កម្មវិធីថ្មី “Session 26​​” គ្រប់គ្នាដើម្បីកម្ពុជា

បម្រែបម្រួលធម្មជាតិ ការអភិវឌ្ឍន៍ធនធានមនុស្ស និងជាពិសេសបច្ចេកវិទ្យា និងវិទ្យាសាស្ត្រ កំពុងតែវិវឌ្ឍទៅមុខយ៉ាងលឿន ហើយពិភពលោកទាំងមូលក៏កំពុង តែប្រកួតប្រជែងគ្នាដើម្បីឧតម្តភាព និងធានាដល់ការអភិវឌ្ឍន៍សេដ្ឋកិច្ចនិងការរស់រៀនរបស់មនុស្សជាតិប្រកបដោយសុខដុមរមនា។ ក្នុងបរិបទនេះ ប្រទេសកម្ពុជា ក៏ដូចជាប្រទេសដទៃទៀតសុទ្ធតែមានសក្ដានុពលលើផ្នែកវិទ្យាសាស្ត្រ និងបច្ចេកវិទ្យា ប៉ុន្តែដើម្បីជំរុញនូវកម្លាំង និងល្បឿនក្នុងការអភិវឌ្ឍកត្តាខាងលើនេះបាន រាជរដ្ឋាភិបាលកម្ពុជាក៏បានដាក់ចេញនូវគោលនយោបាយជាតិស្ដីពីវិទ្យាសាស្ត្រ បច្ចេកវិទ្យា និងនវានុវត្តន៍ឆ្នាំ២០២០-២០៣០។

ដើម្បីចង់ជ្រាបច្បាស់ ថាតើគោលនយោបាយជាតិមួយនេះនឹងជួយឱ្យសម្រេចបាននូវចក្ខុវិស័យកម្ពុជាឆ្នាំ២០៣០ និងបន្តរហូតដល់ឆ្នាំ២០៥០ យ៉ាងដូចម្តេច?

កម្មវិធី Session 26 ជាកម្មវិធីថ្មីមួយ ត្រូវបានបង្កើតឡើងដើម្បីតាមឃ្លាំមើល ដើម្បីពិភាក្សា និងបំផុសគំនិតលើប្រធានបទ៖ វិទ្យាសាស្ត្រ បច្ចេកវិទ្យា និងនវានុវត្តន៍ ដែលនឹងចាក់ផ្សាយរៀងរាល់ថ្ងៃទី២៦ នៃខែនីមួយៗ។ ដូចនេះ បងប្អូនទស្សនិកជន ជាពិសេសយុវជន សូមមេត្តារង់ចាំតាមដាននូវកិច្ចពិភាក្សា និងរឿងរ៉ាវជាច្រើនជុំវិញប្រធានបទខាងលើនេះ។

ប្រធានបទដំបូងនៃកម្មវិធី Session 26 នឹងជជែកអំពី សារព័ត៌មាន៖ ឱកាស និងបញ្ហាប្រឈមក្នុងសម័យឌីជីថល ដែល​ផ្សាយ​ជា​ផ្លូវការ​លើ Facebook Page និង YouTube Channel ផ្លូវការ​របស់ “​កម្ពុ​ជាថ្មី​” នៅថ្ងៃទី២៦ ខែតុលានេះ វេលាម៉ោង៨ ដល់ ៩យប់​។

វាគ្មិន៖
១. លោក ប៉ែន បូណា ប្រធានក្លឹបអ្នកកាសែតកម្ពុជា
២. លោក ពុយ គា ប្រធានអ្នកឆ្លងឆ្លើយឱ្យទីភ្នាក់ងារព័ត៌មានក្យូដូ
៣. កញ្ញា កែវ គូនីឡា អ្នកជំនាញផ្នែកសារព័ត៌មានឌីជីថល

សូម​ចូលរួម​គាំទ្រ និងទស្សនាទាំងអស់គ្នា។ “Session 26​​” គ្រប់គ្នាដើម្បីកម្ពុជា៕