កីឡា

អនុប្រធានសហព័ន្ធចំបាប់ ការប្រកួតជើងឯកយុវជនផ្ដល់ឱកាសដល់ក្មេងៗបានជួបជុំគ្នា

បានផុស

២ ម៉ោង មុន

នៅ

ថ្ងៃចន្ទ ៧ មេសា ២០២៥

ដោយ

អនុប្រធានសហព័ន្ធកីឡាចំបាប់កម្ពុជា ថាការប្រកួតជើងឯកយុវជននេះគឺជាការផ្ដល់ឱកាសដល់ក្មេងៗបានបញ្ចេញសមត្ថភាពផង និងជាការជួបជុំបង្កើនមិត្តភាពផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខេស៊ី បាណេត

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា ថាការប្រកួតជើងឯកយុវជនដែលធ្វើឡើងកាលពីម្សិលមិញនេះមានសារសំខាន់ណាស់គឺបានផ្ដល់ឱកាសដល់យុវជនដែលហ្វឹកហាត់កន្លងមកបានប្រកួតបញ្ចេញសមត្ថភាព បានដកស្រង់បទពិសោធថ្មីៗបន្ថែមទៀត។

ទិដ្ឋភាពប្រកួត

ថ្នាក់ដឹកនាំសកម្មក្នុងកីឡារូបនេះបន្ថែមទៀតថា ក្រៅតែពីប្រកួតហើយនោះក៏ជាឱកាសសប្បាយរីករាយ និងជួបជុំបានស្គាល់មិត្តភ័ក្ដិថ្មីៗបន្ថែមទៀតសម្រាប់ក្មេងៗដែលបានមកចូលរួម។ លោកសង្ឃឹមថាយុវជនទាំងអស់នឹងបន្តខំប្រឹងប្រែងហ្វឹកហាត់ និងចូលរួមការប្រកួតនៅឆ្នាំក្រោយបន្តទៀត។

រំលឹកដែរថា សហព័ន្ធកីឡាចំបាប់កម្ពុជាបានរៀបចំការប្រកួតជើងឯកយុវជនប្រចាំឆ្នាំ២០២៥ កាលពីថ្ងៃទី៥-៦ ខែមេសា ឆ្នាំ២០២៥ នៅសាលហ្វឹកហាត់របស់សហព័ន្ធក្នុងពហុកីឡដ្ឋានជាតិ។ នេះជាលើកទី២ ហើយដែលសហព័ន្ធបានរៀបចំសម្រាប់យុវជន៕