​ប្រាក់​​ខែ​​ CEO របស់​ Intel​ បាន​​​​​ច្រើន​​ជាង១៧១១​ដង​នៃ​​​បុគ្គលិក​ជា​​មធ្យម​​​​​​​​​ឆ្នាំ​​២០២១

នាយក​ប្រតិបត្តិ​របស់​ក្រុម​ហ៊ុន Intel Corp លោក Pat Gelsinger ទទួល​បានប្រាក់​ខែ​១៧១១​ដង ច្រើន​ជាង​បុគ្គល​ជា​មធ្យម​​​ក្នុង​រយៈ​ពេល​១១​ខែ ចាប់​តាំង​ពី​លោក​​បាន​ចូល​កាន់​តំណែង​នេះ​កាល​ពី​ខែ​កុម្ភៈ​ ឆ្នាំ​២០២១។ នេះ​បើ​យោង​តាម​បទ​ប្បញ្ញត្តិ​មួយ​បាន​បង្ហាញ​កាល​ពី​ថ្ងៃ​ពុធ។

ប្រៀប​ធៀប​ជា​មួយ​លោក Gelsinger, លោក Bob Swan ដែល​ជា​អតីត​​នាយក​ប្រតិបត្តិ​​ទទួល​បាន​​​​២១៧ដង​ ច្រើន​ជាង​បុគ្គលិក​ជា​មធ្យម​កាល​ពី​​ឆ្នាំ​២០២០។ លោក Gelsinger ទទួល​បានប្រាក់​​ចំនួន​១៧៨.៦​លាន​ដុល្លារ​ក្នុង​ឆ្នាំ​២០២១​ជា​មួយនឹង​ប្រាក់​រង្វាន់​ភាគ​ហ៊ុន​​ដែលបង្កើត​បាន​ជិត​៧៩​%​នៃ​សំណង​សរុប​​ដល់​​លោក ដែល​ខ្ពស់​ជាងលោក Swan ប្រហែល​ជា​៦៩៨%ក្នុង​ឆ្នាំ​២០២០។

ប្រាក់​​​សំណង​លើ​​នាយក​ប្រតិបត្តិ​បាន​កំពុងកើន​​ឡើង​នៅ​សហរដ្ឋ​អាមេរិក។ នាយក​ប្រតិបត្តិ​ក្រុម​ហ៊ុន Apple Inc លោក Tim Cook ទទួល​បាន​១៤៤៧​ដង​​ច្រើន​ជាង​​បុគ្គលិកជា​មធ្យម​នៅ​ក្នុង​ក្រុម​ហ៊ុន​បច្ចេកវិទ្យា​យក្ស​ក្នុង​ឆ្នាំ​២០២១។

ក្រុម​ហ៊ុន Intel ​បាន​ស្នើ​ឲ្យ​ម្ចាស់​ភាគ​ហ៊ុន​បោះ​ឆ្នោត​គាំទ្រ​ចំពោះ​ប្រាក់​សំណង​​សម្រាប់​នាយក​ប្រតិបត្តិ​របស់​ខ្លួន​នៅ​ក្នុង​កិច្ច​ប្រជុំ​ប្រចាំ​ឆ្នាំ​​របស់​ម្ចាស់​ភាគ​ហ៊ុន​ដែល​នឹង​ធ្វើ​នៅ​ថ្ងៃ​ទី​១២ ខែ​ឧសភា។​​

បន្ទាប់​ពី​លោក Gelsinger ចូល​កាន់​តំណែង​នៅ Intel ដែល​ជា​ក្រុម​ហ៊ុន​បច្ចេកវិទ្យាផលិត​​បន្ទះ​ឈីប​ឈាន​មុខ​គេ លោក​បាន​បង្ហាញ​យុទ្ធសាស្ត្រផ្លាស់​ប្តូរ​សម្រាប់​ក្រុម​ហ៊ុន​ក្នុង​ការ​ទទួល​បាន​ភាព​លេច​ធ្លោ​ឡើង​វិញ​នៅ​ក្នុង​ឧស្សាហកម្ម​​នេះ​ដែល​បច្ចុប្បន្ន​នាំ​មុខ​ដោយ​ក្រុម​ហ៊ុន​តៃវ៉ាន់ Semiconductor Manufacturing Co។

លោក Gelsinger ​ធ្លាប់​ជា​នាយក​ប្រតិបត្តិ​របស់​ក្រុម​ហ៊ុន VMWare Inc មុន​ពេលវិល​ត្រឡប់​មក​កាន់​តំណែង​កំពូល​នៅ Intel។ តាម​ពិត​ទៅ លោក​ធ្លាប់​បាន​ចំណាយ​ពេល​៣០​ឆ្នាំ​នៅ​ជា​មួយ Intel មុន​ពេល​ចាក​ចេញ។

យោង​តាម​ឯកសារ ប្រាក់​សំណង​របស់​​លោករួម​បញ្ចូល​ពាន​រង្វាន់​សមធម៌​ថ្មី​ដែល​ជួល​ម្តង​ដែលមាន​តម្លៃ​គោល​ដៅ​ប្រហែល​១១០​​លានដុល្លារអាមេរិក៕

ប្រែ​សម្រួល៖ វីរបុត្រ
ប្រភព៖ Reuters