ត្រឹមពេល ៤ ម៉ោង កម្មវិធី Threads មានអ្នកចូលប្រើប្រាស់ដល់ខ្ទង់លាននាក់

ទើបតែដាក់ឲ្យប្រើប្រាស់មិនដល់មួយថ្ងៃផង កម្មវិធីថ្មី Threads របស់ក្រុមហ៊ុន Meta មានអ្នកចូលទៅប្រើប្រាស់រហូតដល់ទៅជាង ៥ លាននាក់ទៅហើយត្រឹមពេល ៤ ម៉ោងប៉ុណ្ណោះ ខណៈតួលេខនេះ ត្រូវបានបញ្ជាក់ដោយផ្ទាល់ពីលោក Mark Zuckerberg នៅលើគណនី Threads ផ្ទាល់ខ្លួនរបស់លោក ។

Threads ជាកម្មវិធីថ្មី​មួយក្រោមស្នាដៃបង្កើតដោយក្រុមបច្ចេកទេស​ Instagram ដែលមានលក្ខណៈស្រដៀងគ្នាបេះបិទទៅនឹង Twitter ដែលអាចឲ្យអ្នកប្រើគណនី Instagram ភ្ជាប់ជាមួយ​កម្មវិធីនេះបាន ។

គួរបញ្ជាក់ថា ក្រុមហ៊ុន Meta កាលពីថ្ងៃពុធបានបញ្ចេញ App Threads ជាផ្លូវការដែលជាគូប្រជែងរបស់ Twitter ក្នុងគោលបំណងផ្តល់នូវវេទិកាសម្រាប់ការសន្ទនាដូចពិតៗតាមអ៊ីនធឺណិត ក៏ដូចជាការចែករំលែកអត្ថបទផ្សេងៗជាដើម៕

ប្រែសម្រួល៖​ នាង រតនៈ

ប្រភព៖ NHK

ចុចអាន៖ Meta បញ្ចេញ App ថ្មីជាផ្លូវការ ដើម្បីប្រជែង ជាមួយ Twitter