កីឡា

លោក គង់ ចាន់ធីណា ក្រៅតែពីបង្ហាត់ក្បាច់គុនក៏មានបណ្ដុះទឹកចិត្តសិស្សឲ្យចេះដឹងគុណ

បានផុស

៣ នាទីutes មុន

នៅ

ថ្ងៃសុក្រ ១១ មេសា ២០២៥

ដោយ

លោក គង់ ចាន់ធីណា ថានៅហាប់គីដូនេះមិនត្រឹមតែបង្ហាត់ក្បាច់គុនដើម្បីសុខភាពនោះទេ ពោលលោកតែងតែពន្យល់ណែនាំដល់សិស្សគុនទាំងអស់ឲ្យចេះស្រឡាញ់ និងដឹងគុណគ្រូព្រឹទ្ធាចារ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពក្រុមហាប់គីដូ

អគ្គលេខាធិការសហព័ន្ធខ្មែរកីឡាហាប់គីដូលោក គង់ ចាន់ធីណា បានឲ្យដឹងថា ការហ្វឹកហាត់នៅសហព័ន្ធនេះមិនផ្ដោតតែលើក្បាច់ស្នៀតមួយមុខប៉ុណ្ណោះទេ ពោលរាល់សិស្សគុនទាំងអស់ត្រូវចេះជួយការងារគ្នា និងគោរពស្រឡាញ់គ្នាទៅវិញទៅមក។

លោកតែងតែពន្យល់ណែនាំឲ្យធ្វើខ្លួនជាកូនល្អ ពលរដ្ឋល្អក្នុងសង្គម និងមិនបង្ករភាពរញ៉េរញ៉ៃនាំឲ្យប៉ះពាល់អ្នកដទៃផងដែរ។ មួយវិញទៀតគឺចេះដឹងគុណដល់រៀមច្បង គ្រូបង្វឹក ព្រឹទ្ធាចារ្យ ដែលបានបង្ហាត់បង្រៀន ចែករំលែកក្បាច់ស្នៀតនាពេលកន្លងមក។ ដូច្នេះរាល់ពិធីបុណ្យទានផ្សេងៗត្រូវនឹករលឹក ឬមានជាការជូនពរហើយបើអាចមានរបស់របរបន្តិចបន្តួចជូនដល់ព្រឹទ្ធាចារ្យដើម្បីបង្ហាញពីការគោរពស្រឡាញ់ដឹងគុណពីពួកគេផងដែរ។

ទិដ្ឋភាពក្រុមហាប់គីដូ

បញ្ជាក់ដែរថា គេតែងមើលឃើញថាសហព័ន្ធកីឡាហាប់គីដូកម្ពុជាតែងតែឃើញសិស្សគុនរបស់ខ្លួនរៀបចំពិធី ឬអាហារសាមគ្គីតិច-ច្រើនជារៀងរាល់ឆ្នាំដើម្បីជួបជុំ និងជូនវត្ថុអនុស្សាវរីយ៍ដល់សិស្សច្បង ព្រឹទ្ធាចារ្យ ដូចជានៅមុនពិធីបុណ្យចូលឆ្នាំប្រពៃណីខ្មែរនេះជាដើម៕