កីឡា

សារដ៏សំខាន់ពី កាន់ ម៉ូ ប្រធានក្រុមកម្ពុជា ក្រោយលទ្ធផលមិនល្អ

បានផុស

៤ សប្តាហ៍ មុន

នៅ

ថ្ងៃពុធ ២៦ មីនា ២០២៥

ដោយ

ខ្សែការពារ កាន់ ម៉ូ ប្រធានក្រុមបាល់ទាត់ជម្រើសជាតិកម្ពុជាបានបង្ហាញពីការឈឺចាប់ចំពោះលទ្ធផលមិនល្អក្នុងការប្រកួតមិត្តភាពអន្តរជាតិពីរលើក និងអរគុណដល់អ្នកគាំទ្រចំពោះការអធ្យាស្រ័យជាមួយនឹងការទទួលខុសត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាន់ ម៉ូ បានរៀបរាប់ថា ៖«ជាពេលវេលាដ៏លំបាកសម្រាប់ពួកយើង។ ចាញ់ វៀតណាម និង អារូបា យើងពិតជាឈឺចាប់ណាស់។ ក្នុងនាមជាក្រុម យើងតែងតែប្រឹងអស់ពីលទ្ធភាព ប៉ុន្តែបើគ្មានផែនការច្បាស់លាស់ទេ ក៏គ្មានជោគជ័យកើតឡើងដែរ»។

កីឡាករទទួលបានសញ្ជាតិខ្មែរបានបន្តថា ៖«ខ្ញុំសូមអរគុណយ៉ាងជ្រាលជ្រៅដល់អ្នកគាំទ្រ និងមានការយោគយល់។ ជំនឿរបស់អ្នកគាំទ្រចំពោះយើងខ្ញុំពិតជាមានសារសំខាន់ខ្លាំង នៅក្នុងកាលៈទេសៈបែបនេះ។ យើងខ្ញុំទទួលខុសត្រូវ រៀនពីបញ្ហា និងបន្តឆ្ពោះទៅមុខជានិច្ច»។

សាររបស់កីឡាករ កាន់ ម៉ូ បានកើតមានឡើង បន្ទាប់ពីក្រុមបាល់ទាត់កម្ពុជាបានចាញ់ ក្រុមជម្រើសជាតិអារូបា ដោយលទ្ធផល ១-២ ដោយមានកីឡាករកម្ពុជា២រូបទទួលបានកាតក្រហម កាលពីយប់ថ្ងៃទី២៥ ខែមីនា ឆ្នាំ២០២៥។ បរាជ័យនេះបានធ្វើឲ្យគ្រប់គ្នាមានការខកចិត្តយ៉ាងខ្លាំង។ មុនលទ្ធផលមិនល្អនេះ កម្ពុជាបានចាញ់ វៀតណាម ១-២ នៅទឹកដីវៀតណាម កាលពីថ្ងៃទី១៩ ខែមីនា ឆ្នាំ២០២៥៕