កាលពីថ្ងៃទី២០ ខែឧសភា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យផ្តល់នីតិសម្បទាឡើងវិញដល់ លោក ប៉ុល ហំម និងលោក ផាន់ ច័ន្ទសាក់ វិញហើយ នេះបើយោងតាមព្រះរាជក្រឹត្យ ដែលបណ្តាញព័ត៌មានយើងទើបទទួលបាននៅរសៀលនេះ។ ការចេញព្រះរាជក្រឹត្យផ្តល់នីតិសម្បទារបស់ព្រះមហាក្សត្រ បានធ្វើឡើងបន្ទាប់ពីមានសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងបន្ទាប់ពីលោក ប៉ុល ហំម...
សហព័ន្ធស្រូវអង្ករកម្ពុជា (CRF) បានលើកជាសំណើក្នុងការស្វាគមន៍នូវកិច្ចសហការជាមួយនឹងសហគ្រិនខ្មែរ (Khmer Enterprise) លើការផ្សព្វផ្សាយ និងធ្វើទីផ្សារប្រភេទអង្ករ២បន្ថែមទៀតគឺ សែនក្រអូប និងដំណើបស្បៃមង្គលដែលពេលនេះសហព័ន្ធស្រូវអង្ករកម្ពុជាបាន និងកំពុងតែចាប់ផ្តើមនូវគម្រោងចុះបញ្ជីម៉ាកសមូហភាព (Collective Mark) និង សម្ភោធម៉ាកទាំង២នេះក្រោមការគាំទ្រពីរាជរដ្ឋាភិបាលអូស្ត្រាលីតាមរយៈកម្មវិធីខ្សែសង្វាក់តម្លៃកសិកម្មកម្ពុជា-អូស្ត្រាលី។ កាលពីពេលកន្លងទៅសហព័ន្ធស្រូវអង្ករកម្ពុជាបានចុះបញ្ជីម៉ាកវិញ្ញតកម្មអង្ករម្លិះអង្គរ (Certification mark) ជាមួយក្រសួងពាណិជ្ជកម្មកម្ពុជាម្តងរួចមកហើយ។ បន្ថែមពីនេះសហព័ន្ធនឹងចុះអនុស្សារណៈយោយល់ជាមួយចិន ក្នុងពេលឆាប់ៗខាងមុខនេះ ដើម្បីជួយជំរុញការនាំចេញម៉ាកអង្ករ ដែលបានបញ្ជាក់គុណភាព និងចុះបញ្ជីរួច ជាពិសេសអង្គរម្លិះ និងសែនក្រអូប៕ អត្ថបទ៖...
យោងតាមសេចក្តីជួនដំណឹងរបស់រដ្ឋបាលខេត្តកំពង់ចាម នៅថ្ងៃទី២១ ខែឧសភានេះ បានឱ្យដឹងថា ក្នុងចំណោមអ្នកឆ្លងថ្មីចំនួន៩៣នាក់ ក្នុងនោះជាកម្មករធ្វើការនៅរោងចក្រនៅស្រុកជើងព្រៃចំនួន៣៤នាក់ នៅស្រុកបាធាយ៣៤នាក់ ស្រុកព្រៃឈរ៩នាក់ នៅស្រុកកំពង់សៀម៦នាក់ និងមកពីខេត្តកំពង់ឆ្នាំង៣នាក់ ខេត្តកំពង់ធំ៧នាក់។ រដ្ឋបាលខេត្តអំពាវនាវដល់អ្នកពាក់ព័ន្ធ និងធ្លាប់ប្រាស្រ័យទំនាក់ទំនងនឹងអ្នកជំងឺខាងលើសូមទៅពិនិត្យសុខភាពនិងយកសំណាកនៅមន្ទីរពេទ្យបង្អែកដែលស្ថិតនៅជិតផ្ទះ ឬត្រូវរាយការណ៍ជូនអាជ្ញាធរមូលដ្ឋានជាបន្ទាន់៕ អត្ថបទ៖ សំអឿន
នៅយប់ថ្ងៃទី២០ ខែឧសភា ឆ្នាំ២០២១ នេះ រដ្ឋបាលខេត្តបាត់ដំបងង បានចេញសេចក្តីសម្រេច ស្តីពីការបិទជាបណ្តោះអាសន្នទីតាំងចំនួន៣កន្លែង ស្ថិតនៅក្នុងភូមិសាស្ត្រ ស្រុកសំពៅលូន ខេត្តបាត់ដំបង រហូតដល់មានការសម្រេចជាថ្មី។ នេះបើតាមសេចក្តីសម្រេចដែលបណ្តាញព័ត៌មាន កម្ពុជាថ្មី ទទួលបាន។ ការបិទជាបណ្តោះអាសន្ននេះ ក្នុងគោលបំណងដើម្បីទប់ស្កាត់ការរាលដាលនៃជំងឺកូវីដ១៩ ក្រោយពីបានរកឃើញឈ្មោះ នុម ដុង ភេទប្រុស អាយុ៣៦ឆ្នាំ រស់នៅភូមិត្រពាំងរំចេក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានមុខរបរចែកចាយពូជពោត...
យោងតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺ ដែលបានផ្សាយនៅល្ងាចថ្ងៃទី២០ ខែឧសភានេះបានឲ្យដឹងថា ក្នុងចំណោមអ្នកឆ្លងថ្មីចំនួន៤៥នាក់នោះ ក្នុងនោះមាន២២នាក់ជាកម្មករបម្រើការងារនៅរោងចក្រ វ៉ាសាន់ កម្មករ២១នាក់ទៀត បម្រើការងារនៅរោងចក្រ កាណាធៀ កម្មករ១នាក់ទៀត បម្រើការងារនៅរោងចក្រ អូរីហ្សីន និង១នាក់ទៀតជាអ្នកលក់ដូរ។ នៅក្នុងថ្ងៃនេះ ដែរក៏មានអ្នកជាសះស្បើយពីជំងឺកូវីដ-១៩ ចំនួន៣៨នាក់ នៅមជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ ត្រូវបានអនុញ្ញាតឲ្យត្រឡប់ទៅផ្ទះវិញ ធ្វើឲ្យអ្នកជាកើនឡើងដល់៨៣នាក់។ អត្ថបទ៖ សំអឿន
អ្នកកាសែតម្នាក់នៅទីក្រុង Kanpur បានប្រាប់ BBC ថា ប្រជាជនក្រីក្រមិនអាចមានលទ្ធភាពបូជាសពបានទេ ដូច្នេះត្រូវយកសពរុំក្រណាត់.ស ហើយរុញទម្លាក់ចូលទៅក្នុងទឹកទន្លេ គង្គា។ ការធ្វើបែបនេះ បានកើតឡើងតាំងពីមិនទាន់ផ្ទុះជំងឺរាតត្បាតមកម្ល៉េះ ប៉ុន្តែអ្វីដែលភ្ញាក់ផ្អើលនោះគឺថា អ្នកភូមិមិនដែលឃើញសពអណ្តែតទឹកច្រើនបែបនេះទេ។ កន្លែងបូជា ទទួលយកតែសពដែលចេញពីមន្ទីរពេទ្យដោយមានសំបុត្រមរណភាពកូវីដប៉ុណ្ណោះ ប៉ុន្តែមានមនុស្សជាច្រើនបានស្លាប់នៅឯផ្ទះដោយមិនបានទទួលការធ្វើតេស្ត។ ប្រភពមួយនិយាយថា “ក្រុមគ្រួសាររបស់ពួកគេ បានយកសពទៅជាយក្រុងឬតំបន់ជិតខាងដូចជា Unnao ជាដើម។ នៅពេលពួកគេមិនអាចរកឧសឬកន្លែងបូជាបាន ពួកគេក៏បណ្តែតសពតាមទឹកទន្លេតែម្តងទៅ។ ឈុតឆាកដ៏សែនអាក្រក់នៅទន្លេគង្គា បានចាប់ផ្តើមកាលពីសប្តាហ៍មុន នៅពេលសាកសពចំនួន៧១នាក់ បានអណ្តែតមកទើរលើច្រាំងក្នុងភូមិ Chausa៕ ប្រែសម្រួល៖ Vann Vann ប្រភព៖ Daily Mail
អ្នកជំងឺ-១៩ ចំនួន ៥០៥នាក់ បន្ថែមទៀត ត្រូវបានក្រុមគ្រូពេទ្យ នៃមណ្ឌលព្យាបាលជំងឺកូវីដ-១៩ កម្រិតស្រាលកោះពេជ្រ អនុញ្ញាតឱ្យត្រឡប់ទៅផ្ទះវិញនៅថ្ងៃទី២០ ខែឧសភា ឆ្នាំ២០២១។ ក្រោយពីទទួលការព្យាបាលយ៉ាងយកចិត្តទុកដាក់ខ្ពស់ពីសំណាក់ ក្រុមគ្រូពេទ្យស្ម័គ្រចិត្តសម្តេចតេជោប្រឆាំងជំងឺកូវីដ១៩ ពួកគាត់បានជាសះស្បើយ និងតម្រូវឱ្យធ្វើចត្តាឡីស័កខ្លួនឯងដាច់ដោយឡែករយៈពេល១៤ថ្ងៃបន្តទៀត ដើម្បីតាមដានសុខភាព។