បច្ចេកវិទ្យា

អ្នកប្រើប្រាស់ Android សូមប្រយ័ត្ន! មេរោគមួយ អាចលួចប្រាក់ពីគណនីធនាគាររបស់អ្នកគ្មានសល់ កំពុងសំងំលាក់ខ្លួនក្នុងកម្មវិធីទាំងនេះ

បានផុស

៣ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

ប៉ូលិសបែលហ្ស៊ិក បានព្រមានអំពីការវិលត្រឡប់នៃមេរោគ Joker ដែលវាយប្រហារឧបករណ៍ប្រើប្រាស់ប្រព័ន្ធប្រតិបត្តិការ Android ហើយលាក់ខ្លួននៅក្នុងកម្មវិធីផ្សេងៗក្នុង Google Play Store។ មេរោគនេះ មានលទ្ធភាពយកប្រាក់ អ្នកប្រើប្រាស់ដើ្បម្បីបង់ថ្លៃសេវាកម្មនានា ដោយមិនចាំបាច់មានការអនុញ្ញាតពីពួកគេ និងលួចយកប្រាក់ពីគណនីធនាគាររបស់ពួកគេដោយគ្មានការជូនដំណឹង។

Joker Virus Can Empty Your Bank Account, Uninstall It Now | TellForce Blog

អាជ្ញាធរបែលហ្ស៊ិកបាននិយាយនៅក្នុងសេចក្តីថ្លែងការណ៍មួយ ដែលចេញផ្សាយកាលពីសប្តាហ៍មុន នៅលើគេហទំព័ររបស់ពួកគេថា “មេរោគនេះ ត្រូវបានរកឃើញនៅក្នុងកម្មវិធី Play Store ចំនួន ៨ ដែល Google បានបង្ក្រាប”។

នៅឆ្នាំ ២០១៧ មេរោគ “Joker” បានបង្កភាពល្បីល្បាញ ចំពោះការចម្លងមេរោគនិងប្លន់ជនរងគ្រោះ ដោយលាក់ខ្លួននៅក្នុងកម្មវិធីផ្សេងៗ។ ចាប់តាំងពីពេលនោះមក ប្រព័ន្ធការពាររបស់ Google Play Store បានលុបចោលកម្មវិធីប្រហែល ១,៧០០ ដែលមានមេរោគ Joker មុនពេលត្រូវបានអ្នកប្រើប្រាស់ Download។

នៅខែកញ្ញាឆ្នាំ ២០២០ មេរោគ Joker ត្រូវបានរកឃើញនៅក្នុងកម្មវិធី Android ចំនួន ២៤ ដែលទទួលបានការ Download ជាង ៥០០,០០០លើក មុនពេលត្រូវបាន Remove។ នៅពេលនោះ វាត្រូវគេប៉ាន់ប្រមាណ បានប៉ះពាល់ដល់ប្រទេសជាង ៣០ រួមមានទាំងសហរដ្ឋអាមេរិក ប្រេស៊ីលនិងអេស្ប៉ាញផងដែរ។

អ្វីដែលធ្វើឲ្យមេរោគនេះកាន់តែគ្រោះថ្នាក់នោះ គឺសមត្ថភាពរបស់វាក្នុងការ Subscribe អ្នកប្រើប្រាស់ប្រព័ន្ធប្រតិបត្តិការ Android ទៅនឹងសេវាកម្មបង់ថ្លៃដែលជាធម្មតាគឺ Premium ឬសេវាកម្មថ្លៃបំផុតដោយគ្មានការអនុញ្ញាតជាមុន។