Connect with us

បច្ចេកវិទ្យា

តើ​បណ្ដាញ linkedin គឺ​​ជា​អ្វី និង​មាន​សារៈ​ប្រយោជន៍​បែប​ណា​ខ្លះ?

បានផុស

នៅ

LinkedIn ជា​វេទិកា​មួយ​ដ៏​មាន​ប្រសិទ្ធភាព​យូរ​ណាស់​មកហើយ​ សម្រាប់​ទីផ្សារ​ស្វែងរក​ការងារ​និង​បុគ្គលិក​ ។ ទោះបី​មិនមាន​​ទាក់ទាញ​ខាង​កម្សាន្ត​ដូចជា​ហ្វេសបុក ​និង​អ៊ិនស្តាក្រាម​តែ​បណ្ដាញ​សង្គម​ LinkedIn មានវត្តមាន​​​សហគ្រិន​ឬ​ម្ចាស់​អាជីវកម្ម ប្រធាន​ធនធាន​មនុស្ស ។ល។​ មកពី​គ្រប់ទិសទី ជា​ផ្នែក​មួយ​នៃ​ការ​ពង្រឹង​ធនធានមនុស្ស​បែប​ជីវៈវិជ្ជា ដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. បណ្ដាញ​ទំនាក់ទំនង​​កម្រិត​ខ្ពស់​បែប​វិជ្ជាជីវៈ

នៅ​ក្នុង​យុគសម័យ​ដែល​ប្រព័ន្ធ​ផ្សព្វផ្សាយ​សង្គម​កំពុង​មាន​ឥទ្ធិពល LinkedIn គឺ​ជា​ផ្នែក​មួយ​ក្នុង​ចំណោម​វេទិកា​សង្គម​ធំៗ សម្រាប់​អ្នក​ដែល​ត្រូវ​ការ​យុទ្ធសាស្ត្រ​ មាតិកា ​ឬ​មាន​គោលបំណង​ចង់ឲ្យ​​ទីផ្សារ​ការងារ​របស់​ខ្លួន​ឈាន​ដល់​កម្រិត​ខ្ពស់​មួយ។ LinkedIn កំពុង​ដើរ​តួនាទី​ជា​មាតិកា​សំខាន់​សម្រាប់​ម៉ាក​យីហោ បុគ្គល និង​អាជីវកម្ម​ផ្ទាល់ខ្លួន​មិនថា​​ធំ​ឬ​តូច។

LinkedIn ​កំពុង​ពង្រឹង​ការ​ធ្វើ​ឲ្យ​ទីផ្សារ​អាជីវកម្ម​ឬ​យីហោ​ផ្ទាល់ខ្លួន​កាន់តែ​ដំណើរការ​បាន​លឿន​ ​មាន​គេ​ស្គាល់​ច្រើន​ ជា​ពិសេស​សម្រាប់​អ្នក​ដែល​មាន​ថវិកា​តិច​ ឬ​ទីផ្សារ​តូច​ពេក។

២. លក់​យីហោ​ផ្ទាល់ខ្លួន​សម្រាប់​អាជីព​ឬ​ធុរកិច្ច

LinkedIn ផ្ដល់​នូវ​ឱកាស​ដ៏​ល្អ​មួយ ​ក្នុង​ការ​លក់​យីហោ​ផ្ទាល់ខ្លួន​របស់​យើង ​ហើយ​ដាក់​ខ្លួន​យើង​ថា​ជា​អ្នក​មាន​ទេពកោសល្យ​ខ្ពស់​ នៅ​ចំពោះ​មុខ​និយោជក​ដែល​មាន​សក្ដានុពល។ បណ្ដេញ​សង្គម​មួយ​នេះ​មាន​សារៈសំខាន់​ក្នុង​ការ​បន្ថែម​ប្រវត្តិ​ការងារ​ទៅ​ប្រវត្តិរូប ភ្ជាប់​ទំនាក់ទំនង​ជាមួយ​អ្នក​គ្រប់គ្រង ​ការ​ជួល​បុគ្គលិក​ធនធាន​មនុស្ស ​នៅ​ក្នុង​ឧស្សាហកម្ម​ និង​ទីតាំង​ការងារ​ដែល​យើង​ចង់​បាន។

៣. តភ្ជាប់​និង​បណ្ដាញ

LinkedInបាន​ប្រមូល​ផ្ដុំ​ទៅ​ដោយ​មនុស្ស​ដែល​មាន​ឥទ្ធិពល​ ឬ​អ្នក​មាន​មុខតំណែង​មាន​អំណាច ដូចជា​នាយក​ប្រតិបត្តិ​ នាយក​គ្រប់គ្រង ដែល​អាច​ទិញ​ឬ​ជួល ​ហើយ​ភ្ជាប់​យើង​ជាមួយ​មនុស្ស​ដែល​មាន​គំនិត​និង​មាន​ឥទ្ធិពល​ផ្សេង​ទៀត។

នៅ​ទីនោះ​យើង​អាច​បង្រួម​អតិជន​គោលដៅ​របស់​យើង ​ដោយ​ចំណងជើង​ការងារ​ ទីតាំង ​ឈ្មោះ​ក្រុមហ៊ុន​ជាក់លាក់​ណាមួយ។

៤. កន្លែង​ដ៏​អស្ចារ្យ​ដើម្បី​ចែករំលែក​មាតិកា

គ្មាន​អាថ៌កំបាំង​ទេ​ដែល​ថា “ មាតិកា​គឺ​ជា​ស្ដេច”  នៅ​ក្នុង​ពិភព​ឌីជីថល​សព្វថ្ងៃ​នេះ។ ហើយ LinkedIn បង្ហាញ​នូវ​ឱកាស​ដើម្បី​ដាក់​ចេញ​នូវ​មាតិកា​ដែល​ទាក់ទង​នឹង​អាជីវកម្ម​របស់​យើង ​ ឬ​យីហោ​ផ្ទាល់ខ្លួន ដែល​បង្កើត​វត្តមាន​​យើង​ នៅ​លើ​អ៊ីនធឺណិត។

៥. ផ្សព្វផ្សាយ​ជំនួញ​ឬ​បង្កើត​សហគ្រាស

គោលដៅ​សំខាន់​មួយ​នៃ​ទីផ្សារ​ប្រព័ន្ធ​ផ្សព្វផ្សាយ​ គឺ​ដើម្បី​បង្កើត​អតិថិជន​ថ្មីៗ។ ដូច្នេះ LinkedIn ផ្ដល់​នូវ​ឱកាស​ជា​ច្រើន​ដើម្បី​ផ្សាយ​ផលិតផល​ ឬ​សេវាកម្ម​ជាមួយ​នឹង​ការ​ឈាន​ដល់​កម្រិត​ខ្ពស់​នៃ​ជម្រើស​ផ្សព្វផ្សាយ​ពាណិជ្ជកម្ម​ដែល​បាន​បាត់បង់​ និង​សមត្ថភាព​ក្នុង​ការ​ផ្សព្វផ្សាយ​មាតិកា​ជាច្រើន។

លើស​ពី​នេះ​ទៅ​ទៀត LinkedIn អនុញ្ញាត​ឲ្យ​យើង​​ផ្សព្វផ្សាយ​ផលិតផល​ ឬ​សេវាកម្ម​តាមរយៈ​ប្រវត្តិរូប​ផ្ទាល់ខ្លួន​របស់​យើង ​ឬ​តាម​រយៈ​ទំព័រ​ក្រុមហ៊ុន៕

ប្រែសម្រួល៖ សាង ស្រីល័ក្ខ

ប្រភព៖bossbabe

ចុចអាន៖តាមមិនទាន់និន្នាការទំាង៦នេះ រស់នៅសម័យឌីជីថល នឹងស្គាល់ពិបាកហើយ!

ចុចអាន៖តើ internet និង world wide web (www) ជាប្រព័ន្ធតែមួយ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម