បច្ចេកវិទ្យា

តើការធ្វើជា Hacker ជាវិជ្ជាជីវៈ ឬជាឧក្រិដ្ឋកម្ម?

បានផុស

៤ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

បើអ្នកណាម្នាក់ជា Hacker ដែលមានសីលធម៌ គឺជាអ្នកជំនាញខាងសន្តិសុខអ៊ិនធើណែត។ ពួកគេជាក្រុមមនុស្សដែលមានសមត្ថភាពក្នុងការបង្កើតប្រព័ន្ធសុវត្ថិភាព ធ្វើតេស្តលើបណ្ដាញកុំព្យូទ័រ រុករកប្រឆាំងរាល់សកម្មភាពព្យាយាមលួចចូលក្នុងបណ្តាញ ដើម្បីទទួលបានព័ត៌មានដោយគ្មានការអនុញ្ញាត។

ភាពទន់ខ្សោយនៅក្នុងប្រព័ន្ធសន្តិសុខអ៊ីនធឺណិតត្រូវការ Hacker ដែលមានក្រមសីលធម៌ធានាដល់ប្រព័ន្ធកុំព្យូទ័រដែលពួកគេធ្វើការជាមួយ ថាមានសុវត្ថិភាព មិនអាចលុកចូលបានដោយគ្មានការអនុញ្ញាត។

ពួកគេត្រូវដឹងអំពីកម្មវិធី និងផ្នែករឹងថ្មីៗទំនើបៗ ដែលអាចធ្វើឲ្យប្រសើរឡើងនូវសុវត្ថិភាពកុំព្យូទ័រ ចាប់តាំងពីពួកគេដើរតួនាទីយ៉ាងសំខាន់ក្នុងការកំណត់តម្រូវការសុវត្ថិភាពរបស់និយោជិកឬអតិថិជនរបស់ពួកគេ។

Hacker មានតួនាទីបង្កើតរបាយការណ៍ពីការប៉ុនប៉ងនិងការសន្និដ្ឋានឈានដល់ប្រសិទ្ធភាពនៃការគ្រប់គ្រងលើប្រព័ន្ធសន្តិសុខអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សញ្ញាប័ត្របរិញ្ញាបត្រនិងវិញ្ញាបនប័ត្រដែលជាតម្រូវការ

ជំនាញវិភាគនិងទំនាក់ទំនងអនឡាញ ជំនាញជំនាញដោះស្រាយបញ្ហាសន្តិសុខបណ្ដាញ ប្រាក់ខែនៅអាមេរិក និង សិង្ហបុរី ជប៉ុន ចិន ឥណ្ឌា ប្រមាណ៤០០០០ទៅ ៨៥,០០០ ដុល្លារក្នុងមួយឆ្នាំ (២០២០)

ការអប់រំចាំបាច់

ដើម្បីក្លាយជាអ្នក hacker ដែលមានក្រមសីលធម៌ ចាំបាច់ត្រូវមានបរិញ្ញាបត្រផ្នែកវិទ្យាសាស្ត្រកុំព្យូទ័រ មានបទពិសោធសរសេរកម្មវិធីកុំព្យូទ័រ និងស៊ាំជាមួយភាសាសរសេរភាសាកម្មវិធីផ្សេងៗគ្នាច្រើនមុខមិនថា Java HTMl។ល។។ ជារឿងធម្មតាសម្រាប់និយោជកដែលតម្រូវឲ្យពួក Hacker គេជួលបង្ហាញ វិញ្ញាបនប័ត្រក្រមសីលធម៌ Hacker (CEH) និងវិញ្ញាបនប័ត្រដែលមានការទទួលស្គាល់ផ្សេងទៀតដូចជា CompTIA ដែលទទួលស្គាល់ថាពួកគេជាអ្នកជំនាញខាងសន្តិសុខអ៊ីនធឺណិត។

ជំនាញពិសេសដែលត្រូវការ

Hacker ចាំបាច់ត្រូវមានជំនាញវិភាគខ្លាំង ពីព្រោះការងាររបស់ពួកគេពាក់ព័ន្ធនឹងការពិនិត្យឡើងវិញនូវទិន្នន័យជាច្រើន ដើម្បីកំណត់បញ្ហាដែលអាចកើតមានជាមួយសុវត្ថិភាពបណ្តាញកុំព្យូទ័រ។

ការងាររបស់ពួកគេអាចរួមមានការពិគ្រោះយោបល់ជាមួយអតិថិជន ពន្យល់ពីការរកឃើញទៅកាន់អ្នកគ្រប់គ្រងឬអតិថិជន និងសហការជាមួយអ្នកជំនាញផ្សេងទៀតដែលពាក់ព័ន្ធនឹងសន្តិសុខព័ត៌មាន។ ដូច្នេះពួកគេចាំបាច់ត្រូវមានជំនាញសេវាកម្មអតិថិជនល្អ និងជំនាញនិយាយរឹងមាំដូច្នេះពួកគេអាចពន្យល់លទ្ធផលប្រកបដោយប្រសិទ្ធភាព។

ជំនាញដោះស្រាយបញ្ហានិងការយកចិត្តទុកដាក់លើចំណុចលម្អិត មានភាពហ្មត់ចត់ក្នុងការបង្កើតយុទ្ធសាស្ត្រថ្មីៗ កំណត់បញ្ហាជាមួយប្រព័ន្ធសន្តិសុខដែលពួកគេធ្វើការ។

ចក្ខុវិស័យអាជីពនិងប្រាក់ខែ

គិតត្រឹមខែឧសភាឆ្នាំ ២០២០ PayScale.com បានរាយការណ៍ថាពួក Hacker ដែលមានក្រមសីលធម៌រកបានប្រាក់ចំណូលជាមធ្យម ៨៥,០០០ ដុល្លារក្នុងមួយឆ្នាំ។ ការិយាល័យស្ថិតិការងារសហរដ្ឋអាមេរិក (BLS) បង្ហាញថា អ្នកវិភាគសន្តិសុខព័ត៌មានដែលរួមបញ្ចូលទាំងពួក Hacker ដែលមានក្រមសីលធម៌អាចរំពឹងថានឹងមានការងារកើនឡើង ៣២% ចាប់ពីឆ្នាំ ២០១៨ ដល់ឆ្នាំ ២០២៨។ នេះគឺខ្ពស់ជាងអត្រាកំណើនការងារមធ្យមថ្នាក់ជាតិសម្រាប់រយៈពេលដូចគ្នា ដែលជា ៥% ។

អាជីពដែលទាក់ទង

ពួក Hacker ដែលមានសីលធម៌ចំណាយពេលភាគច្រើនរបស់ពួកគេធ្វើការលើកុំព្យូទ័រហើយត្រូវតែមានសមត្ថភាពសរសេរកូដសរសេរកម្មវិធីកុំព្យូទ័រ។ អ្នកដែលចាប់អារម្មណ៍លើអាជីពនេះប្រហែលជាចាប់អារម្មណ៍នឹងអាជីពផ្សេងទៀតដែលជាប់ទាក់ទងនៅទីនេះដែលពាក់ព័ន្ធនឹងការសរសេរលេខកូដកុំព្យូទ័រ ការពារទិន្នន័យដែលផ្ទុកនៅក្នុងបណ្តាញកុំព្យូទ័រនិងបង្កើតបណ្តាញកុំព្យូទ័រដែលមានសុវត្ថិភាព៕

ប្រែសម្រួល៖ សុភា

ប្រភព៖ PayScale.com

ចុចអាន៖អាថ៌កំបាំងនៃជោគជ័យលោកស្រី ZHANG YIN ម្នាក់ក្នុងបញ្ជីនៃអ្នកមានបំផុតនៅលើពិភពលោក

ចុចអាន៖មកស្គាល់បុរសអ្នកមានបំផុតនៅវៀតណាម