កីឡា

Iuri Lapicus រំពឹងមានឱកាសទៅប្រជែងខ្សែក្រវាត់លើកទី២

បានផុស

៤ years មុន

នៅ

ថ្ងៃសុក្រ ២ មេសា ២០២១

ដោយ

អ្នកលេងគុនចម្រុះម៉ុលដាវីដ៏លេចធ្លោ Iuri Lapicus ដាក់ក្ដីរំពឹងឈានទៅដណ្ដើមខ្សែក្រវាត់ជាថ្មីម្ដងទៀត បន្ទាប់ពីបញ្ចប់ការប្រកួតនៅអាមេរិក នាដើមសប្ដាហ៍ក្រោយ។

ការបង្ហើបបែបនេះ ក្រោយពី Lapicus ត្រូវផ្គូផ្គងឲ្យជួបអ្នកលេងគុនចម្រុះវីរបុរសអាមេរិក Eddie “The Underground King” Alvarez នាព្រឹត្តិការណ៍ “ONE on TNT I” ក្នុងនាមជាគូឯករងដែលផ្សាយផ្ទាល់ក្នុងម៉ោងពិសេសនៅទឹកដីអាមេរិកលើកដំបូង។ តារាសញ្ជាតិម៉ុលដាវីរូបនេះកំពុងរៀបចំខ្លួនឲ្យល្អបំផុតទល់នឹង Alvarez ដែលជាអ្នកជំនាញផ្ដួលគូប្រកួតឲ្យសន្លប់មួយរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវ័យ ២៥ ឆ្នាំបានថ្លែងបែបនេះ ៖«ការប្រឈមនឹង Alvarez គឺពិតជារឿងដ៏ស្មុគស្មាញមួយ។ ការជួបវីរបុរសម្នាក់ គឺ មិនងាយស្រួលនោះឡើយ។ គេជាវីរបុរសពិតប្រាកដ និង ជាកីឡាករដ៏លំបាកមួយរូប។ ដូច្នេះ ខ្ញុំត្រូវធ្វើការងារខ្លាំង តាមតែអាចធ្វើទៅបានដើម្បីបង្ហាញអ្នករាល់គ្នា និងអ្នកគាំទ្រឲ្យបានល្អបំផុត»។

កីឡាករដដែលបានធ្វើការងារខ្លាំងជាមួយវីរបុរសឃីកបុកសីង Giorgio “The Doctor” Petrosyan និង ក្រុមការងារនៅក្លិប Team Petrosyan ឯក្រុងមីឡាន ប្រទេសអ៊ីតាលីមុនឈានជើងទៅប្រកួតនៅអាមេរិក។

អ្នកលេងគុនចម្រុះដដែលបង្ហាញការតាំងចិត្ត «ខ្ញុំកំពុងរៀបចំដើម្បីប៉ះ Eddie Alvarez និងផ្ដោតអារម្មណ៍ ១០០%។ បើសិនខ្ញុំឈ្នះការប្រកួតទល់នឹង Alvarez វាជាការ [ចង់ចាំ] ដ៏ធំក្នុងអាជីពរបស់ខ្ញុំ។ យើងដឹងអំពីវីរបុរស MMA រូបនេះ។ គេធ្លាប់ប្រកួតទល់អ្នកខ្លាំងៗក្នុងលោក និង មានឈ្មោះបោះសំឡេង។

បែបណាក្ដី Lapicus បានសង្កត់ធ្ងន់ថា «ខ្ញុំមានអារម្មណ៍ថា មានទំនុកចិត្តខ្លាំងក្នុងការប៉ះ Alvarez ព្រោះខ្ញុំចង់ឈ្នះខ្សែក្រវាត់ពិភពលោករបស់ ONE Championship ខ្លាំងណាស់ ហើយ វាជាឱកាសត្រលប់ទៅដណ្ដើមខ្សែក្រវាត់ទម្ងន់ Lightweight ជាលើកទី២»។

តាំងពីប្រឡូកគុនចម្រុះដំបូងនៅឆ្នាំ ២០១៤ Lapicus មិនដែលចាញ់ទាល់តែសោះពោល ឈ្នះរហូតដល់ ១៤ លើកជាប់គ្នា មុនចាញ់ក្នុងការប្រកួតដណ្ដើមខ្សែក្រវាត់ ONE Lightweight World Championship ទល់នឹងកូនកាត់អាមេរិក-សិង្ហបុរី Christian Lee កាលខែ តុលា ឆ្នាំ ២០២០។

ដោយឡែកកីឡាកររហស្សនាម “The Underground King” មានកំណត់ត្រាឈ្នះ ៣០ លើក ចាញ់ ៧លើក និង មិនបានប្រកួតម្ដង(1NC)៕

កម្ពុជាថ្មី