ការលើកឡើងរបស់ម៉ាឡេស៊ីយ៉ាងដូច្នេះ ធ្វើឡើងបន្ទាប់ពីប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ បានគំរាមកាលពីចុងសប្ដាហ៍ថា លោកនឹងដាក់ពន្ធ ១០០ ភាគរយ លើប្លុក BRICS ប្រសិនបើពួកគេជំរុញទៅមុខនូវការធ្វើបដិដុល្លារូបនីយកម្ម។
ពន្ធជុំថ្មីនេះ មានគោលបំណងការពារផលិតកម្មបន្ទះស្រូបពន្លឺព្រះអាទិត្យក្នុងស្រុករបស់អាមេរិក។
វិធានការដាក់ពន្ធអាចនឹងជាក្លាយបញ្ហាសម្រាប់សហរដ្ឋអាមេរិក ដែលមានម៉ិកស៊ិកជាដៃគូពាណិជ្ជកម្មដ៏ធំបំផុតរបស់ខ្លួន។ ទំហំពាណិជ្ជកម្មរវាងប្រទេសទាំង២ ក្នុងឆ្នាំ២០២៣ មានប្រមាណ ៨០៧ ប៊ីលានដុល្លារ ដោយការនាំចេញទំនិញរបស់អាមេរិកទៅម៉ិកស៊ិក រួមចំណែក ៣២២ ប៊ីលានដុល្លារ។
អ្នកវិភាគបានសម្ដែងព្រួយបារម្ភពីការធ្លាក់ចុះនៃពាណិជ្ជកម្មសកល និងសេដ្ឋកិច្ចសកលជារួម ដោយវាទាក់ទាញវិធានការសងសឹកពីចិន ដែលកន្លងមកបានកំណត់គោលដៅស៊ើបអង្កេតប្រឆាំងការលក់បង្ខូចតម្លៃជាច្រើនរួចហើយ លើផលិតផលនាំចូលពីអឺរ៉ុប។
វិធានការដំឡើងពន្ធបង្កឱ្យមានសង្រ្គាមពាណិជ្ជកម្មសងសឹកគ្នាទៅវិញទៅមក ដែលធ្វើឱ្យខូចខាតសេដ្ឋកិច្ចដល់ប្រទេសដែលពាក់ព័ន្ធក្នុងជម្លោះ និងសេដ្ឋកិច្ចពិភពលោកទាំងមូល។
អនុរដ្ឋមន្ត្រីពាណិជ្ជកម្មចិន លោក Li Fei បានថ្លែងថាប្រទេសចិនមានឆន្ទៈក្នុងការចូលរួមក្នុងកិច្ចសន្ទនា និងការពិគ្រោះយោបល់។
គណៈកម្មាធិការអចិន្ត្រៃយ៍រួមស្តីពីពាណិជ្ជកម្ម ឧស្សាហកម្ម និងធនាគារ (JSCCIB) របស់ប្រទេសថៃ បាននិយាយថា ការហូរចូលនៃផលិតផលឧស្សាហកម្មរបស់ចិនមកកាន់តំបន់អាស៊ីអាគ្នេយ៍ កំពុងធ្វើឱ្យប៉ះពាល់ដល់ពាណិជ្ជកម្មរបស់ថៃ ដោយកាត់បន្ថយចំណែកទីផ្សារនៅក្នុងតំបន់ និងនាំឱ្យមានឱនភាពពាណិជ្ជកម្មជាមួយប្រទេសចិនជិត ២០ ប៊ីលានដុល្លារ។ នេះបើតាមការចុះផ្សាយរបស់កាសែតបាងកកប៉ុស្តិ៍ កាលពីថ្ងៃព្រហស្បតិ៍។