កីឡា
បរាជ័យ៣លើកនេះ កម្ពុជាខកចិត្តធំបំផុតរយៈពេល១៨ខែចុងក្រោយ
ក្រុមបាល់ទាត់ជម្រើសជាតិកម្ពុជា បានចាញ់ ក្រុមកោះអារូបា ដោយលទ្ធផល ១-២ បានក្លាយជាការខកចិត្តដ៏ធំមួយក្នុងចំណោមខកចិត្តធំទាំង៣នារយៈពេលជិត២ឆ្នាំចុងក្រោយ។
- ខកចិត្តពីការធ្លាក់ចេញពីជម្រុះជើងឯកពិភពលោក
ក្រុមបាល់ទាត់ជម្រើសជាតិកម្ពុជា បានធ្លាក់ត្រឹមជុំទី១ វគ្គជម្រុះ ជើងឯកពិភពលោក World Cup ឆ្នាំ២០២៦ បន្ទាប់ពីចាញ់ ប៉ាគីស្ថាន។ នៅជើងទី១ កម្ពុជាបានត្រឹមស្មើ ០-០ ជាមួយ ប៉ាគីស្ថាន នៅថ្ងៃទី ១៣ ខែតុលា ឆ្នាំ២០២៣ ក្នុងរាជធានីភ្នំពេញ ហើយជើងទី២ បានចាញ់ដោយលទ្ធផល ១-០ នៅថ្ងៃទី ១៧ ខែតុលា ឆ្នាំ២០២៣ នៅទឹកដីប៉ាគីស្ថាន។
នោះជាបរាជ័យខកចិត្តធំធេងបំផុតសម្រាប់ក្រុមកម្ពុជា និងអ្នកគាំទ្រ ដោយសារមិនបានឡើងទៅជុំទី២ដែលត្រូវប្រកួតក្នុងវគ្គជម្រុះក្នុងពូលជាច្រើនជាមួយក្រុមខ្លាំងៗ ហើយធ្វើឲ្យមានការខាតបង់ច្រើនណាស់។
- ខកចិត្តពីការធ្លាក់ចេញពីពានរង្វាន់អាស៊ី
បន្ទាប់ពីអស់ភារកិច្ចក្នុងព្រឹត្តិការណ៍បាល់ទាត់ពិភពលោក កម្ពុជានៅសល់តែឱកាសមួយគត់គឺវគ្គខ្វែងជុំទី១ដើម្បីរកក្រុមឡើងទៅកាន់វគ្គជម្រុះក្នុងពូលពានរង្វាន់ AFC Asian Cup ឆ្នាំ២០២៧ ប៉ុន្តែបែរជាខកចិត្តធំទៀត។
ពេលនោះ កម្ពុជា ត្រូវប្រកួតជម្រុះជាមួយស្រីលង្កា ប៉ុន្តែជើងទី១នៅទឹកដី ស្រីលង្កា បានត្រឹមស្មើគ្នាដោយលទ្ធផល ០-០ នាថ្ងៃទី៥ ខែកញ្ញា ឆ្នាំ២០២៤ ខណៈជើងទី២ កម្ពុជា បានចាញ់ ស្រីលង្កា ដោយប៉េណាល់ ២-៤ បន្ទាប់ពីបញ្ចប់១២០នាទីស្មើគ្នា ២-២។
- ខកចិត្តក្នុងការប្រកួតជាមួយ អារូបា
ទាំងគ្រូបង្វឹក និងក្រុមកីឡាករពិតជាទំនុកចិត្តខ្លាំងមែនទែនសម្រាប់ការប្រកួតមិត្តភាពជាមួយ អារូបា ដែលជាប្រទេសកោះតូចមួយនៅអាហ្វ្រិក បន្ទាប់ពីបង្ហាញទម្រង់លេងគួរឲ្យចាប់អារម្មណ៍ក្នុងពានរង្វាន់ ASEAN Championship និងការប្រកួតមិត្តភាពជាមួយ វៀតណាម ចាញ់គ្រាប់បាល់តិច ហើយជាពិសេស ក្រោយពេលឃើញក្រុមនេះចាញ់ក្លិបវិសាខា ដោយលទ្ធផល ៣-១។
ផ្ទុយទៅវិញ អ្វីៗមិនដូចការគិត ការប្រកួតបានត្រឹមតែ១០នាទីប៉ុណ្ណោះ អារូបា បានស៊ុតចូលកម្ពុជា២គ្រាប់ ប៉ុន្តែនៅវគ្គទី២ កម្ពុជាស៊ុតបាន១គ្រាប់ដោយកីឡាករ Nick Taylor ដែលលទ្ធផល ១-២ រក្សារហូតចប់ការប្រកួត។ អ្វីដែលកាន់តែអាក្រក់សម្រាប់ម្ចាស់ផ្ទះកម្ពុជាគឺកីឡាករ Yudai និង Neito ទទួលបានកាតក្រហម ត្រូវបណ្តេញចេញពីទីលាន។ វាបានក្លាយជាការប្រកួតដ៏អាក្រក់បំផុតសម្រាប់ក្រុមជម្រើសជាតិកម្ពុជាទទួលបានកាតក្រហមដល់ទៅ២នាក់ក្នុងមួយប្រកួតត។ លទ្ធផលនេះបានក្លាយជាការខកចិត្តខ្លាំងបំផុតសម្រាប់លោក Koji ជាគ្រូបង្វឹក និងក្រុមកីឡាករ ព្រមទាំងអ្នកគាំទ្រ។
គិតចាប់តាំងពីខែតុលា ឆ្នាំ២០២៣ រហូតដល់ខែមីនា ឆ្នាំ២០២៥គឺមានរយៈពេល១៨ខែចុងក្រោយដែលក្រុមបាល់ទាត់កម្ពុជារងបរាជ័យអាក្រក់បំផុត៕
អត្ថបទ៖ វីរបុត្រ
មន្ត្រីជំនាញថា ឆ្នាំនេះការស្នាក់នៅរបស់សត្វក្រៀលក្នុងបឹងអន្លង់ព្រីង មានរយៈពេលយូរជាងឆ្នាំមុនៗ
Ronaldo បានបង្ហាញមិត្តរួមក្រុម ១១ នាក់ល្អបំផុត មានទាំង Rooney
ពូទីន ស្នើឲ្យ UN គ្រប់គ្រងប្រទេសអ៊ុយក្រែន ជាបណ្តោះអាសន្នសិន
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ផលិតករភាពយន្តខ្នាតធំដ៏ល្បីរបស់បរទេស ស្នើយកប្រទេសកម្ពុជា ពិសេសតំបន់អង្គរវត្តជាទីតាំងផលិតវិដេអូ
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម២២ ម៉ោង agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៧ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
-
ព័ត៌មានអន្ដរជាតិ៧ ថ្ងៃ agoអង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក