មកដឹងពីពាក្យដែលគេស្វែងរកច្រើនបំផុត​លើ Google ក្នុងឆ្នាំនេះ

ទូទាំងពិភពលោកក្នុងឆ្នាំ ២០២២ នេះ ពាក្យ “Wordle” ដែលជាហ្គេមពាក្យតាមគេហទំព័រ និង “អ៊ុយក្រែន” ជាពាក្យដែលគេស្វែងរកច្រើនបំផុតនៅលើ Google ។ នេះបើយោងតាមរបាយការណ៍ប្រចាំឆ្នាំរបស់ម៉ាស៊ីនស្វែងរកដែលបានចេញផ្សាយកាលពីថ្ងៃព្រហស្បតិ៍ ។

ចំពោះហ្គេមលេងទាយពាក្យចំនួន ៥ ខ្ទង់ “Wordle” មានសន្ទុះស្វែងរកយ៉ាងខ្លាំងនៅក្នុងខែកុម្ភៈ បន្ទាប់ពីហ្គេមនេះ ត្រូវបានកាសែត New York Times ទិញក្នុងតម្លៃមួយពីវិស្វករ Software លោក Josh Wardle ។

ជាមួយគ្នានោះ ពាក្យដែលគេស្វែងរកច្រើនបន្ទាប់លំដាប់ទី ២ នោះ គឺពាក្យ “India vs England” ជាការប្រកួតកីឡាគ្រីកឃីតពិភពលោកដែលប្រទេសទាំងពីរលេងក្នុងវគ្គពាក់កណ្តាលផ្តាច់ព្រ័ត្រនៅថ្ងៃទី ១០ ខែវិច្ឆិកា ។

ដោយឡែក ពាក្យ “អ៊ុយក្រែន” គឺកំពុងនៅ Top Trending ពេញនិយមបំផុត នាពេលបច្ចុប្បន្ន ដោយច្រើនជាងការស្វែងរកលើ “ម្ចាស់ក្សត្រី Elizabeth ទី២” ដែលបានសោយទិវង្គតកាលពីខែកញ្ញា ខណៈការសោយទិវង្គតនេះ​ ស្ថិតនៅចំណាត់ថ្នាក់លេខ ៤ ប៉ុណ្ណោះ ។

បន្ទាប់មក​ពាក្យ “វិមាន Buckingham” នៅទីក្រុងឡុងដ៍ជាកន្លែងសម្គាល់វប្បធម៌កំពូល ត្រូវបានស្វែងរកនៅលើ Google Maps ខណៈពេលដែល “Sky Garden” នៅក្នុងទីក្រុងបានក្លាយជាកន្លែងទេសភាពដែលត្រូវបានគេស្វែងរកច្រើនជាងគេ ។

ទាក់ទិននឹងតារាល្បីវិញ តារាសម្តែងហូលីវូដ “Johnny Depp” ជាប់ចំណាត់ថ្នាក់កំពូលអ្នកស្វែងរកច្រើនជាងគេ ចំពេលមានការកាត់ទោសបទបរិហារកេរ្តិ៍តាមទូរទស្សន៍របស់គាត់ប្រឆាំងនឹងអតីតភរិយា “Amber Heard” ដែលជាអ្នកស្វែងរកច្រើនបំផុតទី ៣ ក្នុងឆ្នាំ ២០២២ ។

ចំពោះ “Will Smith” ជាប់ចំណាត់ថ្នាក់លេខ ២ បន្ទាប់ពីគាត់ទះកំផ្លៀងតារាកំប្លែង Chris Rock នៅក្នុងកម្មវិធី Oscar ។

ងាកទៅកាន់វិស័យភាពយន្តវិញ រឿង “Marvel’s Thor: Love and Thunder” ជាភាពយន្តដែលប្រិយមិត្តស្វែងរកច្រើនបំផុត​ បន្ទាប់មក គឺរឿង Black Adam” និង “Top Gun: Maverick” ។

ដោយឡែកសម្រាប់កម្មវិធីទូរទស្សន៍ តួអង្គ “Euphoria” ដែលសម្តែងដោយ Zendaya គឺជាការស្វែងរកដ៏ពេញនិយមបំផុតនៅក្នុងរឿងភាគទូរទស្សន៍មួយ ដោយឈរនៅកំពូលរឿង Fantasy និង​រឿង “House of the Dragon” ។

ខណៈនៅក្នុងវិស័យកីឡាវិញ​ ព្រឹត្តិការណ៍ “FIFA World Cup” នៅក្នុងប្រទេសកាតា បានជាប់ចំណាត់ថ្នាក់លេខ ១ ក្នុងការស្វែងរកតាម Google  ហើយតាមពីក្រោយដោយ “តារាងមេដាយអូឡាំពិក” ក្នុងអំឡុងពេលកីឡាអូឡាំពិករដូវរងាឆ្នាំ ២០២២ នៅទីក្រុងប៉េកាំង ៕

ប្រែសម្រួលដោយ ៖ រតនៈ

ប្រភព ៖​ AA