បច្ចេកវិទ្យា
ពិព័រណ៍បច្ចេកវិទ្យាកម្ពុជា ២០២២ ៖ ដោះស្រាយបញ្ហាប្រឈមរួមគ្នាតាមរយៈទេពកោសល្យបច្ចេកវិទ្យា
ភ្នំពេញ ៖ ក្រុមហ៊ុន អុីដតខូ ខេមបូឌាដែលជាក្រុមហ៊ុនហេដ្ឋារចនាសម្ព័ន្ធទូរគមនាគមន៍ឈានមុខគេមួយនៅអាស៊ី ក្រោមក្រុមហ៊ុន edotco Group គឺជាអ្នកឧបត្ថម្ភមួយក្នុងពិព័រណ៍បច្ចេកវិទ្យាកម្ពុជា ២០២២។ ពិព័រណ៍ និងសន្និសីទបច្ចេកវិទ្យាដ៏ធំបំផុតមួយរបស់កម្ពុជា ផ្តោតលើនវានុវត្ដន៍លើបច្ចេកវិទ្យា សេដ្ឋកិច្ច និងសង្គមឌីជីថល ក៏ដូចជាបដិវត្តន៍ឧស្សាហកម្មទីបួន (4IR)។
ជាមួយនឹងប្រធានបទ “ការដោះស្រាយការប្រកួតប្រជែងរួមគ្នាតាមរយៈទេពកោសល្យបច្ចេកវិទ្យា” ពិព័រណ៍បច្ចេកវិទ្យាកម្ពុជា ២០២២ បានប្រព្រឹត្តឡើងកាលពីថ្ងៃទី ១១ ដល់ ១៣ ខែវិច្ឆិកា នៅមជ្ឈមណ្ឌលសន្និបាត និងពិព័រណ៍កោះពេជ្រ (អគារ A-F)។
ពិព័រណ៍បច្ចេកវិទ្យាកម្ពុជា ២០២២ មិនត្រឹមតែជាពិព័រណ៍ និងសន្និសីទបច្ចេកវិទ្យាដ៏ធំបំផុតរបស់កម្ពុជាប៉ុណ្ណោះទេ ប៉ុន្តែវាក៏ជាព្រឹត្តិការណ៍ដ៏ធំមួយក្រៅពីកិច្ចប្រជុំកំពូលអាស៊ានឆ្នាំ ២០២២ ផងដែរ។ នេះជាឱកាសដ៏ល្អសម្រាប់អ្នកចូលរួមក្នុងការចូលរួមកិច្ចពិភាក្សា និងវគ្គចែករំលែកបទពិសោធន៍រវាងអ្នកជំនាញ ស្វែងយល់ពីប្រព័ន្ធអេកូឡូស៊ី និងសក្តានុពលនៃ វិទ្យាសាស្ត្រ បច្ចេកវិទ្យា និងនវានុវត្តន៍ ពង្រីកចំណេះដឹង និងបណ្តាញអាជីវកម្ម និងជាពិសេសស្វែងរកឱកាសវិនិយោគ។
ជាមួយនឹងបង្គោលអង់តែនទូរសព្ទជាង ៤០០០ នៅទូទាំងព្រះរាជាណាចក្រ ក្រុមហ៊ុន អ៊ីដតខូ បានទទួលជោគជ័យក្នុងការកសាង និងដាក់ពង្រាយបង្គោលអង់តែនទូរសព្ទជាច្រើន ដើម្បីបង្កើនគុណភាពនៃសេវាកម្ម (QOS) ឬបណ្តាញទូរសព្ទចល័តសម្រាប់ប្រជាជនកម្ពុជា ក៏ដូចជាលើកកម្ពស់ការរចនាប្រកបដោយនិរន្តរភាព និងនវានុវត្ដន៍ដែលដំណើរការស្របតាម សហគមន៍ និងបរិស្ថានក្នុងព្រះរាជាណាចក្រកម្ពុជា។
“ពិព័រណ៍បច្ចេកវិទ្យាកម្ពុជា ២០២២ ជាវេទិកាសម្រាប់បង្កើននៃទំនាក់ទំនងពាណិជ្ជកម្មរវាងសហគ្រិន សហគ្រាសធុនតូច និងមធ្យម ឧស្សាហកម្ម និងអ្នកវិនិយោគ។ លើសពីនេះទៀត ពិព័រណ៍នេះក៏អាចគាំទ្រនវានុវត្ដន៍ បច្ចេកវិទ្យា និងវិទ្យាសាស្ត្រ។ វាជាយុទ្ធនាការដ៏សំខាន់មួយដើម្បីបង្កើនការយល់ដឹង និងផ្តល់នូវក្របខណ្ឌចែករំលែក ការផ្ដល់យោបល់ និងការស្រាវជ្រាវ។
លើសពីនេះ វាជួយលើកកម្ពស់ប្រព័ន្ធអេកូឡូស៊ីដែលមានអត្ថប្រយោជន៍ និងទាក់ទាញសម្រាប់ទស្សនវិស័យអាជីវកម្មក្នុងវិស័យវិទ្យាសាស្ត្រ បច្ចេកវិទ្យា និងនវានុវត្ដន៍ក្នុងប្រទេសកម្ពុជា”លោក Phillip Wong នាយកប្រចាំតំបន់នៃ ក្រុមហ៊ុន អុីដតខូ ប្រចាំប្រទេសកម្ពុជា និងឡាវ។
ក្នុងកិច្ចខិតខំប្រឹងប្រែងរបស់ខ្លួនក្នុងការពង្រឹងវិស្វកម្មប្រកបដោយនិរន្តរភាព និងការថែរក្សាបរិស្ថាន ក្រុមហ៊ុន អុីដតខូ ខេមបូឌា ក៏មានគម្រោងប្រើប្រាស់ឫស្សីក្នុងការសាងសង់បង្គោលទូរគមនាគមន៍របស់ខ្លួន។ គម្រោងនេះត្រូវបានបង្កើតឡើងដោយសហការជាមួយវិទ្យាស្ថានបច្ចេកវិទ្យាកម្ពុជា (ITC)។ ការស្រាវជ្រាវ និងការអភិវឌ្ឍន៍ដោយ ITC បានផ្តោតលើការរចនា និងលទ្ធភាពជោគជ័យនៃឫស្សីជាសម្ភារៈជំនួសសម្រាប់រចនាសម្ព័ន្ធដែកនៅក្នុងការកសាងបង្គោលទូរគមនាគមន៍។
លោក Phillip Wong ក៏បាននិយាយផងដែរថា “អុីដតខូ តែងតែធ្វើការពិសោធន៍ជាមួយសម្ភារៈ ផ្សេងៗនិងដំណោះស្រាយប្រកបដោយភាពច្នៃប្រឌិត ដើម្បីដោះស្រាយបញ្ហាប្រឈមចំពោះហេដ្ឋារចនាសម្ព័ន្ធទូរគមនាគមន៍។ ក្រុមហ៊ុនបានសហការជាមួយនឹងអតិថិជនរបស់ខ្លួន ដើម្បីគាំទ្រដល់តម្រូវការទំនាក់ទំនង និងការកសាងហេដ្ឋារចនាសម្ព័ន្ធ។
យើងមានសេចក្តីសោមនស្សរីករាយដែលបានសហការជាមួយដៃគូពាក់ព័ន្ធដើម្បីជាប្រយោជន៍ដល់ប្រជាជនកម្ពុជា ជាពិសេសក្នុងវិស័យទូរគមនាគមន៍ និងបច្ចេកវិទ្យាព័ត៌មាន និងទំនាក់ទំនង។ ដោយសារវិស័យបច្ចេកវិទ្យាព័ត៌មាន និងទូរគមនាគមន៍របស់កម្ពុជាគឺជាវិស័យមួយដែលមានសក្តានុពល ហើយវាស្របតាមកំណើនសេដ្ឋកិច្ចដ៏រឹងមាំរបស់ប្រទេស ក្រុមហ៊ុនសូមអញ្ជើញអ្នកពាក់ព័ន្ធទាំងអស់ និងសាធារណជនចូលរួមយ៉ាងសកម្មក្នុងព្រឹត្តិការណ៍នេះម្តងទៀតនាពេលអនាគត។”
អំពី ក្រុមហ៊ុន edotco Group
បង្កើតឡើងក្នុងឆ្នាំ ២០១២ ក្រុមហ៊ុន edotco Group គឺជាក្រុមហ៊ុនសេវាកម្មហេដ្ឋារចនាសម្ព័ន្ធទូរគមនាគមន៍ក្នុងតំបន់ និងរួមបញ្ចូលគ្នាដំបូងគេនៅអាស៊ី ដែលផ្តល់នូវដំណោះស្រាយពីចុងដល់ចប់ក្នុងវិស័យសេវាកម្មហេដ្ឋារចនាសម្ព័ន្ធទូរគមនាគមន៍ ចាប់ពីការជួលអគារ ការជួលទីតាំង ការសាងសង់ ថាមពល ការបញ្ជូន ប្រតិបត្តិការ និងការថែទាំ (O&M)។
edotco Group ប្រតិបត្តិការ និងគ្រប់គ្រងផលប័ត្រលើបង្គោលអង់តែនទូរស័ព្ទក្នុងតំបន់ជាង ៥០០០០ នៅទូទាំងប្រទេសម៉ាឡេស៊ី ឥណ្ឌូនេស៊ី បង់ក្លាដែស កម្ពុជា ស្រីលង្កា ប៉ាគីស្ថាន ហ្វីលីពីន មីយ៉ាន់ម៉ា និងឡាវ។ edotco ខិតខំផ្តល់នូវលទ្ធផលល្អក្នុងការផ្តល់សេវាកម្ម និងដំណោះស្រាយហេដ្ឋារចនាសម្ព័ន្ធទូរគមនាគមន៍។ សេវាត្រួតពិនិត្យតាមពេលវេលាជាក់ស្តែងដ៏ទំនើបបំផុតរបស់ខ្លួន echo បានជំរុញឱ្យមានការកែលម្អយ៉ាងសំខាន់ក្នុងប្រតិបត្តិការ ខណៈដែលបង្កើនប្រសិទ្ធភាពប្រតិបត្តិការជាអតិបរមាទាក់ទងនឹងការប្រើប្រាស់ថ្ម ថាមពល និងប្រេងឥន្ធនៈសម្រាប់ហេដ្ឋារចនាសម្ព័ន្ធទូរគមនាគមន៍។ ថ្មីៗនេះ ក្រុមហ៊ុន edotco Group បានទទួលពានរង្វាន់ Frost & Sullivan ២០២១ Asia Pacific Telecoms Tower Company of the Year Award សម្រាប់ការរីកចម្រើន និងដំណើរការអាជីវកម្មគំរូរបស់ខ្លួននៅក្នុងតំបន់អាស៊ីអាគ្នេយ៍៕
សម្រាប់ព័ត៌មានបន្ថែម សូមចូលទៅកាន់គេហទំព័រ www.edotcogroup.com
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ