មានប័ណ្ណនិម្មិត អេស៊ីលីដា ងាយស្រួលបញ្ជាទិញទំនិញ និងសេវាកម្មផ្សេងៗបានយ៉ាងងាយស្រួលនៅគ្រប់ទីកន្លែង

ភ្នំពេញ៖ តើលោកអ្នកមានប័ណ្ណនិម្មិតប្រើហើយឬនៅ? បើនៅមិនទាន់មានទេអាចបង្កើតប័ណ្ណនិម្មិតនេះដោយខ្លួនឯងបានភ្លាមៗតាមម៉ាស៊ីនអេធីអឹមរបស់ធនាគារអេស៊ីលីដាដោយឥតគិតថ្លៃ និងមានអត្ថប្រយោជន៍ជាច្រើន ព្រោះថាមានប័ណ្ណនេះប្រៀបដូចជាមានពិភពលោកស្ថិតក្នុងបាតដៃដែរ។

ជាការពិត នៅពេលមានប័ណ្ណនេះក្នុងដៃ លោកអ្នកអាចបញ្ជាទិញទំនិញ និងសេវាកម្មផ្សេងៗបានយ៉ាងងាយស្រួលនៅគ្រប់ទីកន្លែង នៅទូទាំងពិភពលោកដូចជា អាចផ្សព្វផ្សាយ (Boost) Facebook ឬបណ្តាញសង្គមផ្សេងៗតាមអ៊ីខុមមើស ឬអ៊ីនធើណែត អាចកក់សំបុត្រយន្តហោះ ឬសណ្ឋាគារតាមអនឡាញ ចំណេញពេលវេលា កាត់បន្ថយការចំណាយ ងាយស្រួលគ្រប់គ្រងនិងមានសុវត្តិភាពពិសេសកាត់ប ន្ថយហានិភ័យផ្សេងៗទាក់ទងនឹងការប្រើប្រាស់សាច់ប្រាក់ទៀតផង។

គួរបញ្ជាក់ថា ក្នុងវិក្កយបត្រនៃប័ណ្ណនិម្មិតនេះ មាន លេខ១៦ខ្ទង់, ខែឆ្នាំផុតកំណត់, លេខកូដ៣ខ្ទង់ (CVV2), និងចំនួនទឹកប្រាក់ ដែលលោកអ្នកបានបញ្ចូលក្នុងអេធីអឹមពេលបង្កើតប័ណ្ណនិម្មិត។ សូមរក្សាវិក្កយបត្រនេះឱ្យមានសុវត្ថិភាព ដើម្បីប្រើសម្រាប់ទិញទំនិញ-សេវាកម្មតាមអនឡាញ។

ជាងនេះទៀតប័ណ្ណនិម្មិតនេះ មានសុពលភាពប្រើប្រាស់រយៈពេល ៩០ថ្ងៃ ចាប់ពីថ្ងៃបង្កើត និងជាប្រាក់ដុល្លារអាមេរិក។ ក្នុងករណីអតិថិជនទូទាត់ជាប្រាក់ផ្សេង នោះប្រព័ន្ធនឹងប្តូរប្រាក់ដោយស្វ័យប្រវត្តិ។

ដើម្បីបញ្ឈប់ការប្រើប្រាស់ប័ណ្ណនេះ អតិថិជនគ្រាន់តែហែក ឬកម្ទេចប័ណ្ណនេះចោល ដើម្បីកុំឱ្យអ្នកផ្សេងយកទៅប្រើប្រាស់បាន ជាការស្រេច ហើយក្នុងករណីបាត់ប័ណ្ណនិម្មិតនេះ អតិថិជនត្រូវជូនដំណឹងមកធនាគារអេស៊ីលីដាដើម្បីបង្ខាំងឱ្យទាន់ពេលវេលា។

សូមស្វែងយល់បន្ថែមតាមរយៈតំណខាងក្រោមនេះ!