បច្ចេកវិទ្យា

៨ ក្រុមហ៊ុន គួរតែជួលអ្នកជំនាញសន្តិសុខតាមអ៊ីនធឺណិត ដើម្បីការពារ ការវាយប្រហារពី Ransomware

បានផុស

៣ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

អ្នកជំនាញផ្នែកសន្តិសុខតាមអ៊ីនធឺណិត មានសារៈសំខាន់ណាស់ ក្នុងការការពាររចនាសម្ព័ន្ធដែលគាំទ្រដល់សង្គមរបស់យើង។ ស្ទើរតែគ្រប់វិស័យ មិនថាសាធារណៈ ឬឯកជន ទាមទារអ្នកជំនាញទាំងនេះជាបន្ទាន់ នាពេលបច្ចុប្បន្ន។

នេះគឺជាឧស្សាហកម្ម ដែលគួរតែជួលអ្នកជំនាញសន្តិសុខព័ត៌មាន ដើម្បីការពារពីពួគមេរោគ មកពី ransomware ដែលអាចគំរាមកំហែងដល់ការផ្សាយទិន្នន័យផ្ទាល់ខ្លួន ឬរារាំងការចូលប្រើវាជារៀងរហូត លុះត្រាតែមានប្រាក់លោះ។

១ ការថែទាំសុខភាព

ការថែទាំសុខភាព នៅតែជាផ្នែកមួយដែលងាយរងគ្រោះបំផុត ចំពោះការវាយប្រហារតាមអ៊ីនធឺណិត ជាពិសេស ransomware ។ ជាលទ្ធផល អង្គការផ្នែកវេជ្ជសាស្រ្ត និងថែទាំសុខភាព ទទួលយកនូវសុវត្ថិភាពវាយលុក ក៏ដូចជាសន្តិសុខការពារ និងជួលអ្នកជំនាញសន្តិសុខតាមអ៊ីនធឺណិត ដើម្បីការពារទិន្នន័យ កំណត់ត្រាអ្នកជំងឺ ប្រតិបត្តិការប្រចាំថ្ងៃ និងជីវិតអ្នកជំងឺរបស់ពួកគេ។

២ អាយធី (IT)

បច្ចេកវិទ្យាព័ត៌មាន គឺជានិយោជកមួយក្នុងចំណោមនិយោជកធ្ងន់បំផុត នៃអ្នកជំនាញសន្តិសុខអ៊ីនធឺណិត។ សុវត្ថិភាពព័ត៌មានគឺជាអាទិភាពកំពូលនៅក្នុងអង្គការ ដែលផ្អែកលើបច្ចេកវិទ្យាឌីជីថល និងកម្មវិធី។ ក្រុមហ៊ុន Microsoft ចំណាយ ១ ពាន់លានដុល្លារអាមេរិកជារៀងរាល់ឆ្នាំ លើសន្តិសុខអ៊ីនធឺណិត។ ក្រុមហ៊ុនជាច្រើននៅក្នុងវិស័យនេះវិនិយោគលើការអប់រំ (ដូចជាការបណ្តុះបណ្តាល ការលួចស្តាប់ ប្រកបដោយក្រមសីលធម៌ ឬការបណ្តុះបណ្តាលសុវត្ថិភាពបណ្តាញ) របស់បុគ្គលិករបស់ពួកគេ ដើម្បីជួលអ្នកជំនាញ InfoSec ពីខាងក្នុងអង្គការ។

៣ ការការពារ (Defense)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការការពារជាតិ និងយោធាតែងតែមានសន្តិសុខនៅលើកំពូល ហើយនៅក្នុងយុគសម័យនេះ ដែលសង្គ្រាមតាមអ៊ីនធឺណិត និងអំពើភេរវកម្មតាមអ៊ីនធឺណិតក្លាយជាចរន្ត និងខ្លាំងគ្រប់គ្រាន់ ដើម្បីបង្កការខូចខាតយ៉ាងធ្ងន់ធ្ងរដល់សេដ្ឋកិច្ច និងសន្តិសុខរបស់ប្រទេស។ នោះសន្តិសុខតាមអ៊ីនធឺណិត ក្លាយជាអាទិភាពមួយក្នុងចំណោមអាទិភាពបំផុតនៅក្នុងវិស័យការពារជាតិ។

៤ ហិរញ្ញវត្ថុ

ចាប់តាំងពីពិភពលោក បានទៅជាឌីជីថល វិស័យធនាគារ និងហិរញ្ញវត្ថុក៏បានក្លាយជាឌីជីថលទាំងស្រុង។ ទន្ទឹមនឹងការរីកចម្រើននេះ ហានិភ័យជាច្រើនបានចូលក្នុងរូបភាព។ ប្រសិនបើនរណាម្នាក់ អាចបង់វិក្កយបត្រពីគណនីធនាគាររបស់ពួកគេ ដោយគ្រាន់តែចុចមួយ នោះនរណាម្នាក់ក៏អាចលួចលុយរាប់ពាន់ដុល្លារពីគណនីធនាគារតាមរយៈកុំព្យូទ័រផងដែរ។ ការក្លែងបន្លំនៅក្នុងវិស័យធនាគារ និងហិរញ្ញវត្ថុបានកើនឡើងច្រើនដង ហើយក្លាយជាផលប៉ះពាល់យ៉ាងខ្លាំង ដែលបណ្ដាលឲ្យវិស័យនេះ ត្រូវជួលអ្នកជំនាញសន្តិសុខតាមអ៊ីនធឺណិត ក្នុងចំនួនដ៏ច្រើន។

៥ រដ្ឋាភិបាល

វិស័យសាធារណៈជាច្រើនទៀត ដូចជាទីភ្នាក់ងារអវកាស ការដឹកជញ្ជូន ពាណិជ្ជកម្ម និងនាយកដ្ឋានព័ត៌មាន ទទួលរងការវាយប្រហារតាមអ៊ីនធឺណិត និងការរំលោភទិន្នន័យ។ ទំនួលខុសត្រូវក្នុងការការពារទិន្នន័យ លុយ ឯកជនភាព និងអាយុជីវិតរបស់ពលរដ្ឋ ត្រូវបានដាក់សាកល្បង នៅពេលដែលភេរវករ ឧក្រិដ្ឋជន និងអ្នកវាយប្រហារតាមអ៊ីនធឺណិតព្យាយាមវាយប្រហារនាយកដ្ឋានគ្រប់គ្រងដោយរដ្ឋ។ សូម្បីតែដំណើរការបោះឆ្នោតតាមប្រព័ន្ធឌីជីថលក្នុងប្រទេស ប្រជាធិបតេយ្យទូទាំងពិភពលោក ក៏ត្រូវតែមានការលួចបន្លំ ដើម្បីធានាឲ្យមានលំហូរដោយសេរី និងយុត្តិធម៌នៃអំណាចក្នុងចំណោមប្រជាជន។ នេះធ្វើឲ្យវិស័យសាធារណៈ ក្លាយជាអ្នកជ្រើសរើសអ្នកជំនាញផ្នែកសន្តិសុខអ៊ីនធឺណិតខ្ពស់បំផុត។

៦ ពាណិជ្ជកម្មអេឡិចត្រូនិច

E-commerce បានផ្លាស់ប្តូររបៀបដែលយើងទិញទំនិញ។ ជាមួយនឹងប្រតិបត្តិការរាប់មិនអស់ ដែលកើតឡើងជារៀងរាល់ថ្ងៃនៅលើវេទិកាពាណិជ្ជកម្មអេឡិចត្រូនិករាប់ពាន់ ឧស្សាហកម្មដែលកំពុងរីកចម្រើននេះ កំពុងប្រឈមមុខនឹងការវាយប្រហារតាមអ៊ីនធឺណិតដ៏គ្រោះថ្នាក់។

ពួក Hacker ឧក្រិដ្ឋជន ស្វែងរកមធ្យោបាយរៀបចំវេទិការបស់ពួកគេ ដើម្បីទទួលបានផលចំណេញផ្នែកហិរញ្ញវត្ថុ ដែលនេះជាមូលហេតុដែលអ្នកជំនាញសន្តិសុខអ៊ីនធឺណិតជាច្រើន ស្វែងរកអាជីពរបស់ពួកគេនៅក្នុងឧស្សាហកម្មនេះ។

៧ ថាមពល

វាស្តាប់ទៅចម្លែក ប៉ុន្តែវិស័យថាមពល គឺជាអ្នកជ្រើសរើសអ្នកជំនាញផ្នែកសន្តិសុខតាមអ៊ីនធឺណិតដ៏សំខាន់បំផុត ព្រោះវាមិនមែនជារឿងចម្លែក ចំពោះការវាយប្រហារតាមអ៊ីនធឺណិតនោះទេ។ នៅក្នុងយុគសម័យដែលសង្រ្គាមតាមអ៊ីនធឺណិត និងភេរវកម្មតាមអ៊ីនធឺណិត កំពុងគ្រប់គ្រងកម្រិតខ្ពស់ នាយកដ្ឋានថាមពលជាច្រើនត្រូវបានរំលោភបំពាន គ្រប់ពេលវេលា ដោយពួក Hacker ដែលឧបត្ថម្ភដោយរដ្ឋពីប្រទេសជាគូប្រជែង។

៨ ប្រព័ន្ធផ្សព្វផ្សាយ

ជាចុងក្រោយ ប្រព័ន្ធផ្សព្វផ្សាយ ទីផ្សារ និងទំនាក់ទំនង គឺជាវិស័យផ្សេងទៀត ដែលជួលអ្នកជំនាញសន្តិសុខព័ត៌មាន និងវិនិយោគលើសន្តិសុខអ៊ីនធឺណិតយ៉ាងច្រើន។ ការគំរាមកំហែងដែលមាននៅក្នុងវិស័យនេះ អាចនាំឲ្យមានការខូចខាតយ៉ាងធ្ងន់ធ្ងរដល់អង្គការជាច្រើន។ ការបំពានទិន្នន័យ មិនមែនជាការគំរាមកំហែងដែលមានតម្លៃថោក ដែលអាចត្រូវបានគេគិតស្រាលនោះទេ។ ពួកគេមានអំណាចក្នុងការរុះរើអង្គការ ដោយបង្អាក់ទ្រព្យសម្បត្តិរបស់ពួកគេទាំងស្រុង។

នេះជាមូលហេតុដែលវិស័យនេះ ដូចជាវិស័យខាងលើ ទាំងអស់ វិនិយោគលើសន្តិសុខអ៊ីនធឺណិតយ៉ាងសំខាន់៕

ប្រែសម្រួល៖ សាង ស្រីល័ក្ខ

ចុចអាន៖Business Cyber Security ៖ ៥ មូលដ្ឋាន ដែលម្ចាស់អាជីវកម្ម ឬពាណិជ្ជករធំៗ ត្រូវយល់ដឹងឲ្យច្បាស់

ចុចអាន៖បង្ហោះលេខកុងធនាគារជាសាធារណៈ ប្រយ័ត្នអស់លុយគ្មានសល់