣០ ញាណ សុស៊ីដាន កីឡាករលេខ២៦ មិន រតនៈ សុទ្ធតែមានគុណភាព។
លោកបានបញ្ជាក់ដោយការជឿជាក់ថា ៖«ទោះបីជាលើកមុន យើងចាញ់ ៤-២ តែលើកនេះ យើងមានទំនុកចិត្តក្នុងការប្រកួត បន្ទាប់ពីយើងរៀបចំក្រុមជាថ្មី ហើយបានកែប្រែចំណុចខ្វះខាត។ ការប្រកួតគឺពិបាក តែយើងនឹងធ្វើឲ្យបានល្អ»។
ព្រះខ័នរាជស្វាយរៀង និង Shan United ត្រូវប្រកួតគ្នាវេលាម៉ោង៧យប់ ថ្ងៃទី៦ ខែមីនា ឆ្នាំ២០២៥ នៅពហុកីឡដ្ឋានជាតិមរតកតេជោ ជើងទី១ វគ្គ៨ក្រុមចុងក្រោយ ពានរង្វាន់ AFC Challenge League ឆ្នាំ២០២៤-២៥៕
អត្ថបទ៖ វីរបុត្រ
មីន អ៊ុងឡាំង ទៅប្រជុំនៅបាងកក ខណៈមនុស្សស្លាប់ដោយរញ្ជួយដីនៅមីយ៉ាន់ម៉ា កើនដល់ជិត ៤ពាន់
Nani ថា Viktor Gyokeres មានចំណុចពិសេស ២ អាចក្លាយជាខ្សែប្រយុទ្ធដ៏សក្តិសមរបស់ Man UTD
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
ក្រសួងបរិស្ថាន ចាត់មន្ត្រីជំនាញចុះពិនិត្យបន្ទាន់ ខណៈមានវិដេអូទឹកកខ្វក់ហូរចូលទន្លេក្បែរស្ថានីយទឹកស្អាតជ្រោយចង្វារ
សមាគមទីភ្នាក់ងារជ្រើសរើសពលករកម្ពុជា បោះឆ្នោតជ្រើសរើសក្រុមប្រឹក្សាភិបាលថ្មី សម្រាប់អាណត្តិទី៦
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
រដ្ឋមន្ត្រី៖ ការដំឡើងពន្ធរបស់អាមេរិកមិនប៉ះពាល់ ១០០% លើការនាំចេញរបស់កម្ពុជានោះទេ
នីតិកាលទី៧ នៃរដ្ឋសភា មានតំណាងរាស្ត្រចំនួន ៦រូប ជាខ្មែរឥស្លាម
ចិន អង្វរករមីយ៉ាន់ម៉ា សូមឈប់បាញ់លើក្បួនដឹកជំនួយ យកទៅជួយជនរងគ្រោះរញ្ជួយដី
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់