ប្រទេសមួយនៅ អឺរ៉ុប ហាមកងទ័ពមិនឲ្យប្រើកម្មវិធី WhatsApp, Signal និង Telegram

ប្រព័ន្ធផ្សព្វផ្សាយស្វីសបានរាយការណ៍នៅសប្តាហ៍នេះថា ទាហានស្វីសត្រូវបានតម្រូវឲ្យឈប់ប្រើប្រាស់កម្មវិធី WhatsApp, Signal, និង Telegram ហើយងាកមកប្រើកម្មវិធីផ្ញើសារក្នុងស្រុកជំនួសវិញ ដើម្បីការការពារទិន្នន័យរបស់ខ្លួន ។

យោងតាមប្រព័ន្ធផ្សព្វផ្សាយស្វីសបានឲ្យដឹងថា មេបញ្ជាការ និងប្រធានបុគ្គលិកបានទទួលការណែនាំមួយកាលពីចុងខែធ្នូ ដោយជូនដំណឹងដល់ពួកគេអំពីច្បាប់ប្រើប្រាស់កម្មវិធីថ្មីនេះ ។

ការណែនាំបាននិយាយថា បច្ចុប្បន្នបុគ្គលិកកងទ័ពស្វីសគួរតែប្រើប្រាស់កម្មវិធីផ្ញើសារដែលបង្កើតក្នុងស្រុកឈ្មោះ “Threema” ទាំងក្នុងទំនាក់ទំនងផ្លូវការ និងឯកជន រួមទាំងការជជែកគ្នារវាងទាហាន និងសាច់ញាតិរបស់ពួកគេផងដែរ ។

ទន្ទឹមនោះតាមសេចក្តីរាយការណ៍បានឲ្យដឹងថា កងទ័ពក៏នឹងរ៉ាប់រងថ្លៃទាញយកកម្មវិធីនេះផងដែរក្នុងតម្លៃ ៤ ហ្វ្រង់ស្វីស (៤.៣៥ ដុល្លារ) ខណៈថ្លៃសេវាប្រចាំឆ្នាំដែលប្រមូលដោយក្រុមហ៊ុនត្រូវបានរាយការណ៍ថានឹងត្រូវចំណាយដោយកងទ័ព ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ WhatsApp ពន្យារពេលធ្វើបច្ចុប្បន្នភាពគោលការណ៍ឯកជនថ្មី