កីឡា

ពេជ្រ អាទិទេព មានកេរ្តិ៍ឈ្មោះមកដល់ពេលនេះមិនភ្លេចឡើយសង្វៀនបាយ័នជាកន្លែងផ្ដល់ឱកាស

បានផុស

៩ ម៉ោង មុន

នៅ

ថ្ងៃសុក្រ ២៨ មីនា ២០២៥

ដោយ

អ្នកលេងគុនខ្មែរ ពេជ្រ អាទិទេព ថាមានគេស្គាល់ និងបានប្រកួតកម្មវិធីធំនានាដូចពេលនេះរូបគេមិនភ្លេចឡើយសង្វៀនបាយ័នដែលជាកន្លែងផ្ដល់ឱកាសដល់ខ្លួនបានប្រកួតដំបូងៗឡើយ និងប្រកួតបរទេសជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ អាទិទេព

ពេជ្រ អាទិទេព បានឲ្យដឹងថា មានការគាំទ្រពីមហាជន និងមានឱកាសឡើងកម្មវិធីតូច-ធំផ្សេងៗនាពេលឥលូវនេះគឺរូបគេមិនភ្លេចគុណស្ថានីយទូរទស្សន៍បាយ័ន ឬសង្វៀនបាយ័នឡើយ។ ជាកន្លែងផ្ដល់ឱកាសដំបូងៗបានឡើងប្រកួត បានប្រកួតជាមួយបរទេសនៅពេលនោះ។

សង្វៀនបាយ័ន

កូនសិស្សគ្រូឆ្នើមខាងលើលលើកម្រាម ១០ អរគុណស្ថានីយទូរទស្សន៍បាយ័ន អរគុណអ្នករៀបចំឲ្យទទួលបានជោគជ័យបន្ថែមទៀត និងមានប្រជាប្រិយភាពកាន់តែខ្លាំង។ រូបគេក៏មិននឹកស្មានថាមានកេរ្តិ៍ឈ្មោះ និងមានអ្នកគាំទ្រដូចសព្វថ្ងៃនេះដែរ។

បញ្ជាក់ដែរថា ពេជ្រ អាទិទេព ចាត់ចូលជាកីឡាករល្បីឈ្មោះជួយមុខមួយរូបនៅកម្ពុជាហើយបើទោះជាទើបប្រឡូកលើវិស័យប្រដាល់គុនខ្មែរនេះបានប៉ុន្មានឆ្នាំក៏ដោយ។ កូនសិស្សលោក ពេជ្រ សុផាន់ រូបនេះលេងកម្មវិធីខ្សែក្រវាត់ ៣ដង ឈ្នះខ្សែក្រវាត់បាន ២គ្រឿង។ អាទិទេព បច្ចុប្បន្នប្រកួតលើប្រភេទទម្ងន់ ៥៧គីឡូក្រាម។ រូបគេកំពុងទទួលបានការចាប់អារម្មណ៍ខ្លាំងពីអ្នកគាំទ្រ និងបណ្ដាស្ថានីយផ្សេងៗ៕