កីឡា

កីឡាករ ធន់ សាក់ស៊ីន ជិត១,០០០ដុល្លារថ្ងៃនេះជួយសម្រាលជីវភាពបានច្រើន

បានផុស

៣ នាទីutes មុន

នៅ

ថ្ងៃអាទិត្យ ៦ មេសា ២០២៥

ដោយ

បើកសង្វៀនថ្មី GREET KUN KHMER BEST FIGHT ឧបត្ថម្ភកីឡាករកម្ពុជាដែលទទួលបានជ័យជម្នះក្នុងម្នាក់ៗ ២លានរៀល ខណៈ ធន់ សាក់ស៊ីន គិតទាំងតម្លៃខ្លួន និងការលើកទឹកបានខ្ទង់ជិត ១,០០០ដុល្លារមួយប្រកួតព្រឹកមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ធន់ សាក់ស៊ីន

កីឡាករ ធន់ សាក់ស៊ីន បានឲ្យដឹងថា រូបគេពិតជាសប្បាយចិត្តជាខ្លាំងដែលទទួលបានការឧបត្ថម្ភជាទឹកប្រាក់បន្ថែមពី GREET KUN KHMER BEST FIGHT កាលពីព្រឹកមិញនេះ។ តម្លៃខ្លួនប្រកួតបានចន្លោះ ៣០០-៤០០ដុល្លារ និងបូកថវិកាលើកទឹកចិត្ត ២លានរៀលទៀត ដូច្នេះមួយប្រកួតនេះទទួលបានជិត ១,០០០ដុល្លារផងដែរ។

កីឡាករ ធន់ សាក់ស៊ីន

កូនសិស្សលោក ធន់ សុភា បន្ថែមទៀតថា ថវិកាដែលទទួលបាននេះជួយសម្រួលជីវភាពបានច្រើន ដូចជាបានជូនគ្រូ ជូនឪពុកម្ដាយនៅពេលចូលឆ្នាំ និងទុកបម្រុងមួយផ្នែកសម្រាប់ប្រើប្រាស់នៅពេលចៃដន្យឈឺថ្ងៃណាមួយផងដែរ។ មួយវិញទៀតសម្រាប់ប្រើប្រាស់ជីវភាពរស់នៅប្រចាំថ្ងៃ។ រូបគេសូមថ្លែងអំណរគុណដល់ដល់ម្ចាស់ឧបត្ថម្ភកម្មវិធី និងសង្វៀន CNC ដែលបានផ្តល់ឱកាសបានប្រកួតព្រឹកមិញនេះ។

ទិដ្ឋភាពបើកសង្វៀនថ្មី

បញ្ជាក់ដែរថា GREET KUN KHMER BEST FIGHT ជាកម្មវិធីប្រដាល់ថ្មីមួយរបស់សង្វៀន CNC។ កម្មវិធីថ្មីនេះប្រកួតរៀងរាល់ថ្ងៃអាទិត្យ វេលាម៉ោង ១១ ព្រឹកតទៅ។ បើកឆាកថ្មីព្រឹកមិញនេះពីកម្មវិធីបានឧបត្ថម្ភដល់កីឡាករកម្ពុជាដែលប៉ះបរទេសទាំងអស់បើឈ្នះការប្រកួតទទួលបានថវិកាលើកទឹកចិត្ត ២លានរៀលបន្ថែមពីលើតម្លៃខ្លួន៕