Montana ក្លាយជារដ្ឋដំបូងគេរបស់អាមេរិក ហាមឃាត់ពលរដ្ឋមិនឲ្យលេង TikTok

Montana នឹងក្លាយជារដ្ឋដំបូងគេរបស់សហរដ្ឋអាមេរិក ដែលហាមឃាត់ពលរដ្ឋ មិនឲ្យលេងកម្មវិធីវីដេអូ TikTok របស់ចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលរដ្ឋលោក Greg Gianforte បានចុះហត្ថលេខាលើបម្រាមនេះឲ្យទៅជាច្បាប់ នៅថ្ងៃព្រហស្បតិ៍ទី១៨ខែឧសភា ហើយវានឹងចូលជាធរមាននៅថ្ងៃទី១ខែមករាឆ្នាំ២០២៤។

ទោះបីជាយ៉ាងណាក៏ដោយ កម្មវិធីចែករំលែកវីដេអូនេះនិយាយថា ការហាមឃាត់នេះ គឺរំលោភលើសិទ្ធិវិសោធនកម្មទីមួយនៃពលរដ្ឋ Montana។

TikTok បានស្ថិតនៅក្រោមការត្រួតពិនិត្យពីអាជ្ញាធរជុំវិញពិភពលោក ពាក់ព័ន្ធក្តីព្រួយបារម្ភថា ទិន្នន័យរបស់អ្នកប្រើ អាចត្រូវបានបញ្ជូនទៅរដ្ឋាភិបាលចិន។

លោក Gianforte មកពីគណបក្សសាធារណរដ្ឋ បានប្រាប់សមាជិកសភាថា “ការហាមឃាត់កាន់តែទូលំទូលាយ នឹងជួយឲ្យយើងការពារពលរដ្ឋ Montana ពីការឃ្លាំមើលរបស់គណបក្សកុម្មុយនិស្តចិន កាន់តែរឹងមាំជាងមុន”។

យ៉ាងណា TikTok ត្រូវបានគេរំពឹងថា នឹងជំទាស់ចំពោះច្បាប់នេះ នៅក្នុងតុលាការ។

គួរបញ្ជាក់ថា យោងតាមច្បាប់នេះ វានឹងក្លាយជារឿងខុសច្បាប់ចំពោះ App Store ដែលដាក់កម្មវិធី TikTok ឲ្យ Download ប៉ុន្តែវាមិនហាមឃាត់ពីការប្រើប្រាស់នោះទេ​ ចំពោះអ្នកណាដែលមានកម្មវិធី TikTok រួចហើយ៕

ប្រែសម្រួល៖ Vann Vann

ប្រភព៖ BBC

ចុចអាន៖ ថៃ សហការជាមួយ TikTok ប្រយុទ្ធប្រឆាំងព័ត៌មានក្លែងក្លាយ ទាក់ទងការបោះឆ្នោត