កីឡា
រិទ្ធី គីងកុង មុនបានហាត់ប្រដាល់នៅក្រវែលៗតែក្លឹបលោក ផាត់ សូដា ជាង១សប្ដាហ៍
កីឡាករថ្នាលគុនខ្មែរកំពុងល្បីឈ្មោះ រិទ្ធី គីងកុង ទម្រាំបានចូលហាត់ប្រដាល់ត្រឹមត្រូវនៅក្រវែលៗតែក្លឹបប្រដាល់របស់លោកគ្រូ ផាត់ សូដា ប្រហែលជាង ១សប្ដាហ៍ទើបលោកសម្រេចចិត្តទទួលឲ្យហាត់ជាមួយគេ។

រិទ្ធី គីងកុង (ខោក្រហម)
លោក ផាត់ សូដា លើកឡើងក្នុងកិច្ចសម្ភាសមួយថា រិទ្ធី គីងកុង នេះទម្រាំលោកទទួលឲ្យចូលហាត់ប្រហែលជាង ១សប្ដាហ៍ឯណោះ។ លោកតែងតែឃើញកុមារារូបនេះនៅឈរមើល និងក្រវែលៗកន្លែងហាត់ជារើយៗ ប៉ុន្តែមិនហ៊ានសុំ ឬចូលហាត់ជាមួយគេឡើយ។ ដោយមើលឃើញពីចិត្តស្រឡាញ់ផ្នែកប្រដាល់របស់យុវជនរូបនេះ និងមានការតស៊ូមកឈរមើលគេជារឿយៗទើបលោកបានប្រាប់ឲ្យនាំឪពុក-ម្ដាយ មកសុំចូលហាត់ត្រឹមត្រូវ។

រិទ្ធី គីងកុង ពេលប៉ះថៃថ្មីៗនេះ
ចំណែកលោក លឹម ហុង ដែលជាឪពុករបស់ រិទ្ធី គីងកុង បានលើកឡើងក្នុងកិច្ចសម្ភាសថា ដំបូងឡើងលោកមិនអនុញ្ញាតឲ្យកូនប្រុសរូបនេះហាត់ប្រដាល់ឡើយ និងតែងតែរៀងរាំងជានិច្ច ប៉ុន្តែកូនប្រុសរបស់លោកឲ្យតែចេញពីសាលាមកគឺបាត់ពីផ្ទះហើយនៅតែហ្នឹងក្លឹបប្រដាល់នោះទេ។ រូបគេស្រឡាញ់ចូលចិត្តកីឡាប្រដាល់នេះដោយខ្លួនឯងតាំងតែពីដំបូងមកម្ល៉េះ។

លោក ផាត់ សូដា
លោកឃើញកូនស្រឡាញ់បែបនេះហើយក៏ឈប់ហាមឃាត់ និងបានទៅសុំលោកគ្រូ ផាត់ សូដា ឲ្យកូនបានហាត់ប្រដាល់ចាប់ពីពេលនោះមក។ បច្ចុប្បន្ននេះលោកមានតែជំរុញលើកទឹកចិត្តកូនឲ្យខំប្រឹងបន្តទៀត ពីព្រោះជាអ្វីដែលកូនស្រឡាញ់ទៅហើយ។ លោកមិននឹកស្មានថា កូនប្រុសរបស់លោកទើបតែហ្វឹកហាត់ និងមានវ័យក្មេងសោះ ប៉ុន្តែល្បីឈ្មោះមានគេស្រឡាញ់គាំទ្រច្រើនដូចនេះទេ។
បញ្ជាក់ដែរថា រិទ្ធី គីងកុង ជាកូនសិស្សលោក ផាត់ សូដា បច្ចុប្បន្នហ្វឹកហាត់គុនខ្មែរបានរយៈពេលជាង ១ឆ្នាំមកហើយក្នុងនោះប្រកួតបាន១១ដង ឈ្នះទាំងអស់ និងផ្ដួលដៃគូឲ្យសន្លប់បាន ៧ដង។ រូបគេកំពុងសិក្សានៅថ្នាក់ទី៣ នៃសាលាបឋមសិក្សាវត្តភ្នៀត៕


-
សន្តិសុខសង្គម១ សប្តាហ៍ ago
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ១ សប្តាហ៍ ago
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៦ ថ្ងៃ ago
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៤ ថ្ងៃ ago
នគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៥ ថ្ងៃ ago
ពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
សន្តិសុខសង្គម៤ ថ្ងៃ ago
ផុងដីរលំបាក់ដងសន្ទូចប្រវែងជាង៥០ម៉ែត្រ សង្កត់លើសំយាបផ្ទះពលរដ្ឋ៤ខ្នង និងសង្កត់ម៉ូតូមួយគ្រឿង
-
ព័ត៌មានជាតិ១ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានអន្ដរជាតិ៣ ថ្ងៃ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់