បច្ចេកវិទ្យា

Business Cyber Security ៖ ៥ មូលដ្ឋាន ដែលម្ចាស់អាជីវកម្ម ឬពាណិជ្ជករធំៗ ត្រូវយល់ដឹងឲ្យច្បាស់

បានផុស

៣ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

យើងកំពុងរស់នៅក្នុងយុគសម័យ ដែលមនុស្សព្យាយាមរកលុយតាមមធ្យោបាយណាមួយ ទោះត្រឹមត្រូវ ឬអត់ក៏ដោយ។ នៅឆ្នាំ ២០១៧ ការវាយប្រហារ ransomware ទូទាំងពិភពលោក បានបង្ហាញពីសារៈសំខាន់នៃសន្តិសុខតាមអ៊ីនធឺណិត។ តាមរយៈការវាយប្រហារនេះ អ្នកឈ្លានពានចូលប្រើព័ត៌មានសំខាន់ៗ និងរារាំងការចូលប្រើឯកសារ លុះត្រាតែជនរងគ្រោះ យល់ព្រមបង់ប្រាក់លោះ។

វាខុសច្បាប់ក្នុងការរំលោភលើសុវត្ថិភាពអ៊ីនធឺណិត របស់អាជីវកម្ម សម្រាប់ជាប្រយោជន៍លុយ ប៉ុន្តែមនុស្សនៅតែធ្វើវា។ ដូច្នេះក្រុមហ៊ុនត្រូវពង្រឹងសន្តិសុខ ដោយដាក់ស្រទាប់បន្ថែម។

ក្នុងនាមជាពាណិជ្ជករធំៗ អ្នកត្រូវតែដឹងការពិត ដើម្បីដោះស្រាយកាន់តែលឿន កាន់តែល្អ។ ដូច្នេះ ចូរសិក្សាស្វែងយល់អំពីអ្វីដែលអ្នកត្រូវដឹងឥលូវនេះ៖

១ ពឹងផ្អែកលើការប្រឆាំងមេរោគល្អបំផុត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញផ្នែកព័ត៌មានវិទ្យាបានកត់សម្គាល់ឃើញថា មនុស្សអនុវត្តប្រភេទកម្ចាត់មេរោគដោយមិនដឹងព័ត៌មានលម្អិតរបស់វា។ ទោះយ៉ាងណាក៏ដោយ មិនមែនគ្រប់កម្មវិធីកម្ចាត់មេរោគទាំងអស់ សុទ្ធតែមានប្រសិទ្ធភាពនោះទេ ។ អ្នកអាចអានការពិនិត្យលើអ៊ីនធឺណិត ដើម្បីដឹងពីតម្លៃពិតនៃការការពារប្រឆាំងនឹងមេរោគ និងរកកម្មវិធីណាដែលមានចំណាត់ថ្នាក់ផ្កាយ ៥ នៅលើ Google។

ដាច់ខាតកុំចាកចេញពីគេហទំព័ររបស់អ្នក ដោយមិនបានប្រើកម្មវិធីកម្ចាត់មេរោគ ព្រោះវាដូចជាផ្ដល់ផ្លូវបើកចំហដល់អ្នកឈ្លានពាន។

២ ប្រើពាក្យសម្ងាត់ខ្លាំងជានិច្ច

អ្នកអាចកែលំអសុវត្ថិភាពគេហទំព័រ ដោយជ្រើសរើសពាក្យសម្ងាត់ដែលខ្លាំង។ ប្រសិនបើអ្នកជាកម្មសិទ្ធិផ្ដាច់មុខ ហើយចង់រក្សាគេហទំព័រអាជីវកម្មឲ្យមានសុវត្ថិភាព ពាក្យសម្ងាត់រឹងមាំ គឺជាជំហានដំបូង ដើម្បីអនុវត្តឲ្យមានសុវត្ថិភាព។ ក្រៅពីនេះ អ្នកត្រូវប្រាកដថា មិនចែករំលែកពាក្យសម្ងាត់ជាមួយអ្នកណាផ្សេងទៀត ដែលត្រូវការបញ្ជាទិញតាមអ៊ីនធឺណិត។ អ្នកគួរតែផ្លាស់ប្ដូរពាក្យសម្ងាត់ជាញឹកញាប់ ដែលអាចធ្វើទៅបាន សម្រាប់រក្សាគេហទំព័រឲ្យមានសុវត្ថិភាព។

៣ រក្សាការបម្រុងទុក

មូលហេតុចម្បងដែលការវាយប្រហារ ransomware ត្រូវបានគេចាត់ទុកថា អាក្រក់បំផុត គឺការទប់ស្កាត់ឯកសារសំខាន់ៗ ខណៈដែលអ្នកឈ្លានពានចាក់សោរការចូលប្រើទិន្នន័យ។ អ្នកគួរតែរក្សាការបម្រុងទុកដ៏ល្អ ក្នុងករណីមានការវាយប្រហាររបស់អ្នកឈ្លានពាន។ ការបម្រុងទុកគឺសំខាន់ណាស់ ហើយប្រសិនបើពាណិជ្ជករចង់នៅខាងសុវត្ថិភាព ត្រូវប្រាកដថា ទាក់ទងភ្នាក់ងារសន្តិសុខអ៊ីនធឺណិតដ៏ល្អបំផុតក្នុងរឿងនេះ។ សុវត្ថិភាពតាមអ៊ីនធឺណិតខាងក្រៅ អាចជួយក្នុងសកម្មភាពភ្លាមៗ ក្នុងករណីមានការបំពាន ឬបញ្ហាទាក់ទងនឹងសុវត្ថិភាពផ្សេងទៀត។

៤ សាកល្បងវិធានការសុវត្ថិភាព

អ្នកគួរតែសាកល្បងវិធានការសុវត្ថិភាព ដើម្បីដឹងថា តើមានចន្លោះប្រហោងក្នុងប្រព័ន្ធឬអត់។ ក្រុមហ៊ុនសន្តិសុខតាមអ៊ីនធឺណិត ជាធម្មតាណែនាំឧបករណ៍ល្អបំផុត ដើម្បីការពារគេហទំព័រពីមេរោគ។ ទោះយ៉ាងណាក៏ដោយ ការធ្វើតេស្តមានសារៈសំខាន់ណាស់។ ជញ្ជាំងភ្លើងកំចាត់មេរោគ មានប្រសិទ្ធភាព ប៉ុន្តែអ្នកត្រូវតែពិចារណាលើស្រទាប់ការពារផ្សេងទៀត។ ព្យាយាមដឹងពីព័ត៌មានលម្អិតនៃស្រទាប់សុវត្ថិភាព ហើយប្រសិនបើពួកគេបរាជ័យក្នុងការធ្វើតេស្ត អ្នកត្រូវតែទៅរកដំណោះស្រាយ ដែលសមស្របជាងនេះ។

៥ ការផ្ទៀងផ្ទាត់ពហុកត្តាគឺសំខាន់

នៅពេលណាដែលពាណិជ្ជករម្នាក់ៗជ្រើសរើសផែនការការពារសម្រាប់គេហទំព័រអាជីវកម្ម ត្រូវប្រាកដថា បានពឹងផ្អែកលើការផ្ទៀងផ្ទាត់ពហុកត្តា។ វាអាចជាលេខកូដសារខ្លីនៅលើទូរសព្ទដៃ អ៊ីមែល ឬការហៅទូរសព្ទ។ នេះគឺជាការ Hacker សុវត្ថិភាពដែលអាចទុកចិត្តបាន ហើយវាជួយក្នុងការការពារគេហទំព័រ ពីអ្នកឈ្លានពាន។ នៅពេលណាដែលអ្នកទទួលបានលេខកូដនៅលើទូរស័ព្ទដៃ សូមព្យាយាមកុំចែករំលែកវាជាមួយនរណាម្នាក់។ ពួក Hacker យល់ថាវាងាយស្រួលក្នុងការឈ្លានពានសុវត្ថិភាព នៃគេហទំព័រអាជីវកម្ម ដែលទាមទារការផ្ទៀងផ្ទាត់តែមួយ។ ដូច្នេះ យើងស្នើឲ្យអនុវត្តផែនការពហុស្រទាប់។

៦ រក្សាសុវត្ថិភាពទាប

អាជីវកម្មជាធម្មតាបណ្តាក់ទុនច្រើន លើសន្តិសុខតាមអ៊ីនធឺណិត ជាមួយនឹងការយល់ឃើញថា ការបង់ប្រាក់ខ្ពស់ដល់ក្រុមហ៊ុនសន្តិសុខ អាចបង្កើនវិធានការសន្តិសុខ។ អ្នកគួរតែចូលចិត្តរក្សាតម្លៃទាប ដោយជ្រើសរើសក្រុមហ៊ុនដែលមិនគិតថ្លៃដោយមិនចាំបាច់។

វាអាចបញ្ជាក់បានកាន់តែល្អ ប្រសិនបើអ្នករៀនពីយុទ្ធសាស្ត្រសុវត្ថិភាពមូលដ្ឋាន។ ផែនការសុវត្ថិភាពដែលមានតម្លៃថ្លៃ ក៏ផ្តល់លទ្ធផលល្អបំផុតផងដែរ ដូចជា ប្រសិនបើអ្នកបានអនុវត្តគោលការណ៍បំពានខ្លាំង។

សរុបមក ទាំងនេះគឺជាគន្លឹះសុវត្ថិភាពមួយចំនួន ដែលពាណិជ្ជករគ្រប់រូបគួរយល់ដឹងឲ្យច្បាស់ ដើម្បីការងារគេហទំព័រ ពីពួក Hacker ៕

ប្រែសម្រួល៖ សាង ស្រីល័ក្ខ

ចុចអាន៖មុនឆ្នាំ ២០៥០ រឿងដ៏អស្ចារ្យទាំងនេះ នឹងកើតឡើងលើពិភពលោក

ចុចអាន៖អនាគតនៃឧស្សាហកម្មសិល្បៈកម្សាន្តនិងបច្ចេកវិទ្យា

ចុចអាន៖ស្គាល់ឬនៅ ធនាគារដែលមានវ័យចំណាស់ជាងគេលើពិភពលោក បច្ចុប្បន្ននៅតែដំណើរការដូចដើម