មនុស្សយន្ត AI កំពុងដណ្ដើមការងារប្រហែល ៣០០ លានពីមនុស្ស

យោងតាមរបាយការណ៍របស់ធនាគារវិនិយោគ Goldman Sachs បានឲ្យដឹងថាបញ្ញាសិប្បនិម្មិត (AI) អាចធ្វើការពេញម៉ោងជំនួសមនុស្សជាង ៣០០ លាននាក់ ហើយ Generative AI ថែមទាំងចេះបង្កើតមាតិកាដែលមិនអាចបំប្លែងពីការងារមនុស្សផងដែរ ដូច្នេះគេចាត់ទុកវាជាការរីកចម្រើនដ៏សំខាន់ ។

វាអាចជំនួសការងារមួយភាគបួននៃការងារនៅសហរដ្ឋអាមេរិកនិងអឺរ៉ុប ជាពិសេសអាចបង្កើនតម្លៃសរុបប្រចាំឆ្នាំនៃទំនិញនិងសេវាកម្មដែលផលិតទូទាំងពិភពលោកបាន ៧ ភាគរយឯណោះ ។

រដ្ឋាភិបាលមានបំណងជំរុញការវិនិយោគលើ AI នៅចក្រភពអង់គ្លេស ដោយជំរុញផលិតភាពក្នុងសេដ្ឋកិច្ចហើយធានាដល់សាធារណជនអំពីផលប៉ះពាល់របស់វាទៀតផង ។ “យើងចង់ប្រាកដចិត្តថា AI ជួយការងាររបស់យើងឲ្យកាន់តែប្រសើរឡើង មិនមែនដណ្ដើមឡើយ” អ្នកស្រីលេខាធិការបច្ចេកវិទ្យា Michelle Donelan មានប្រសាសន៍ ។

ប្រសិនបើ generative AI មានលក្ខណៈដូចជាការរីកចម្រើននៃព័ត៌មានបច្ចេកវិទ្យាពីជំនាន់មុន របាយការណ៍សន្និដ្ឋានថាវាអាចកាត់បន្ថយការងារក្នុងរយៈពេលដ៏ខ្លីខាងមុខនេះជាក់ជាមិនខាន ៕

ប្រែសម្រួល ៖ វារី

ចុចអាន ៖ អត្ថប្រយោជន៍នៃបច្ចេកវិទ្យា AI​ ម្ចាស់អាជីវកម្មផ្នែកទេសចរណ៍ គួរតែមានពេលនេះ