ចេញហើយបញ្ជីឈ្មោះរបស់ ព័រទុយហ្គាល់ ខណៈ Ronaldo ក៏មានឈ្មោះដែរ

សហព័ន្ធបាល់ទាត់ ព័រទុយហ្គាល់ បានបញ្ចេញបញ្ជីឈ្មោះកីឡាករទាំង ២៤ នាក់ ដើម្បីត្រៀមការប្រកួតវគ្គ ៨ ក្រុមចុងក្រោយពាន UEFA Nations League នៅខែ មីនា នេះហើយ ខណៈខ្សែប្រយុទ្ធរបស់ Al-Nassr កីឡាករ Cristiano Ronaldo ក៏មានឈ្មោះផងដែរ។

ក្រុមរហស្សនាមបញ្ចខែល ព័រទុយហ្គាល់ នឹងត្រូវមានភារកិច្ចប្រកួតទល់នឹងក្រុមជម្រើសជាតិ ដាណឺម៉ាក ២ ប្រកួតនៅខែ មីនា នេះ ដែលជាការប្រកួតវគ្គ ៨ ក្រុមពាន Nations League។ ការប្រកួតជើងទី ១ ពួកគេនឹងត្រូវជួបគ្នានៅថ្ងៃ សុក្រ ទី ២១ ចំណែកការប្រកួតជើងទី ២ នឹងត្រូវជួបគ្នានៅថ្ងៃ ចន្ទ ទី ២៤។

ខាងក្រោមនេះ គឺជាសមាសភាពកីឡាករទាំង ២៤ នាក់របស់ក្រុម ព័រទុយហ្គាល់ ដែលត្រូវបានជ្រើសរើសដោយគ្រូបង្វឹកលោក Roberto Martinez៖

អ្នកចាំទី៖ Diogo Costa, José Sá, Rui Silva។

ខ្សែការពារ៖ Dalot, Semedo, Nuno Mendes, Nuno Tavares, Gonçalo Inácio, Ruben Dias, Antonio Silva, Renato Veiga។

ខ្សែបម្រើ៖ Ruben Neves, João Neves, Vitinha, Bruno Fernandes, Bernardo Silva។

ខ្សែប្រយុទ្ធ៖ João Félix, Francisco Trincão, Pedro Neto, Giovanni Guinda, Rafael Leão, Diogo Jota, Gonçalo Ramos, Cristiano Ronaldo៕

អត្ថបទ៖ សេម កុសល