បច្ចេកវិទ្យា

ក្រោយលាឈប់ពី Google, បិតា AI ព្រមានពិភពលោកថា បច្ចេកវិទ្យាមួយនេះអាចនឹងឆ្លាតជាងមនុស្ស

បានផុស

១ year មុន

នៅ

ថ្ងៃពុធ ៣ ឧសភា ២០២៣

ដោយ

បុរសដែលគេស្គាល់ថាជាបិតានៃបច្ចេកវិទ្យា AI បានលាឈប់ពីការងារនៅ Google ប៉ុន្តែមុនពេលលាឈប់លោកបានព្រមានថា ពិភពលោកនឹងជួបគ្រោះថ្នាក់នៃការអភិវឌ្ឍន៍ AI ព្រោះវានឹងឆ្លាតជាងមនុស្សនាថ្ងៃខាងមុខ។

កាសែត New York Times បានចុះផ្សាយថា លោក Geoffrey Hinton អាយុ ៧៥ ឆ្នាំបានប្រកាសចូលនិវត្តន៍ពីការងាររបស់លោកនៅក្រុមហ៊ុន Google ដោយសារតែការងារមួយនេះធ្វើឲ្យគាត់មានអារម្មណ៍ថា មានកំហុស និងបានលើកឡើងថា បច្ចេកវិទ្យា AI chatbots មានគ្រោះថ្នាក់ ហើយវាគួរឲ្យខ្លាចណាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកក៏បាននិយាយបន្ថែមទៀតថា “ឥឡូវនេះ តាមដែលខ្ញុំអាចប្រាប់បាន ពួកគេមិនឆ្លាតដូចយើងទេ ប៉ុន្តែខ្ញុំគិតថា ពួកគេនឹងឆ្លាតជាងមនុស្សឆាប់ៗនេះ” ។

ទោះយ៉ាងណាក៏ដោយ អ្នកចិត្តសាស្រ្ត និងអ្នកវិទ្យាសាស្ត្រកុំព្យូទ័រនិយាយថា បច្ចេកវិទ្យា chatbots នឹងមានសក្តានុពលព័ត៌មានក្នុងពេលឆាប់ៗនេះ ។ ប្រសិនបើអ្នកក្រឡេកមើលល្បឿននៃការអភិវឌ្ឍន៍របស់វា យើងរំពឹងថា វានឹងលឿនខ្លាំងណាស់ ដែលជាអ្វីដែលយើងត្រូវព្រួយបារម្ភ ។

ពាក់ព័ន្ធនឹងបញ្ហានេះដែរ លោក Jeff Dean ប្រធានអ្នកវិទ្យាសាស្ត្ររបស់ក្រុមហ៊ុន Google បាននិយាយថា “យើងប្តេជ្ញាចិត្តចំពោះគោលការណ៍នៃបច្ចេកវិទ្យា AI ប្រកបដោយការទទួលខុសត្រូវ ហើយយើងនឹងបន្តសិក្សា និងស្វែងយល់ពីហានិភ័យដែលកំពុងកើតឡើង រួមជាមួយនឹងការបង្កើតការច្នៃប្រឌិតដ៏អស្ចារ្យផ្សេងៗផងដែរ”៕