កីឡា
Cristian ចាត់ទុកការស្នាក់នៅកម្ពុជាលើសពី អាជីពបាល់ទាត់
កីឡាករប្រេស៊ីល Cristian Roque ខ្សែប្រយុទ្ធរបស់ក្លិបព្រះខ័នរាជស្វាយរៀង បានចាត់ទុកការស្នាក់លេងបាល់ទាត់នៅក្នុងប្រទេសកម្ពុជាគឺលើសពីបាល់ទាត់ដែលខ្លួនទទួលបាន។
មុនពេលមកកម្ពុជា Cristian មិនបានដឹងអ្វីច្រើនទេអំពីប្រទេសកម្ពុជា ប៉ុន្តែរូបគេបានសម្រេចមកលេងនៅទីនេះ ពីព្រោះចង់ឲ្យអាជីពបាល់ទាត់ និងជីវភាពគ្រួសារល្អប្រសើរ។ នៅរដូវកាលដំបូង រូបគេជួបការលំបាកច្រើនក្នុងការទំនាក់ទំនងជាមួយក្រុមការងារ និងមិត្តរួមក្រុម។
កីឡាករបាននិយាយថា ៖«បញ្ហាលំបាកជាងគេគឺភាសាទំនាក់ទំនងជាមួយមិត្តរួមក្រុម ជាមួយអ្នកដទៃ។ រដូវកាលដំបូង ខ្ញុំពិបាកខ្លាំង ប៉ុន្តែឥឡូវនេះល្អប្រសើរច្រើន។ ល្អប្រសើរទាំងនៅលើទីលាន និងក្រៅទីលាន»។
នៅរដូវកាលដំបូងជាមួយក្លិបណាហ្គាវើលដ៍ Cristian Roque ទទួលបានឱកាសរៀនភាសាអង់គ្លេសអំពីគោលសំខាន់ៗក្នុងការទំនាក់ទំនងប្រចាំថ្ងៃ។ ភាសាអង់គ្លេសរបស់ខ្លួនបានរីកចម្រើនយ៉ាងឆាប់រហ័ស បន្ទាប់ពីរៀនផង អនុវត្តផ្ទាល់ផង ហើយបានផ្តល់ឲ្យរូបគេកាន់តែមានភាពងាយស្រួលក្នុងការស្នាក់នៅប្រទេសកម្ពុជា ហើយអាជីពបាល់ទាត់ក៏កាន់តែល្អប្រសើរ។
Cristian បានរៀបរាប់ថា ៖«ខ្ញុំមកកម្ពុជាដំបូង ភាសារបស់ខ្ញុំគឺសូន្យ អត់អាចនិយាយអ្វីបានសោះ។ នៅណាហ្គាវើលដ៍មានបន្ទប់មួយ អ្នកគ្រូម្នាក់បានជួយបង្រៀនអង់គ្លេស។ មិនមែនតែខ្ញុំទេគឺមានកីឡាករផ្សេងទៀតក៏បានរៀនដែរ។ ពេលខ្ញុំចេញទៅក្រៅ ទៅផ្សារ ឬទៅទិញអ្វីមួយ ដូចជាទៅឱសថស្ថានដើម គឺខ្ញុំអាចដោះស្រាយបានស្រួលតាមរយៈភាសាអង់គ្លេស ហើយខ្ញុំក៏បានព្យាយាមអនុវត្តជាមួយមិត្តរួមក្រុមដែលធ្វើឲ្យអង់គ្លេសរបស់ខ្ញុំកាន់តែល្អ»។
ក្រោយមក Cristian បានផ្លាស់ទៅក្លិបព្រះខ័នរាជស្វាយរៀងដែលជាក្លិបធំ និងមានឱកាសបង្ហាញខ្លួនក្នុងការប្រកួតអន្តរជាតិ។ កីឡាករបានរៀបរាប់ថា ៖«នៅពេលក្លិបព្រះខ័នរាជស្វាយរៀងជជែកជាមួយខ្ញុំ។ ខ្ញុំពិតជាភ្ញាក់ផ្អើលមែនទែន ពីព្រោះនេះជាក្លិបដ៏ធំមួយ។ តាមពិតទៅ ខ្ញុំនៅមានពេលជាងមួយឆ្នាំទៀតជាមួយណាហ្គាវើលដ៍ ប៉ុន្តែវាហាក់ដូចជាលំបាកដែរក្នុងការកែប្រែក្រុម។ នៅពេលខាងព្រះខ័នរាជស្វាយរៀងទាក់ទង ខ្ញុំមិនបានគិតច្រើនទេ ពីព្រោះខ្ញុំចង់អភិវឌ្ឍបាល់ទាត់ ហើយក៏ចង់លេងក្នុងពានរង្វាន់អន្តរជាតិ។ ខ្ញុំពិតជារីករាយណាស់ដែលបានចូលរួមជាមួយព្រះខ័នរាជស្វាយរៀង»។
កីឡាករបានជួយឲ្យក្លិបព្រះខ័នរាជស្វាយរៀងឈ្នះជើងឯកលីគកំពូលកម្ពុជា និងពានរង្វាន់សម្តេចតេជោ ហ៊ុន សែន រដូវកាល២០២៣-២៤ ប៉ុន្តែរូបគេមិនទាន់ចាត់ទុកជាការទទួលបានជោគជ័យឡើយ។ គោលដៅធំបំផុតដែលអាចចាត់ទុកជោគជ័យគឺពានរង្វាន់អន្តរជាតិ។
Cristian បាននិយាយថា ៖«ខ្ញុំមិនទាន់ជោគជ័យទេ។ ខ្ញុំត្រូវការអភិវឌ្ឍបន្ថែមទៀត។ គោលបំណងរបស់ខ្ញុំគឺឈ្នះពានរង្វាន់អន្តរជាតិជាមួយ ព្រះខ័នរាជស្វាយរៀង ដូចជាពាន AFC ជាដើម។ នោះជាគោលដៅរបស់ខ្ញុំ ហើយខ្ញុំនឹងព្យាយាមឲ្យអស់ពីសមត្ថភាព»៕
អត្ថបទ៖ វីរបុត្រ
លោក Ancelotti ជឿជាក់លើកីឡាករម្នាក់នឹងអាចសាងស្នាដៃដូច CR7 នៅ Madrid
មីយ៉ាន់ម៉ា កាន់ទុក្ខមួយសប្តាហ៍ ខណៈរកឃើញមនុស្សស្លាប់ដោយរញ្ជួយដី ច្រើនឡើងៗ
នគរបាលស្រុកបាទី បង្ក្រាបក្រុមគ្រឿងញៀន១៥នាក់ ដកហូតអាវុធខ្លី២ដើម និងសម្ភារៈមួយចំនួន
រាជរដ្ឋាភិបាល លើកលែងតម្លៃសេវាចេញ-ចូល ថៃ តាមច្រកទ្វារព្រំដែន សម្រាប់ពលករខ្មែរត្រលប់មកស្រុកពេលបុណ្យចូលឆ្នាំថ្មី
Cristian ចាត់ទុកការស្នាក់នៅកម្ពុជាលើសពី អាជីពបាល់ទាត់
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ