ក្រុមហ៊ុន Meta កាត់បន្ថយបុគ្គលិកជាង ១១,០០0 នាក់

Meta ប្រកាសថា ក្រុមហ៊ុន​នឹងកាត់បន្ថយ​បុគ្គលិកជាង ១១,០០០នាក់ ឬប្រហែល ១៣ ភាគរយនៃកម្លាំងការងារទាំងមូលរបស់ក្រុមហ៊ុន ។

ពាក់ព័ន្ធនឹងការបញ្ឈប់បុគ្គលិកនេះដែរ លោក Mark Zuckerberg បញ្ជាក់ថា​ គឺដោយសារតែការធ្លាក់ចុះនៃម៉ាក្រូសេដ្ឋកិច្ច ក៏ដូចជាការកើនឡើងនៃការប្រកួតប្រជែង និងការធ្លាក់ចុះនៃការលក់ផ្សាយពាណិជ្ជកម្ម ហើយក្រុមហ៊ុនក៏នឹងផ្អាកការ​ជ្រើសរើសបុគ្គលិកថ្មីផងដែរ រហូតដល់ខែមីនា ឆ្នាំ ២០២៣ ។  

លោក Zuckerberg បន្ថែមថា Meta បានជំរុញការវិនិយោគរបស់ខ្លួន ដោយរំពឹងថា តម្រូវការសម្រាប់ពាណិជ្ជកម្មអនឡាញនឹងបន្តកើនឡើងយ៉ាងឆាប់រហ័ស បើទោះជាមានរោគរាតត្បាតកូវីដ ១៩ ក៏ដោយ ប៉ុន្តែ​​ប្រាក់​ចំណូល​ដែលទទួលបាន បែរជាធ្លាក់​ចុះ​មិន​ដូច​ការ​រំពឹង​ទុកទៅវិញ ។

គួរឲ្យដឹងថា ការកាត់បន្ថយការងារដ៏ធំសម្បើមនេះ គឺជាលើកដំបូងហើយសម្រាប់ក្រុមហ៊ុន Meta ​ចាប់តាំងពីក្រុមហ៊ុន នេះបង្កើតឡើងនៅក្នុងឆ្នាំ ២០០៤ ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ លោក Zelensky ដាក់លក្ខខណ្ឌ ៣ ចំណុចសម្រាប់ការចរចាសន្តិភាពជាមួយ រុស្ស៊ី