កីឡា

កែវ រំចង់ ទម្លាយការចំណាយច្រើនក្នុងមួយខែៗទាំងការរស់នៅប្រចាំថ្ងៃ និងការសិក្សារបស់កូន

បានផុស

២ នាទីutes មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

អ្នកប្រដាល់ដើមកំណើតពីខេត្តបាត់ដំបង កែវ រំចង់ ទម្លាយចំណាយប្រចាំខែខ្ទង់ ៩០០ដុល្លារទាំងការរស់នៅខ្លួនឯង និងការផ្គត់ផ្គង់ថ្លៃសិក្សារៀនសូត្រកូនទាំងពីរនាក់នៅឯខេត្តផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កែវ រំចង់ និងកូនស្រី

កែវ រំចង់ បានឲ្យដឹងថា សព្វថ្ងៃនេះគឺរូបគេចំណាយច្រើនដូចជាផ្ទះជួលសម្រាប់ខ្លួនឯងនៅរាជធានីភ្នំពេញ ការហូបចុក ការផ្គត់ផ្គង់កូនរៀនពីរនាក់នៅឯខេត្តបាត់ដំបង និងបង់រំលស់មួយផ្នែកទៀតសរុបក្នុងមួយខែចំណាយអស់ខ្ទង់ ៩០០ដុល្លារឯណោះ។

កីឡាករ កែវ រំចង់ នៅកន្លែងការងារ

កីឡាករចិត្តសឿងរូបនេះបន្ថែមទៀតថា ចំពោះចំណូលវិញគឺមួយផ្នែកបានមកពីការបង្ហាត់គុនខ្មែរនៅក្លឹបឯកជនមួយកន្លែង និងមួយផ្នែកបានពីប្រាក់ខែជាមន្ត្រីនគរបាលផង។ ដោយឡែកចំណូលប៉ុណ្ណេះគឺមិនគ្រប់គ្រាន់សម្រាប់លោកឡើយ ពោលនៅតែជួបការលំបាកក្នុងជីវភាពប្រចាំថ្ងៃ។

កីឡាករ កែវ រំចង់

រំចង់ មានគម្រោងឡើងប្រកួតគុនខ្មែរនៅអំឡុង ៣-៤ខែខាងមុខនេះដោយរូបគេសម្រក់ទម្ងន់ឲ្យធ្លាក់មកត្រឹម ៧៥គីឡូក្រាមវិញសិន។ ការចង់វិលចូលសង្វៀននេះរូបគេរំពឹងទទួលបានប្រាក់កម្រៃខ្លះៗដើម្បីយកមកទប់ទល់ការចំណាយប្រចាំខែនាពេលបច្ចុប្បន្ននេះ។

បញ្ជាក់ដែរថា កែវ រំចង់ ជាអតីតកីឡាករជើងខ្លាំងលើវិស័យប្រដាល់គុនខ្មែរនាពេលកន្លងមក។ រូបគេបាត់-ឃើញៗ ពីសង្វៀននេះជាយូរដែរហើយដោយសារបញ្ហាគីឡូផង និងភារកិច្ចបង្ហាត់គុនខ្មែរតាមក្លឹបមួយចំនួនផងនាពេលកន្លងទៅនេះ៕