កីឡា
អ្នកលេងគុនខ្មែរ គោរមៈ ច័ន្ទរាជ្យ ប្រាប់ហេតុផលឡើងលេងប្រភេទទម្ងន់ ៥៧គីឡូក្រាម
កូនសិស្សលោក ហ៊ុន ច័ន្ទរាជ្យ ថាបច្ចុប្បន្ននេះរូបគេឡើងទម្ងន់មកលេង ៥៧គីឡូក្រាមហើយ ព្រោះតែទម្ងន់ឡើងខ្លាំងពិបាកបញ្ចុះ និងរាងកាយកាន់តែធំទៅតាមវ័យផងដែរ។

គោរមៈ ច័ន្ទរាជ្យ
គោរមៈ ច័ន្ទរាជ្យ បានឲ្យដឹងថា ដោយរាងកាយកាន់តែធំ វ័យកាន់ច្រើន ដូច្នេះទម្ងន់ក៏ឡើងតាមហ្នឹងដែរ មួយវិញទៀតសម្រាកមួយរយៈពេលព្យាបាលរបួសផងនោះទើបទម្ងន់កើនឡើងខ្លាំង។ យ៉ាងណារូបគេបានបញ្ជាក់ហើយថា ឥលូវនេះគឺប្រកួតលើប្រភេទទម្ងន់ ៥៧គីឡូក្រាមទើបបានបើឲ្យបញ្ចុះមក ៥៤ ឬក្រោមនោះមិនអាចទៅរួចឡើយ។

គោរមៈ ច័ន្ទរាជ្យ
អ្នកលេងគុនខ្មែររៀនថ្នាក់ទី១២ រូបនេះបន្ថែមទៀតថា រូបគេបានប្រកួត១ដងរួចហើយលើប្រភេទទម្ងន់ ៥៧គីឡូក្រាមនេះជាមួយកីឡាករចិន។ ទម្ងន់ ៥៧គីឡូក្រាមនេះគឺមានអ្នកល្អៗច្រើន យ៉ាងណារូបគេនឹងប្រឹងប្រែងឲ្យអស់ពីសមត្ថភាពលើការហ្វឹកហាត់ និងត្រៀមប៉ះជើងខ្លាំងប្រចាំទម្ងន់នេះនៅពេលខាងមុខ។

គោរមៈ ច័ន្ទរាជ្យ
បញ្ជាក់ដែរ គោរមៈ ច័ន្ទរាជ្យ ជាកូនសិស្សលោក ហ៊ុន ច័ន្ទរាជ្យ។ រូបគេជាកីឡាករវ័យក្មេងដែលមានកេរ្តិ៍ឈ្មោះល្បីមួយរូបក្នុងប្រទេសកម្ពុជាផងដែរ និងកំពុងគ្រងខ្សែក្រវាត់៤គ្រឿង។ មួយរយៈពេលនេះមិនសូវឃើញរូបគេឡើងប្រកួតញឹកញាប់នោះឡើយ។ សប្ដាហ៍នេះអ្នកលេងគុនខ្មែរខាងលើនឹងត្រូវប្រកួតជាមួយកីឡាករជប៉ុន ហ៊ីការ៉ា ហ្វូរ៉ូម៉ូរ៉ា លើប្រភេទទម្ងន់ ៥៧គីឡូក្រាមនៅសង្វៀនថោន៕

កម្មវិធីប្រកួត(តេឡេក្រាមថោន)
អត្ថបទដោយ៖ នួន ស៊ីណា

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៦ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី