កីឡា
លន បញ្ញា សម្រេចបានសមិទ្ធផលធំ៦ក្នុងអាជីពប្រដាល់ដ៏ជោគជ័យ
ជើងខ្លាំងគុនខ្មែរ លន បញ្ញា អាចចាត់ទុកជាអ្នកប្រដាល់ដែលទទួលបានជោគជ័យបំផុតម្នាក់នាពេលបច្ចុប្បន្ន ហើយរូបគេកំពុងរក្សាបាននូវសមត្ថភាពកម្រិតឈានមុខក្នុងប្រភេទទម្ងន់៦៥គីឡូក្រាម។
លន បញ្ញា បានរៀបរាប់ថា ខ្លួនដែលធ្លាប់ចេញទៅធ្វើកម្មករសំណងនៅប្រទេសថៃបានចាប់ផ្តើមហ្វឹកហាត់ប្រដាល់នៅឆ្នាំ២០១៦ក្នុងវ័យ១៧ឆ្នាំ។ តាមពិតទៅរូបគេចង់ហាត់ប្រដាល់តាំងពីអាយុប្រហែល១០ឆ្នាំ ប៉ុន្តែដោយស្រុកកំណើតនៅខេត្តព្រៃវែង ហើយគ្មានអ្នកណែនាំទៅរកកន្លែងហាត់ទើបរូបគេរសាត់ខ្លួនទៅ ដល់ប្រទេសថៃ។
ស្ថិតក្រោមការបណ្តុះបណ្តាលរបស់លោកគ្រូ ធន់ សុភា និងលោកគ្រូ តឹក ឡៃ នៅឆ្នាំដែលចាប់ផ្តើមហ្វឹកហាត់ លន បញ្ញា ទទួលបានឱកាសចេញប្រកួតយ៉ាងឆាប់រហ័ស។ សមត្ថភាពរបស់គេបានកើនឡើងជាលំដាប់រហូតប្រកួតអន្តរជាតិ និងប្រកួតដណ្តើមខ្សែក្រវាត់ជាច្រើនលើក។
លន បញ្ញា បានប្រាប់ថា ៖«គោលដៅរបស់ខ្ញុំគឺចង់ល្បី ចង់បានខ្សែក្រវាត់ មានកេរ្តិ៍ឈ្មោះ ខំប្រឹងហ្វឹកហាត់។ ដំបូងៗ ខ្ញុំវ៉ៃចាញ់ ពេលខ្លះបាក់ទឹកចិត្តដែរ ជាពិសេសប្រកួតវគ្គផ្តាច់ព្រ័ត្រដណ្តើមខ្សែក្រវាត់ជាដើម ឬដណ្តើមមេដាយមាស។ ខ្ញុំប្រកួតវគ្គផ្តាច់ព្រ័ត្រលើកដំបូងជាមួយកីឡាករ ឡុង ជិន ដណ្តើមមេដាយមាសថ្នាក់ជាតិនៅ 7NG ហើយចាញ់ ឡុង ជិន ដោយពិន្ទុ។ ខ្ញុំបានលេខ២ត្រឹមមេដាយប្រាក់។ ខ្ញុំអត់ចិត្ត ពីព្រោះខ្ញុំអត់ចង់បានលេខ២ទេ គឺចង់បានលេខ១។ លើកទី២ជាមួយ លាភ រដ្ឋា ហើយខ្ញុំចាញ់ដោយបោះបង់ចោលការប្រកួត ទទួលបានចំណាត់ថ្នាក់លេខ២ទៀត។ ពេលនោះ ខ្ញុំវ៉ៃ លាភ រដ្ឋា រាប់ហើយ តែគេវ៉ៃខ្ញុំរាប់វិញ។ ពេលនោះ ខ្ញុំចុះមកក្រោមវិញ យំស្តាយអត់បានលេខ១»។
ក្រោយចាញ់វគ្គផ្តាច់ព្រ័ត្រជាច្រើន ហើយការខកចិត្តស្ទើរក្លាយជាទម្លាប់ទៅហើយទើប លន បញ្ញា ក្កោបបានចំណាត់ថ្នាក់លេខ១ជាបន្តបន្ទាប់។ កីឡាករបានប្រាប់ថា ៖«ក្រោយមកទើបខ្ញុំទទួលបានលេខ១។ ខ្ញុំបានមេដាយមាសថ្នាក់ជាតិ៤លើក មានមេដាយកីឡាស៊ីហ្គេម។ បច្ចប្បន្នខ្ញុំមានខ្សែក្រវាត់ចំនួន៦ ហើយមេដាយមាសកីឡាស៊ីហ្គេម១គ្រឿងពេលកម្ពុជាធ្វើម្ចាស់ផ្ទះ និងមេដាយប្រាក់ស៊ីហ្គេមនៅវៀតណាម។ សម្រាប់ពានរង្វាន់វិញខ្ញុំទទួលបានច្រើនប្រហែលជា១០ពាន»។
លន បញ្ញា សង្កត់ធ្ងន់ថា ៖«មិនជោគជ័យធំធេងសម្រាប់គេ ប៉ុន្តែសម្រាប់ខ្ញុំទទួលបានជោគជ័យធំធេងហើយ។ ក្តីស្រមៃដែលខ្ញុំចង់បានគឺទទួលបានអស់ហើយទាំងខ្សែក្រវាត់ មេដាយមាស និងពានរង្វាន់ ទទួលបានក្របខណ្ឌក្នុងមជ្ឈមណ្ឌលកីឡាកងយោធពលខេមរភូមិន្ទ»។
សមិទ្ធផលសំខាន់
- ខ្សែក្រវាត់៦ខ្សែ
- រថយន្ត១គ្រឿង
- មេដាយមាសថ្នាក់ជាតិ៤គ្រឿង
- មេដាយមាស កីឡាស៊ីហ្គេម ឆ្នាំ២០២៣
- មេដាយប្រាក់ កីឡាស៊ីហ្គេម ឆ្នាំ២០២១
- ក្របខណ្ឌទាហាននៅក្រសួងការពារជាតិ
អត្ថបទ៖ វីរបុត្រ
សេចក្ដីជូនដំណឹង ស្ដីពីការអញ្ជើញចូលរួមពិគ្រោះថ្លៃការផ្គត់ផ្គង់សម្ភារបោះពុម្ភ ឆ្នាំ២០២៥
សេចក្ដីជូនដំណឹង ស្ដីពីការអញ្ជើញចូលរួមពិគ្រោះថ្លៃផ្គត់ផ្គង់គ្រឿងសង្ហារឹម ឆ្នាំ២០២៥
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
លោក ពេជ្រ សុផាន់៖ សម្បត្តិ អេ យ៉ានុត ទម្ងន់មិនសូវចោទទេ រឿង សោភ័ណ្ឌ ធន់ រិទ្ធី ពិបាកបន្តិច
កម្ពុជាបានក្លាយជាសមាជិកប្រព័ន្ធទូទាត់សងប្រាក់ក្នុងតំបន់
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
ស្លាប់មនុស្ស៦៦នាក់ និងរបួសជាង១៦០នាក់ ក្នុងហេតុការណ៍បាក់ដំបូលក្លឹបរាត្រី នៅប្រទេស ដូមីនីក
អ្នកបង្កើតមាតិកាក្នុងស្រុកចាប់ផ្តើមបង្កើតការបង្ហោះអំពីលំហអាកាសដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ
ផ្ទុះភ្នំភ្លើងនៅហ្វីលីពីន ព្រួសផ្សែងផេះកម្ពស់ ៤ ០០០ម៉ែត្រ
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម១ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ