កីឡា
សេះត្រូវមានលក្ខខណ្ឌបែបនេះទើបជ្រើសរើសទៅប្រណាំងនៅសង្ក្រាន្តសៀមរាប
លោក សាត សាវីត បានលើកឡើងពីការប្រណាំងសេះនៅក្នុងព្រឹត្តិការណ៍អង្គរសង្ក្រាន្ត ខេត្តសៀមរាប ជាការរួមចំណែកលើកស្ទួយកីឡាសេះខ្មែរឲ្យមានការគាំទ្រឡើងវិញ។

លោក សាត សាវីត
ថ្លែងក្នុងពេលជ្រើសរើសសេះយកទៅសៀមរាប លោក សាត សាវីត គ្រូបង្ហាត់ជិះសេះបានឲ្យដឹងថា ដោយទទួលបានការងារពី សហព័ន្ធសហភាពយុវជនកម្ពហជា (សសយក) ជួយជ្រើសរើសសេះ និងរៀបចំជាការប្រកួតបែបប្រពៃណីនៅព្រឹត្តិការណ៍អង្គរសង្ក្រាន្ត នាខេត្តសៀមរាបនៅពេលនេះ ក្រុមការងារកំពុងធ្វើយ៉ាងសកម្មលើរឿងនេះ។ សេះដែលត្រូវជ្រើសរើសយកទៅប្រណាំងគឺសរុប ១៥ក្បាលជាសេះខ្មែរដោយក្រុមការងារសហព័ន្ធជ្រើសរើសនៅតាមបណ្ដាខេត្ត-ក្រុងនានា។

ទិដ្ឋភាពជ្រើសរើសសេះ
ដោយឡែកកាលពីរសៀលថ្ងៃទី២៦ ខែមីនា ឆ្នាំ២០២៥ ក្រុមការងារបានរៀបចំធ្វើតេស្ដតាមបច្ចេកទេសដើម្បីជ្រើសរើសសេះចំនួន៦ក្បាលបន្ថែមទៀតនៅរាជធានីភ្នំពេញដើម្បីយកទៅបង្គ្រប់១៥ក្បាលត្រៀមប្រកួតក្នុងព្រឹត្តិការណ៍អង្គរសង្ក្រាន្តតែម្ដង។
សេះដែលត្រូវជ្រើសរើសយកទៅប្រកួតនៅអង្គរសង្ក្រាន្តនោះត្រូវជាសេះដែលមានកម្ពស់ចាប់ពី ១.៤០ Cm ទៅ ១.៥៥ Cm មានសាច់ឈាមធាត់ ស្អាត ធ្វើក្រចកជើង និងមានសម្ភារត្រឹមត្រូវ អ្នកជិះមានជំនាញក្នុងការជិះដោយផ្ដោតលើសុវត្ថិភាពជាចម្បង។

ទិដ្ឋភាពជ្រើសរើសសេះ
ពិធីប្រណាំងនៅសង្ក្រាន្តសៀមរាបលើកនេះជាការលើកស្ទួយដល់សេះខ្មែរ និងបង្ហាញដល់មហាជនថា សេះមិននៅមាននៅឡើយទេតាមបណ្ដាស្រុកភូមិ។ មួយវិញទៀតជាការជំរុញទឹកចិត្តដល់អ្នកដែលស្រឡាញ់ឲ្យងាកមកថែរក្សា និងចិញ្ចឹមសេះឡើងវិញ ជាការលើកស្ទួយដល់កីឡាជិះសេះនៅកម្ពុជាឲ្យមានអ្នកស្គាល់ ចង់ហាត់រៀនជាបន្តបន្ទាប់នៅថ្ងៃខាងមុខ។
កម្មវិធីតេស្តជ្រើសរើសសេះដែលគ្រប់លក្ខខណ្ឌនេះធ្វើឡើងកាលពីរសៀលថ្ងៃទី២៦ ខែមីនា ឆ្នាំ២០២៥ ទីតាំងដីវាលមួយកន្លែងក្បែរផែស្ងួត សូ ហួង តាមបណ្ដោយផ្លូវវ៉េងស្រេង រាជធានីភ្នំពេញ។ សេះចំនួន ៦ក្បាលនឹងត្រូវយកទៅបង្គ្រប់ជាមួយសេះតាមបណ្ដាខេត្តផ្សេងៗទៀតសរុបទាំងអស់១៥ក្បាលដើម្បីចូលរួមប្រណាំងថ្ងៃអង្គរសង្ក្រាន្តសៀមរាបខាងមុខ៕






ទិដ្ឋភាពជ្រើសរើសសេះ
អត្ថបទដោយ៖ នួន ស៊ីណា

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?