ព័ត៌មានជាតិ

កីឡាករ ពេជ្រ អាទិទេព ឈ្នះ ៦០% ពេលប៉ះ រឿង ឌីណា វគ្គផ្ដាច់ព្រ័ត្រខ្សែក្រវាត់ IPCC

បានផុស

៧ វិនាទី មុន

នៅ

ថ្ងៃសុក្រ ៧ មីនា ២០២៥

ដោយ

អ្នកលេងគុនខ្មែរ ពេជ្រ អាទិទេព ថាខ្លួនបានហ្វឹកហាត់ត្រៀមរួចរាល់ហើយ និងដាក់ក្ដីសង្ឃឹមរហូតដល់ ៦០% យកឈ្នះលើកីឡាករ រឿង ឌីណា ក្នុងវគ្គផ្ដាច់ខ្សែក្រវាត់ IPCC របស់សង្វៀនថោន នៅថ្ងៃអាទិត្យ ទី៩ ខែមីនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្រោយបញ្ចប់ការហ្វឹកហាត់ ពេជ្រ អាទិទេព បានឲ្យដឹងថា ការហ្វឹកហាត់សម្រាប់ត្រៀមការប្រកួតគឺទ្វេដងទាំងកម្លាំង និងក្បាច់ស្នៀតរួចរាល់ហើយរង់ចាំតែការប្រកួតមកដល់ប៉ុណ្ណោះ។ និយាយពីអារម្មណ៍វិញអ្នកប្រដាល់វ័យក្មេងរូបនេះថារំភើបខ្លះ និងភ័យខ្លះដែរ ព្រោះជាការប្រកួតធំផ្ដាច់ព្រ័ត្រយកខ្សែក្រវាត់ និងអមដោយការទស្សនាច្រើន។

កូនសិស្សគ្រូឆ្នើមរូបនេះបន្ថែមទៀតថា បើនិយាយពីសមត្ថភាពដៃគូប្រកួតវិញគឺល្អវាយឆ្ងាយ ម៉ាត់ ទាត់ និងការបត់កែងខ្លី។ ការប្រកួតនេះនឹងតានតឹងខ្លាំង ប៉ុន្តែរូបគេសង្ឃឹមឈ្នះរហូត ៦០%។ ចំពោះរឿងសន្លប់វិញពិបាកនឹងថាដែរ ព្រោះម្នាក់ៗសុទ្ធតែខំប្រឹងហាត់ និងត្រៀមខ្លួនដូចគ្នា។

បញ្ជាក់ដែរថា ការប្រកួតវគ្គផ្ដាច់ព្រ័ត្រដណ្ដើមខ្សែក្រវាត់ IPCC របស់សង្វៀនថោន (TOWN) នេះនឹងធ្វើឡើងនៅយប់ថ្ងៃទី៩ ខែមីនា ឆ្នាំ២០២៥ នៅឯខេត្តស្វាយរៀងចាប់ពីម៉ោង ៨យប់តទៅ។ អ្នកឈ្នះនឹងទទួលបានខ្សែក្រវាត់១គ្រឿង និងថវិកា ១២,០០០ដុល្លារ៕