Connect with us

កីឡា

លោក Munoz ដាក់​គោល​ដៅ​បង្កើត​កំណត់​ត្រា​ឈ្នះ​ដំបូងនៅដី​ភ្នំពេញក្រោន

បានផុស

នៅ

លោក​គ្រូ Pep Munoz មិន​ទាន់​ស្គាល់​ជ័យជម្នះ​ទេ​ក្នុង​ការ​ដឹក​នាំ​ក្រុម​ព្រះ​ខ័ន​រាជ​ស្វាយរៀង​ទៅ​លេង​នៅ​ទឹក​ដី​របស់​ក្លិប​ភ្នំពេញ​ក្រោន មុន​​ពេល​ត្រូវ​ប៉ះ​គ្នា​លើក​ទី​៧​​ក្រោម​ការ​ដឹក​នាំ​របស់​លោក​ក្នុង​លីគ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នំពេញ​ក្រោន ត្រូវ​បើក​ទ្វារ​ទទួល ព្រះ​ខ័ន​រាជ​ស្វាយរៀង វេលា​ម៉ោង​៦​ល្ងាច ថ្ងៃ​សៅរ៍ ទី​៥ ខែ​មេសា ឆ្នាំ​២០២៥ សម្រាប់​ការ​ប្រកួត​ជើង​ទី១ វគ្គ​៦​ក្រុម​កំពូល​ចុង​ក្រោយ​នៃ​ខេមបូឌានព្រីមៀរលីគ​រ។ គ្រូ​បង្វឹក​សញ្ជាតិ​អេស្ប៉ាញ​រូប​នេះ​​បាន​ក្លាយ​ជា​ឧបសគ្គ​ធំ​សម្រាប់លោកគ្រូ Oleg Staryinskyi គិត​ចាប់​តាំង​ពី​លោក​ចូល​មក​ដឹក​នាំ​ព្រះ​ខ័ន​រាជ​ស្វាយរៀង កាល​ពី​​ឆ្នាំ​២០២៣។ លោក​បាន​ដឹក​នាំ​យក​ឈ្នះ​ ភ្នំពេញ​ក្រោន ដើម្បី​ក្រសោប​បាន​ជើង​ឯក​លីគ​កំពូល​កម្ពុជា ពាន​រង្វាន់​សម្តេច​អគ្គមហាសេនាបតី​តេជោ ហ៊ុន សែន និង​ពានខេមបូឌានស៊ុបភើខាប់។

ទោះ​បី​ជា​យ៉ាង​ណា ក្នុង​ការ​ប្រកួត​វគ្គ​សន្សំពិន្ទុ​នៅ​ទឹក​ដី​​របស់ភ្នំពេញ​ក្រោន លោក Pep Munoz មិន​ទាន់​ស្គាល់​រស​ជាតិ​ជ័យជម្នះ​ឡើយ។ ជួប​គ្នា​៣​លើក​នៅ​កីឡដ្ឋាន​ស្មាត អអេសអិន ព្រះ​ខ័ន​រាជ​ស្វាយរៀង ចាញ់១ និង​ស្មើ​២ ប៉ុន្តែ​គិត​សរុប​​៦​លើក​ទាំង​ក្នុង​ដី និង​ក្រៅ​​​ដី​សម្រាប់​ការ​ប្រកួត​ក្នុង​លីគ ភ្នំពេញ​ក្រោន ឈ្នះ ព្រះ​ខ័ន​រាជ្វាយរៀង តែ១​ដង​គត់ ខណៈ​ស្មើ​២លើក និង​ចាញ់​៣លើក។​

ក្នុង​សន្និសីទ​សារព័ត៌មាន​មុន​ការ​ប្រកួត​​នៅ​​ថ្ងៃស្អែក​​នេះ លោក Pep Munoz បាន​លើក​ឡើង​ថា ៖«ពេល​​​ភ្នំពេញ​ក្រោន លេង​នៅ​ទឹក​ដី​របស់​យើង​កាល​ពី​ដើម​រដូវ​កាល​នេះ​ ​ពួក​គេ​មាន​កំណត់​ត្រា​អត់​ទាន់​ចាញ់​ទេ។ ពេល​នោះ​ភ្នំពេញ​ក្រោន​​មាន​ប្រៀប​ថែម​ទៀត​​គឺ​មាន​៤ពិន្ទុ​នាំមុខ​យើង​ដែល​ធ្វើ​ឲ្យ​យើង​មាន​សម្ពាធ»។

លោក​បន្ត​ថា ៖«សម្រាប់​ការ​ប្រកួត​ស្អែក​នេះ យើង​មាន​១​ពិន្ទុ​លើ​ភ្នំពេញ​ក្រោន​។ សម្រាប់​ខ្ញុំ​មាន​រយៈ​ពេល​១​ឆ្នាំ​កន្លះ​ហើយ​គឺ​​អត់​ទាន់ឈ្នះ​ភ្នំពេញ​ក្រោន​នៅ​ក្នុង​ដី​របស់​ភ្នំពេញ​ក្រោន​​ទេ ដូច្នេះ​​ខ្ញុំ​​ចង់​បង្កើត​កំណត់​ត្រា​ឈ្នះ​នៅ​ភ្នំពេញ​ក្រោនជា​លើក​ដំបូង។ ​អ្វី​ដែល​សំខាន់​សម្រាប់​ខ្ញុំ​មិន​ត្រឹម​តែ​ចង់​ឈ្នះ​ប៉ុណ្ណោះ​ទេ ប៉ុន្តែ​យើង​មក​ទី​នេះ​​​​គឺ​ចង់​ផ្តល់​នូវ​ការ​ប្រកួត​មួយ​ដ៍​ល្អ ដោយ​បង្ហាញ​ពីឆន្ទៈ និង​មហិច្ឆតា​របស់​យើង​ឲ្យ​បាន​ល្អ​នៅ​ទី​នេះ»។

លទ្ធផល​ជួប​គ្នា​៦​លើក​ក្នុង​លីគ

  1. ព្រះ​ខ័ន​រាជ​ស្វាយរៀង ៣-១ ភ្នំពេញ​ក្រោន ថ្ងៃ​ទី២៦ មករា ២០២៥
  2. ភ្នំពេញ​ក្រោន ៤-៣ ព្រះ​ខ័ន​រាជ​ស្វាយរៀង ថ្ងៃ​ទី​២០ តុលា ២០២៤
  3. ភ្នំពេញក្រោន ១-១ ព្រះ​ខ័ន​រាជ​ស្វាយរៀង ថ្ងៃ​ទី​១២ ខែ​ឧសភា ២០២៤
  4. ព្រះ​ខ័ន​រាជ​ស្វាយរៀង ៣-២ ភ្នំពេញ​ក្រោន ថ្ងៃ​ទី​៤ កុម្ភៈ ២០២៤
  5. ភ្នំពេញ​ក្រោន ០-០ ព្រះ​ខ័ន​រាជ​ស្វាយរៀង ថ្ងៃ​ទី​២៥ វិច្ឆិកា ២០២៣
  6. ព្រះ​ខ័ន​រាជ​ស្វាយរៀង ២-១ ភ្នំពេញ​ក្រោន ថ្ងៃ​ទី១១ សីហា ២០២៣

៥​ប្រកួត​ចុង​ក្រោយ​របស់​ក្រុម​ទាំង​ពីរ៖

ព្រះ​ខ័ន​រាជ​ស្វាយរៀង

  • បឹងកេត (នៅអូឡាំពិក ថ្ងៃ​ទី​២០ មេសា)
  • អង្គរថាយហ្គឺរ (នៅ​ស្វាយរៀង ថ្ងៃ​ទី​២៧ មេសា)
  • វិសាខា (នៅព្រីនស៍ ថ្ងៃ​ទី៣ ឧសភា)
  • ណាហ្គាវើលដ៍ (នៅ​ស្វាយរៀង ថ្ងៃទី១០ ឧសភា)
  • ភ្នំពេញក្រោន (នៅ​ស្វាយរៀង ថ្ងៃ​ទី១៨ ឧសភា)

ភ្នំពេញ​ក្រោន

  • វិសាខា (នៅភ្នំពេញ​ក្រោន ថ្ងៃទី​១៩ មេសា)
  • បឹងកេត (នៅអូឡាំពិក ថ្ងៃ​ទី​២៧ មេសា)
  • ណាហ្គាវើលដ៍ (នៅខេត្ត​​កំពង់ស្ពឺ ថ្ងៃទី​៤ ឧសភា)
  • អង្គរថាយហ្គឺរ (នៅខេត្ត​​សៀមរាប ថ្ងៃទី​១១ ឧសភា)
  • ព្រះ​ខ័ន​រាជ​ស្វាយរៀង (នៅ​ខេត្ត​ស្វាយរៀង ថ្ងៃទី​១៨ ឧសភា)

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group
ព័ត៌មានជាតិ២២ នាទីutes មុន

សហជីព​នៅ​កម្ពុជា​ថា ​ការ​ដំឡើង​ពន្ធ​អាមេរិក នឹង​មិន​នាំ​ដល់​ការ​រើរោងចក្រ ធ្វើ​ឱ្យ​ពលរដ្ឋខ្មែរបាត់បង់ការងារ​ទេ

សេដ្ឋកិច្ច៣ ម៉ោង មុន

ក្រុមហ៊ុនមូលបត្រចាប់ដៃជាមួយធនាគារ ផ្ដល់សេវាឥណទាន ទាក់ទាញវិនិយោគិនអន្តរជាតិ

ជីវិតកម្សាន្ដ៣ ម៉ោង មុន

TV360 byMetfone –ពិភពកម្សាន្តរំភើបជាមួយភាពយន្តបកប្រែជាភាសាខ្មែរ

ព័ត៌មានជាតិ៤ ម៉ោង មុន

រដ្ឋមន្ត្រីមហាផ្ទៃ ឱ្យសិក្សាដាក់សេវាលិខិតឆ្លងដែននៅច្រកចេញចូលតែមួយ ដែលជាការសាកល្បងខេត្តចំនួន៤

រថយន្តក្រុង
ព័ត៌មានជាតិ៤ ម៉ោង មុន

អាជ្ញាធរខណ្ឌឬស្សីកែវ ចុះពិនិត្យរៀបចំចំណតរថយន្តក្រុងត្រៀមដឹកពលរដ្ឋឥតគិតថ្លៃក្នុងឱកាសបុណ្យចូលឆ្នាំ

Sokha Hotels

ព័ត៌មានពេញនិយម