បច្ចេកវិទ្យា
គាំង៦ម៉ោងយប់មិញ Facebook ខាតចំណូល ៦០ លានដុល្លារ
ការគាំងជាលក្ខណៈទ្រង់ទ្រាយធំរបស់ Facebook ត្រូវបានគេរាយការណ៍ថា បានទទួលរងការខាតបង់យ៉ាងខ្លាំងសម្រាប់បណ្តាញសង្គម។
គេហទំព័រ Fortune និង Snopes បានប៉ាន់ស្មានថា បណ្តាញសង្គមធំបំផុតរបស់ពិភពលោកមួយនេះ បានបាត់បង់ប្រាក់ចំណូលយ៉ាងតិច ៦០ លានដុល្លារ ចាប់តាំងពីកម្មវិធីរបស់ខ្លួនរួមទាំង Instagram និង WhatsApp ផងដែរបានជាប់គាំងកាលពីយប់មិញ។
Facebook ត្រូវបានគេដឹងថា រកចំណូលបានប្រហែល ៣១៩.៦ លានដុល្លារក្នុងមួយថ្ងៃ, ១៣.៣ លានដុល្លារក្នុងមួយម៉ោង, ២២០,០០០ ដុល្លារក្នុងមួយនាទីនិង ៣,៧០០ដុល្លារក្នុងមួយវិនាទី។
ការប៉ាន់ស្មាននេះ បានគូសបញ្ជាក់ពីផលប៉ះពាល់ផ្នែកហិរញ្ញវត្ថុដែលបណ្តាលមកពីការជាប់គាំង លើអាជីវកម្មផ្សាយពាណិជ្ជកម្មរបស់ Facebook។
ការបាត់បង់ប្រាក់ចំណូលមិនមែនជាបញ្ហាហិរញ្ញវត្ថុតែមួយដែល Facebook បានជួបប្រទះកាលពីថ្ងៃចន្ទនោះទេ។ ភាគហ៊ុននៅក្នុងក្រុមហ៊ុននេះ ក៏បានធ្លាក់ចុះជិត ៥ ភាគរយ មកត្រឹម ៣២៦.២៣ ដុល្លារក្នុងមួយហ៊ុនផងដែរ។
កម្មវិធីនិងសេវាកម្មរបស់ Facebook រួមទាំង Instagram និង WhatsApp ផងដែរ បានដំណើរការឡើងវិញហើយ បន្ទាប់ពីគាំងរយៈពេល៦ម៉ោង។
វេទិកានេះ បានគាំងកាលពីយប់ថ្ងៃចន្ទ ដោយអ្នកប្រើប្រាស់ មិនអាចផ្ញើឬទទួលសារឬមើលឃើញអ្វីថ្មីៗនៅលើឧបករណ៍របស់ពួកគេបានទេ។
ប្រធានផ្នែកបច្ចេកវិទ្យារបស់ Facebook លោក Mike Schroepfer បានបញ្ជាក់ថា ការដាច់នេះគឺបណ្តាលមកពី បញ្ហា Network (បណ្តាញ) ហើយលោកនិយាយថា “សេវាកម្ម Facebook វិលត្រលប់មកវិញហើយឥឡូវនេះ វាអាចចំណាយពេលខ្លះដើម្បីត្រលប់មកប្រក្រតី ១០០ភាគរយ ចំពោះរាល់អាជីវកម្មខ្នាតតូចនិងធំ។ គ្រួសារនិងបុគ្គលដែលពឹងផ្អែកលើពួកយើង ខ្ញុំសុំទោស”៕
ប្រែសម្រួល៖ Vann Vann
ប្រភព៖ CNET
ចុចអាន៖ នេះមូលហេតុ Facebook, Instagram និង WhatsApp គាំង ៦ម៉ោង យប់មិញ
ប្រទេសលុចសំបួ ផ្តល់ជំនួយថវិកា ២លានអឺរ៉ូ សម្រាប់គាំទ្រគម្រោងបោសសម្អាតមីននៅកម្ពុជា
ឡុង បេនលឿន កីឡាករគុនខ្មែរ ២រូបនេះចេញអាវុធលឿនហើយធ្ងន់ថែមទៀត
ប្រជាជនកាណាដារាប់សែននាក់ប្រឈមនឹងការដាច់ចរន្តអគ្គិសនី ដោយសារព្យុះទឹកកក
ផ្អែកលើកិច្ចសហប្រតិបត្តិការល្អ ឥណ្ឌាបង្ហាញបំណងចង់បង្កើតអនុព័ន្ធយោធាប្រចាំកម្ពុជា
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី