កីឡា

ពេទ្យចិត្តធម៌ ម៉ុត ណូវែល លោកនៅតែបន្តជួយព្យាបាលអ្នកប្រដាល់ដដែលទេ គ្រាន់តែអត់សូវបង្ហោះ

បានផុស

២ នាទីutes មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

គ្រូពេទ្យចិត្តធម៌ដែលតែងតែជួយដល់ជនក្រីក្រ និងអ្នកប្រដាល់មានរបួសម្ដងៗ ម៉ុត ណូវែល ថាលោកនៅតែជួយព្យាបាលដូចមុនដដែលទេ ប៉ុន្តែគ្រាន់តែមិនសូវមានពេលបង្ហោះរូបភាពតាមហ្វេសបុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ុត ណូវែល

ឆ្លើយតបនិងសំនួររបស់កម្ពុជា «ថាលោកគ្រូផ្អាកជួយព្យាបាលអ្នកប្រដាល់មិនដោយមិនយកថវិកាហើយ ឬ ?» លោក ម៉ុត ណូវែល បានឆ្លើយតបមកថា អត់ទេបេសកកម្មសប្បុរសធម៌នេះគឺនៅតែធ្វើដូចពីមុនដដែលនោះទេ គ្រាន់តែលោកមិនសូវមានពេលបង្ហោះហ្វេសបុកពីសកម្មភាពព្យាបាលទាំងនោះដូចមុន។

លោក ម៉ុត ណូវែល កំពុងព្យាបាល ឆៃដែន ថ្មីៗនេះ

គ្រូពេទ្យចិត្តធម៌រូបនេះបន្ថែមទៀតថា លោកនៅតែបន្តជួយប្រជាជនក្រីក្រ អ្នករើសអេតចាយ ចាស់ៗធាក់ស៊ីក្លូ ដែលឈឺគ្មានលទ្ធភាពព្យាបាលខ្លួនដូចមុនដដែល។ ចំណែកកីឡាករគុនខ្មែរ គ្រូៗប្រដាល់ក៏ដូចគ្នា សម្រាប់អ្នកដែលទើបបានប្រកួត គ្មានថវិកាព្យាបាលរបួសគឺលោកព្យាបាលមិនយកថវិកាឡើយ។ ដោយឡែកកីឡាករល្បីៗ និងទទួលបានប្រាក់តម្លៃខ្លួនខ្ពស់ៗហើយគឺលោកព្យាបាលយកត្រឹម ៥០% ប៉ុណ្ណោះដើម្បីទុកទិញថ្នាំមកប្រើប្រាស់ឡើងវិញ។ លោកបញ្ជាក់ត្រង់ចំណុចនេះគឺ ៥០% យកតែកីឡាករល្បីៗមានតម្លៃខ្លួនខ្ពស់ និងប្រកួតទទួលបានប្រាក់កម្រៃច្រើនលើសង្វៀនប៉ុណ្ណោះ។

លោក ម៉ុត ណូវែល កំពុងព្យាបាល ឆៃដែន ថ្មីៗនេះ

បញ្ជាក់ដែរថា លោក ម៉ុត ណូវែល ត្រូវបានគេដឹងថាជាគ្រូពេទ្យដែលមានសន្ដានចិត្តល្អជួយព្យាបាលអ្នកប្រដាល់ដែលមានរបួស ឬឈឺស្កាតអ្វីជាដើម។ ក្រៅតែពីអ្នកប្រដាល់លោកក៏បានជួយជនក្រីក្រក៏ច្រើនមកដែរ។ លោកល្បីខ្លាំងលើបណ្ដាញសង្គមអំឡុង៤-៥ឆ្នាំមុន។ លោក ម៉ុត ណូវែល ជាគ្រូពេទ្យប្រចាំ Clinic ឯកជនមួយកន្លែងនៅក្នុងខណ្ឌឫស្សីកែវ រាជធានីភ្នំពេញ៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ