កីឡា

ល្ងាចនេះ ភ្នំពេញក្រោន បើកទ្វារផ្ទះ ទទួល ណាហ្គាវើលដ៍ ពានសម្តេចតេជោ

បានផុស

២ សប្តាហ៍ មុន

នៅ

ថ្ងៃសុក្រ ១៤ មីនា ២០២៥

ដោយ

វេលាម៉ោង៦ល្ងាច ថ្ងៃទី១៤ ខែមីនានេះ ក្រុមភ្នំពេញក្រោន ត្រូវបើកទ្វារកីឡដ្ឋានរបស់ខ្លួនទទួលក្រុម ណាហ្គាវើលដ៍ សម្រាប់ការប្រកួតជើងទី២ វគ្គ៨ក្រុមចុងក្រោយ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៨ រដូវកាល២០២៤-២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នំពេញក្រោនមានទំនុកចិត្តខ្ពស់ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ បន្ទាប់ពីជើងទី១នៅទឹកដីខេត្តកំពង់ស្ពឺ ពួកគេទទួលបានជ័យជម្នះដោយមិនឲ្យតដៃរួច។ ទោះបីជាយ៉ាងណា លោក ឃីម បូរី គ្រូបង្វឹកណាហ្គាវើលដ៍ នៅតែមានក្តីសង្ឃឹម ពីព្រោះបាល់ទាត់មិនអាចមើលឃើញឡើយ។

លោកបាននិយាយថា ៖«ចាញ់ ៤-០ កាលពីជើងទី១ យើងគិតថា ឱកាសតិចតូចបំផុតក្នុងការឡើងទៅវគ្គបន្ត ប៉ុន្តែក្នុងបាល់ទាត់យើងគិតថា អ្វីៗក៏អាចកើតឡើងបានដែរ»។

កីឡាកររបស់ក្រុមទាំងពីរនៅពេញជើងដូចគ្នា ពីព្រោះមិនទាន់ចាកចេញពីក្រុមទៅហ្វឹកហាត់ជាមួយក្រុមជម្រើសជាតិឡើយ។ មិនខុសពីព្រះខ័នរាជស្វាយរៀង កីឡាកររបស់ពួកគេក៏មិនទាន់បានចូលរួមជាមួយក្រុមជម្រើសជាតិដែរ ដោយសារជាប់កាតព្វកិច្ចនៅពានរង្វាន់ AFC Challenge League ប៉ុន្តែនៅពេលត្រឡប់មកពីប្រទេសមីយ៉ាន់ម៉ាវិញ ពួកគេអាចចូលរួមជាមួយក្រុមជម្រើសជាតិបានហើយ។ ស្របពេលជាមួយគ្នានេះ កីឡាកររបស់ណាហ្គាវើលដ៍ និងភ្នំពេញក្រោន ក៏អាចចូលរួមជាមួយក្រុមជម្រើសជាតិបានដែរ បន្ទាប់ពីចប់ការប្រកួតល្ងាចនេះ។

កម្មវិធីប្រកួត វគ្គ១/៤ (ផ្តាច់ព្រ័ត្រ) ជើងទី២