កីឡា

ធន់ រិទ្ធី ទទួល១ប្រកួតទៀតប៉ុណ្ណោះកម្ដៅសាច់ដុំត្រៀមចេញទៅអាមេរិក

បានផុស

៤ ថ្ងៃ មុន

នៅ

ថ្ងៃអង្គារ ២៥ មីនា ២០២៥

ដោយ

Sina Noun

អ្នកលេងគុនខ្មែរ ធន់ រិទ្ធី បានសម្រេចទទួលយក១ប្រកួតទៀតប៉ុណ្ណោះ មុនពេលចេញទៅប្រកួតនៅសហរដ្ឋអាមេរិកពាក់កណ្ដាលខែមេសាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ធន់ រិទ្ធី

ធន់ រិទ្ធី បានឲ្យដឹងថា រូបគេទទួលការប្រកួត១ប្រកួតទៀតប៉ុណ្ណោះជាការកម្ដៅសាច់ដុំផងដើម្បីត្រៀមការប្រកួតដ៏សំខាន់នៅសហរដ្ឋអាមេរិក។ ចាប់ពីពេលនេះទៅ រូបគេថែរក្សាខ្លួន និងសុខភាពជានិច្ចពោលគឺមិនធ្វេសប្រហែសឡើយ ដើម្បីឲ្យស្មារតី ក៏ដូចជាសមត្ថភាពល្អប្រសើរគ្រប់គ្រាន់។

កីឡាករគុនខ្មែរដែលត្រូវចេញទៅអាមេរិក

សិស្សគុនក្លឹបប្រដាល់ ធន់ សុភា គុនខ្មែរ បានបន្ថែមទៀតថា ការចេញទៅសហរដ្ឋអាមេរិកនេះគឺមានសារសំខាន់ខ្លាំងក្នុងការផ្សព្វផ្សាយពីក្បាច់គុនខ្មែរដល់អ្នករស់នៅទីនោះ និងបានឲ្យប្រជាពលរដ្ឋខ្មែររស់នៅអាមេរិកទស្សនាផ្ទាល់ផង។ ដូច្នេះមិនថាប៉ះដៃគូសមត្ថភាពយ៉ាងណានោះទេ ពោលខ្លួននឹងខំប្រឹងវាយឲ្យអស់ពីសមត្ថភាពបំពេញចិត្តអ្នកគាំទ្រទាំងនៅអាមេរិក និងនៅកម្ពុជា។

បញ្ជាក់ដែរថា កីឡាករ ធន់ រិទ្ធី, រឿង សោភ័ណ្ឌ, ពេជ្រ សម្បត្តិ និងកីឡាការិនី អេ យ៉ានុត នឹងត្រូវចេញទៅសហរដ្ឋអាមេរិក នៅថ្ងៃទី៥ ខែមេសា ២០២៥ និងត្រូវឡើងប្រកួតនៅថ្ងៃទី១២ ខែមេសា។ កីឡាករខ្មែរត្រូវប៉ះបរទេសរូបណាខ្លះនោះនៅមិនទាន់មានការផ្សព្វផ្សាយនោះឡើយ៕

អត្ថបទដោយ៖ នួន ស៊ីណា