បច្ចេកវិទ្យា

គន្លឹះ ៩ យ៉ាង ក្លាយជាអ្នកមានឥទ្ធិពលក្នុងបណ្ដាញសង្គម Instagram មានគេតាមដានច្រើន

បានផុស

៣ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

ក្នុងនាមជាអ្នកបង្កើតវីដេអូ អ្នកត្រូវមានឧបករណ៍ផ្ទុកដ៏មានឥទ្ធិពល ដែលអាចចូលទៅដល់បេះដូងអ្នកទស្សនា និងភ្ជាប់ទំនាក់ទំនងជាមួយពួកគេ ក្នុងកម្រិតអារម្មណ៍មួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកថ្មី ឬមិនមានឥទ្ធិពលក្នុង Instagram សុំកុំបារម្ភ ។ នៅក្នុងអត្ថបទនេះ យើងខ្ញុំនឹងនិយាយអំពីគន្លឹះកំពូលមួយចំនួន អំពីរបៀបដើម្បីរីកចម្រើន ក្លាយជាអ្នកមានឥទ្ធិពលលើ Instagram ៖

១ ផ្ដោត មុនពេលបង្កើតមាតិកា ការផ្តោតអារម្មណ៍គឺជាគន្លឹះ បើអ្នកផ្ដោតអារម្មណ៍ច្រើនពេក ដើម្បីសាកល្បងគ្រប់វេទិកាប្រព័ន្ធផ្សព្វផ្សាយសង្គម ដោយសង្ឃឹមថានឹងធ្វើឲ្យមានអ្វីធំកើតឡើង។ នេះប្រហែលជាមិនមែនជាយុទ្ធសាស្ត្រដ៏ឈ្លាសវៃនោះទេ។ ជំនួសឲ្យការផ្សព្វផ្សាយខ្លួនឯងឥតន័យ នៅលើបណ្តាញផ្សេងៗ ចូរខិតខំផ្តោតលើការខិតខំប្រឹងប្រែងតែមួយ ហើយមើលពីរបៀបដែលអ្នកអាចរីកចម្រើននៅទីនោះ។

២ បង្កើតទំនាក់ទំនង អ្វីដែលសំខាន់បំផុត អាចធ្វើបាននៅពេលដែលអ្នកចាប់ផ្ដើម គឺត្រូវកំណត់អត្តសញ្ញាណ និងបង្កើតទំនាក់ទំនងជាមួយអ្នកដែលមានឥទ្ធិពលក្នុងទីផ្សារពិសេស។ ពួកគេមិនត្រឹមតែជាសម្ព័ន្ធមិត្តដ៏អស្ចារ្យប៉ុណ្ណោះទេ ប៉ុន្តែពួកគេក៏អាចជួយយើងក្នុងការចាប់ផ្ដើមផងដែរ។

៣ បង្កើតមាតិកាល្អ ប្រសិនបើអ្នកចង់ឲ្យគណនី Instagram រីកចម្រើន និងទទួលបានអ្នកតាមដានកាន់តែច្រើន នោះត្រូវប្រាកដថា អ្នកកំពុងបង្កើតមាតិកាល្អ។ ឧទាហរណ៍ ប្រសិនបើអ្នកជាអ្នកបង្កើតវីដេអូ ត្រូវប្រាកដថាវីដេអូ តែងតែមានគុណភាពខ្ពស់។ កាលណាអ្នកដាក់ពេលវេលា និងថាមពលកាន់តែច្រើនទៅក្នុងមុខតំណែងនីមួយៗ នោះនឹងមានឱកាសកាន់តែល្អក្នុងការទាក់ទាញ។

៤ ធ្វើឲ្យប្រវត្តិរូបរបស់អ្នកប្រសើរឡើង នៅពេលចាប់ផ្តើម ប្រវត្តិរូបរបស់អ្នកគឺជាទ្រព្យសម្បត្តិសំខាន់បំផុត។ ទោះបីជាអ្វីៗដូចជាជីវប្រវត្តិ និងរូបថតគម្របរបស់អ្នកហាក់បីដូចជាមិនសំខាន់ក៏ដោយ ពួកវាដើរតួយ៉ាងសំខាន់ក្នុងការធ្វើឲ្យមនុស្សកត់សម្គាល់អ្នក ហើយចុចប៊ូតុងតាមដាន ។ ដូច្នេះបើអ្នកមិនកែសម្រួលវាឲ្យបានត្រឹមត្រូវ គ្មាននរណាមកតាមអ្នកឡើយ។

៥ ចូលរួមជាមួយអ្នកប្រើប្រាស់ផ្សេងទៀត ការចូលរួមជាមួយអ្នកប្រើប្រាស់ផ្សេងទៀត គឺជាផ្នែកមួយដ៏សំខាន់ក្នុងការបង្កើនការតាមដានរបស់អ្នក នៅលើប្រព័ន្ធផ្សព្វផ្សាយសង្គម។ ត្រូវប្រាកដថា អ្នកតែងតែសួរសំណួរ ឆ្លើយតបទៅនឹងមតិយោបល់របស់អ្នកដទៃ។

៦ មតិយោបល់លើការបង្ហោះរបស់អ្នកដទៃ មធ្យោបាយដ៏ល្អបំផុតក្នុងការបង្កើនចំនួនទស្សនិកជន គឺបង្ហាញថា អ្នកគឺជាមនុស្សពិតប្រាកដ និងអាចទាក់ទងគ្នាបាន មិនមែនគ្រាន់តែជាអ្នកមានឥទ្ធិពលមកធម្មតា មកមួយភ្លែតក៏ទៅវិញនោះទេ។

៧ ធ្វើជាអ្នកបង្កើតវីដេអូដ៏ទាក់ទាញ ខ្លឹមសារដ៏អស្ចារ្យ គឺចាំបាច់ ប្រសិនបើអ្នកចង់ក្លាយជាអ្នកបង្កើតវីដេអូដ៏ជោគជ័យ ប៉ុន្តែការទាក់ទាញដែលមើលឃើញ គឺមានសារៈសំខាន់ដូចគ្នា។ ត្រូវប្រាកដថា វីដេអូរបស់អ្នកមានសោភ័ណភាព ជាមួយនឹងពន្លឺល្អ និងក្រាហ្វិកដែលមើលទៅអស្ចារ្យ។

៨ ប្រើ Hashtags ឲ្យមានប្រសិទ្ធភាព ក្នុងនាមជាអ្នកបង្កើតវីដេអូ សញ្ញា hashtags គឺជាមធ្យោបាយដ៏អស្ចារ្យមួយក្នុងការបង្កើនចំនួនទស្សនិកជនរបស់អ្នក។ Hashtags អាចធ្វើឲ្យអ្នកមានការមើលកាន់តែច្រើន និងអាចទទួលបានវីដេអូដោយបណ្ដាញស្វែងរកនៅក្នុង Instagram ។

៩ បង្ហោះជាញឹកញាប់ បើមានរឿង ឬគំនិតមួយ ដែលអ្នកមានអារម្មណ៍រំភើបខ្លាំងចំពោះការដែលអ្នកចង់ប្រាប់ទស្សនិកជនរបស់អ្នកអំពីវា។ ចូរប្រាប់ និងបង្ហោះវា ញឹកញាប់ចុះ!

ប្រែសម្រួល៖ សាង ស្រីល័ក្ខ

ចុចអាន៖Facebook ដាក់កម្មវិធីថ្មីលើ Instagram ដើម្បីគ្រប់គ្រងអ្នកប្រើប្រាស់វ័យក្មេងអាយុក្រោម ១៣ ឆ្នាំ

ចុចអាន៖នេះមូលហេតុ Facebook, Instagram និង WhatsApp គាំង ៦ម៉ោង យប់មិញ