Connect with us

កីឡា

សុខ​ ធី​ មក​ខ្មែរ​វិញ​ជិត​២ឆ្នាំ​ទទួល​​ជោគជ័យ​ ឈ្នះ​ពាន​ ខ្សែក្រវាត់​ ប៉ុន្តែ​នៅ​រឿង​មួយ​នេះ…

បានផុស

នៅ

អ្នក​ប្រដាល់​មក​ពី​ជាយដែន​ សុខ​ ធី​ បាន​ឲ្យ​ដឹង​ពី​​ការ​វិល​មក​កាន់​កម្ពុជា​វិញ​រយៈពេល​ជិត​ ២​ឆ្នាំ​មក​នេះ​ទទួល​បាន​​ជោគជ័យ​លើស​ពី​ការ​រំពឹង​ទុក​ការ​​ឈ្នះ​ពាន​រង្វាន់​ ខ្សែក្រវាត់ ប្រាក់​រង្វាន់​​ ប៉ុន្តែ​មិន​ទាន់​សម្រេច​បំណង​ធំ​ចង់​មាន​ផ្ទះ​មួយ​នៅ​ភ្នំពេញ​ជូន​ប្រពន្ធ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុខ ធី​ និង​គ្រួសារ

កីឡាករ​ សុខ​ ធី​ បាន​ឲ្យ​ដឹង​ថា​ រយៈពេល​ជិត​ ២ឆ្នាំ​មក​នេះ​រូប​គេ​ទទួល​បាន​ភាព​ជោគជ័យ​ច្រើន​ទាំង​ប្រជាប្រិយភាព​ពី​អ្នក​គាំទ្រ​ និង​ជីវភាព​រស់​នៅ​ប្រចាំ​ថ្ងៃ។​ ពោល​គិត​មក​ដល់​ពេល​នេះ​រូប​គេ​ឈ្នះ​ពាន​រង្វាន់ ១គ្រឿង និង​ខ្សែក្រវាត់ ២ខ្សែ​ ប៉ុន្តែ​មិន​​​បូក​ខ្សែក្រវាត់​ពីមុន។​

អ្នក​ប្រដាល់​មក​ពី​ខេត្ត​បន្ទាយមានជ័យ​រូប​នេះ​បន្ថែម​ទៀត​ថា​ ប្រជាប្រិយ​ភាព​មាន​​អ្នក​គាំទ្រ​ច្រើន​ដែល​ស្រឡាញ់​ចូលចិត្ត​មិន​ថា​ប្រកួត​នៅ​ទីណា​នោះ​ឡើយ​តែងតែ​មាន​អ្នក​មក​ស្វាគមន៍​ និង​ជជែក​សុំ​ថត​រូប​ជា​មួយ​។​

សុខ ធី ពេល​កំពុងហាត់

ងាក​មក​ជីវភាព​ប្រចាំ​ថ្ងៃ​វិញ​ សុខ​​ ធី​ ទទួល​បាន​ប្រាក់​កម្រៃ​ក៏​ច្រើន​គួរ​សម​ពី​ការ​ប្រកួត​​លើ​សង្វៀន​​។ ​បើ​មួយ​ខែ​វាយ ​២ដង​​អាច​រក​បាន​ចន្លោះ​ ៣,០០០ ទៅ ៤,០០០ដុល្លារ។​ បើ​គិត​ពី​ថវិកា​ដែល​ភរិយា​សន្សំ​មក​បាន​ខ្ទង់​ម៉ឺន​ដុល្លារ​ផង​ដែរ។​ ដូច្នេះ​ហើយ​ការ​រស់នៅ​ប្រចាំ​ថ្ងៃ​គឺ​សមរម្យ​មិន​ជួប​បញ្ហា​ខ្វះខាត​នោះ​ឡើយ។​

កូនប្រុស សុខ ធី

សុខ​ ធី​ បាន​បន្ត​ថា​ សមិទ្ធផល​ផ្សេងៗ​ខាង​លើ​នេះ​ក៏​មិន​​ទាន់​ជា​ជោគជ័យ​ខ្លាំង​នោះ​ដែរ។​ បំណង​ធំ​របស់​ខ្លួន​មួយ​ទៀត​នោះ​គឺ​ចង់​បាន​ផ្ទះ​មួយ​នៅ​រាជធានី​ភ្នំពេញ​ជូន​ប្រពន្ធ​។​ កីឡាករ​និយាយ​ថា ៖«ពេល​ខ្ញុំ​រត់​ហាត់​តាម​ផ្លូវ​ ប្រពន្ធ​ខ្ញុំ​ជិះ​តាម​ពី​ក្រោយ​ហើយ​ពេល​ឃើញ​ផ្ទះ​លក់​គឺ​គាត់​ចង់​បាន​ និង​ឲ្យ​ខ្ញុំ​ខល​សួរ​គេ​រហូត»។​

សុខ ធី និង​កូនប្រុស

សុខ​ ធី​ ប្រមាណ​ពីរ​ឆ្នាំ​មកនេះ​​បាន​វិល​មក​រស់នៅ​កម្ពុជា​វិញ​ និង​បាន​ចូល​ហ្វឹកហាត់​ជា​​មួយក្លឹប​ប្រដាល់​ KKIF។ បច្ចុប្បន្ន​នេះ​រូប​គេ​មាន​តម្លៃ​ខ្លួន​ក្នុង​មួយ​ប្រកួត​បាន​ចន្លោះ​ ១,៥០០-២,០០០ដុល្លារ។ ថ្មីៗ​នេះ​រូប​គេ​ទើប​ទិញ​រថយន្ត​ ១គ្រឿង​ផង​ដែរ។​​ រូប​គេ​ជា​ជើង​ខ្លាំង​មួយរូប​ប្រចាំ​ទម្ងន់​ ៦០​គីឡូក្រាម​នៅ​កម្ពុជា​។​ អ្នកលេង​គុន​ខ្មែរ​រូប​នេះ​កំពុង​រស់នៅ​ជា​មួយ​ភរិយា​ និង​កូន​២នាក់​ ក្នុង​ខុនដូ​​មួយ​កន្លែង​ដែល​ផ្ដល់​ដោយ​លោក​ ស្រី​ ចាន់ថន៕​

រូបភាពលើហ្វេសបុក សុខ ធី

អត្ថបទដោយ៖ នួន ស៊ីណា

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៧ នាទីutes មុន

ត្រាំ ថា ពូទីន និងហ្សេលេនស្គី ត្រៀមខ្លួនចុះហត្ថលេខាលើកិច្ចព្រមព្រៀងសន្តិភាព រួចហើយ

ប ស ស
ព័ត៌មានជាតិ១០ នាទីutes មុន

ប ស ស ផ្តល់ប្រាក់ឧបត្ថម្ភរដ្ឋាភិបាលដល់សមាជិកជាស្រ្តីមានផ្ទៃពោះ និងកុមារអាយុក្រោម២ឆ្នាំជាង១លាន២សែននាក់

ជំងឺរបេង​
ព័ត៌មានជាតិ២៥ នាទីutes មុន

មានអ្នកផ្ទុកមេរោគរបេង និងជំងឺរបេង​៣៥%​ផ្សេងទៀតមិនទាន់ទទួលការធ្វើរោគវិនិច្ឆ័យនិងព្យាបាលនៅឡើយទេ

ព័ត៌មានជាតិ៣៩ នាទីutes មុន

គំនូរខ្មែរជាច្រើន ត្រូវបានតាំងបង្ហាញក្នុងពិព័រណ៍ទេពកោសល្យ និងស្នាដៃ ចំនួន៣ថ្ងៃ

ពេជ្រ ចរណៃ
ជីវិតកម្សាន្ដ៣៩ នាទីutes មុន

រឿងគុនល្បុក្កតោ! ពេជ្រ ចរណៃ ចេញឆ្លើយតប ក្រោយមានអ្នករិះថា ខ្លួនបានតែសម្ដែងបើមែនទែនធ្វើអី្វមិនកើត

Sokha Hotels

ព័ត៌មានពេញនិយម