កីឡាករ​ ផល​ សុភ័ណ្ឌ​ ចង់​បន្សល់​ឈ្មោះ​ក្នុង​គុន​ខ្មែរ​នៅ​ពេល​ខ្លួន​ឈប់​ទៅ​ដោយ​សម្រេច​ចិត្ត​ធ្វើ​រឿង​នេះ…​

អ្នក​ប្រដាល់​ល្អ​កែង​ ផល​ សុភ័ណ្ឌ​ ថា​ក្នុង​នាម​ជា​អ្នក​ប្រដាល់​មួយ​រូប​ដែល​បាន​ប្រឡូក​ជា​យូរ​ឆ្នាំ​មក​ហើយ​គឺ​ពិត​ជា​ចង់​បន្សល់​កេរ្តិ៍ឈ្មោះ​នៅ​ពេល​ខ្លួន​ចូលនិវត្តន៍​នៅ​ថ្ងៃ​ខាង​មុខ ដូច្នេះ​ហើយ​ទើប​សម្រេច​ចិត្ត​បង្កើត​ក្លឹប​ប្រដាល់​មួយ​ទុក​បង្ហាត់​សិស្ស​តទៅ​មុខ​ទៀត។​

កីឡាករ ផល​ សុភ័ណ្ឌ​

ផល​ សុភ័ណ្ឌ​ បាន​ប្រាប់​ពី​គោលបំណង​នៃ​ការ​បើក​ក្លឹប​ថ្មី​ ផល​សុភ័ណ្ឌ​គុន​ខ្មែរ​ នេះ​ឡើង​គឺ​ចង់​បន្សល់​ទុក​កេរ្តិ៍ឈ្មោះ​របស់​ខ្លួន​ក្នុង​វិស័យ​គុន​ខ្មែរ​នេះ​បន្ត​ទៀត​នៅ​ពេល​ខាង​មុខ​ដែល​រូប​គេ​ឈប់​ឡើង​ប្រកួត​ក្ដី។​ ដូច្នេះ​ហើយ​ក៏​នៅ​មាន​ក្លឹប​ នៅ​មាន​ឈ្មោះ​បន្ត​ទៀត​ដែរ​លើ​វិស័យ​ប្រដាល់​គុន​ខ្មែរ​នេះ។​

ក្លឹបថ្មីរបស់ ផល​ សុភ័ណ្ឌ​

ជើង​ខ្លាំង​មក​ពី​ខណ្ឌ​ដង្កោ​រូប​នេះ​បន្ថែម​ទៀត​ថា​ ដោយ​មើល​ឃើញ​ថា​បច្ចុប្បន្ន​នេះ​ទីផ្សារ​ប្រកួត​មាន​ច្រើន​ ប៉ុន្តែ​នៅ​ខ្វះ​ធនធាន​កីឡាករ​​មិន​ទាន់​មាន​គ្រប់គ្រាន់​នៅ​ឡើយ​ទេ។​ ការ​បើក​ក្លឹប​ថ្មី​នេះ​ជា​ការ​រួមចំណែក​អភិរក្ស​ក្បាច់​គុន​ខ្មែរ​ផង​ និង​បង្កើន​ធនធាន​ឲ្យ​មាន​កាន់​តែ​ច្រើន​ផង។​ សុភ័ណ្ឌ​ លើក​ឡើង​ទៀត​ថា​ឥឡូវ​នេះ​ក៏​កំពុង​ប្រកាស​ជ្រើសរើស​សិស្ស​ថ្មី​ដែល​ចង់​ហ្វឹកហាត់​គុន​ខ្មែរ​ផង​ដែរ ដូច្នេះ​អ្នក​ចង់​ហាត់​អាច​ទាក់ទង​ទៅ​ខ្លួន​បាន។​

ក្លឹបថ្មីរបស់ ផល​ សុភ័ណ្ឌ​

បញ្ជាក់​ដែរ​ថា​ ក្លឹប​ថ្មី​របស់​ ផល​ សុភ័ណ្ឌ​ នេះ​មាន​ឈ្មោះ​ថា​ ផល​សុភ័ណ្ឌគុន​ខ្មែរ មាន​ទីតាំង​នៅ​ភូមិពោធិ៍​ដុះ ស្រុកកណ្តាលស្ទឹង ខេត្តកណ្តាល (​តំបន់​ស្ទឹង​ព្រែកត្នោត)។​ ទំនាក់ទំនង​ទៅ​ហ្វេសបុក​របស់​លោក​ដែល​មាន​ឈ្មោះ​ថា​ ផល​ សុភ័ណ្ឌ​ ឬ​តាម​តេឡេក្រាម​លេខ​ 097 341 251 8 / 096 864 221 0 / 015 404 368៕

អត្ថបទដោយ​៖ នួន ស៊ីណា​